Լոռիում խուլ լարվածություն է հասունանում. շուտով կպայթի

Լոռու մարզում նախընտրական քարոզարշավը թեեւ արտաքուստ բավականին հանդարտ է ընթանում, բայց ինչպես այնտեղ առաջադրված ՀԱԿ-ՀԺԿ դաշինքի ռեյտինգային թեկնածու Աշոտ Մանուկյանն է մեզ հետ զրույցում ասում, կա խուլ լարվածություն, որն առաջիկայում կպայթի: Եվ այդ լարվածությունը, նրա խոսքերով, հիմնականում Հանրապետական կուսակցության ռեյտինգային թեկնածուների միջեւ է:

Լոռու մարզն ընդգրկող թիվ 9 ընտրատարածքում, հիշեցնենք, ՀՀԿ-ն ունի երեք «ծանր հրետանի»՝ Տաշիրից՝ Կարեն Կարապետյանը, Սպիտակից՝ Արկադի Համբարձումյանը՝ Դերժավայի Արկադը եւ Վանաձորից՝ Վահրամ Բաղդասարյանը: Դա է պատճառը, որ ՀՀԿ-ն այստեղ ոչ թե մեծ թվով, այլ ընդամենը 7 թեկնածու է առաջադրել այն դեպքում, երբ 15 թեկնածու առաջադրելու իրավունք ուներ: Այս երեքից առաջին երկուսը 2012թ. խորհրդարանական ընտրություններին սույն տարածքներից մեծամասնական ընտրակարգով պատգամավոր են դարձել բավական պատկառելի ձայներով: Կարեն Կարապետյանը ստացել է ընտրություններին մասնակցած մոտ 32 հազար ընտրողներից 27 հազար ութ հարյուրի ձայները, իսկ Արկադի Համբարձումյանը ստացել է 38 հազար ընտրողներից 30 հազարի ձայները: Հիշեցնենք նաեւ, որ 2012թ. Լոռու մարզկենտրոն Վանաձորի թիվ 30 ընտրատարածքից մեծամասնական ընտրակարգով ընտրվել էր պատգամավոր Էդմոն Մարուքյանը, որն այդ պայքարում հաղթել էր այն ժամանակ իշխանության թեկնածու Վիկտոր Դալլաքյանին: Լոռու մարզից ընտրված այս երեք պատգամավորներն ապրիլյան ընտրություններին կրկին առաջադրվել են նույն ընտրատարածքում:

Բայց այս անգամ ինչպես հանրապետության բոլոր ընտրատարածքներում, Լոռիում էլ իշխանության թեկնածուները ոչ թե ընդդիմության, այլ միմյանց դեմ են պայքարում: Եվ քանի որ իրենք այս անգամ առաջադրվել են ոչ թե իրենց նախկին փոքր, այլ մարզի մեծ ընտրատարածքում, միմյանցից ձայներ են տանելու: Օրինակ, Կարեն Կարապետյանը լրագրողների հետ իր վերջին հարցուպատասխանի ժամանակ հայտարարել էր, թե ինքը մարզում որտեղ հարմար գտնի, այնտեղ էլ շտաբ կբացի: Նա նույնն էլ մյուս թեկնածուների վերաբերյալ էր ասել, թե նրանք որտեղ հարմար գտնեն, այնտեղ էլ կարող են շտաբ բացել: Բայց եթե Կարեն Կարապետյանը կարող է իրեն թույլ տալ Վանաձորում, Սպիտակում կամ Ալավերդիում շտաբներ ունենալ ու աշխատել տեղի ընտրողների ձայները ստանալու համար, նույնը Տաշիրի ենթաշրջանում չեն կարող անել ՀՀԿ-ի մյուս թեկնածուները:

Խնդիրը համարձակության եւ տեղի ընտրողների տրամադրվածության մեջ է: Բանն այն է, որ Կարեն Կարապետյանն անցած տարիներին կարողացել է մարզում ձեռք բերել այդ հնարավորությունը: Դրան նպաստում է նրա ռուսաստանաբնակ խոշոր գործարար եղբայրը՝ Սամվել Կարապետյանը, որը ներդրումներ է սկսել Վանաձորում: Վերջինս ընդամենը մեկուկես ամիս առաջ Մոսկվայում ռուսաստանի հայ այլ գործարարների եւ արդեն վարչապետ Կարեն Կարապետյանի հետ հանդիպումից հետո հայտարարել էր, թե այս տարի պատրաստվում է Լոռու մարզում 300 մլն դոլարի ներդրում կատարել: Իսկ թե որ ոլորտներում է ներդնելու, պետք է ասի այս ամսին: Դա եւս կազդի ընտրողների տրամադրության վրա:

Բայց իշխանության այս երեք թեկնածուներից յուրաքանչյուրը փորձելու է թե՛ իր նախկին մեծամասնական ընտրատարածքից, թե՛ ընդհանրապես ողջ մարզից առավելագույն ձայները ստանալ, որ հետո հենց ինքը այնտեղ լինի ամենաազդեցիկը, թելադրողը: Աշոտ Մանուկյանը հենց այս պայքարը նկատի ունի, որ ասում է, թե շուտով պայթյուն կլինի: Լոռու մարզում առկա լարվածության մասին մի քանի հարց ուղղեցինք ընդդիմադիր թեկնածուին:

- Պարոն Մանուկյան, Լոռու մարզում իշխանություններն իրենց լծակներով խնդիրներ չե՞ն առաջացնում ընդդիմադիր թեկնածուների համար:

- Ընդդիմադիր ուժերից «Ելք» դաշինքի թեկնածու Էդմոն Մարուքյանի նախընտրական պաստառներն էին պատռել, եւ դեռ որեւէ այլ դեպք չի եղել: Պարզապես ընդհանուր լարվածություն կա: Որոշակի տեղեկություններ կան, որ մեծ գումարներ են բաժանում, բայց դա դժվար է ֆիքսել, թեեւ բոլորս էլ համոզված ենք, որ իշխանության հիմնական զենքը մնացել է կաշառքը:

- Ովքե՞ր են ընտրակաշառք բաժանում: Իշխանությա՞ն թեկնածուները:

- Ոչ միայն, էլի կուսակցություններ կան, որոնց մասին ասում են:

- Հավանաբար «Ծառուկյան» դաշինքը կամ «Օրինաց երկիր» կուսակցությունն է բաժանում: Նախկինում նրանց մասին էին նման տեղեկություններ լինում: Եվ որքա՞ն է հասնում ընտրակաշառքի չափը:

- Բոլորն էլ: ՀՀԿ-ից բացի էլի բաժանողներ կան: Տարբեր թվեր են ասում 10 հազարից մինչեւ 50 հազար դրամի մասին են խոսում:

- Իսկ իշխանության թեկնածուների միջեւ ինչո՞ւ է լարվածություն առաջացել:

- Դե, որովհետեւ թեկնածուները միմյանց տարածք են մտնում:

- Ո՞վ է ում տարածք մտնում:

-  Կարեն Կարապետյանը մտնում է Վահրամ Բաղդասարյանի տարածքը, Վահրամ Բաղդասարյանը՝ Կարեն Կարապետյանի տարածքը: Էն սպիտակցին նույնպես նման բան է անում: Խուլ հակասություն է գնում, բայց երբ կպայթի, չգիտեմ: Ես ենթադրում եմ, որ կպայթի, քանի որ ցանկացած լարում իր կուլմինացիային է գալու:

- Իսկ Լոռու ընտրողներն ի՞նչ տրամադրություն ունեն:

- Մի ընդհանուր տրամադրություն կա ՀՀԿ-ի դեմ, բայց այդ լարված ժողովրդի մի մասը, որ ամենավերջին հայհոյանքներով հայհոյում են ՀՀԿ-ին, հետո փողը վերցնում, գնում՝ նրան է ընտրում: Բայց ի վերջո մեր հույսն էլ ժողովրդի իմաստության վրա է, մենք կոչ ենք անում չկաշառվել: Բարոյական չի՝ ասենք, կաշառք վերցրեք, բայց ուրիշին ընտրեք: Բայց ասում ենք, եթե անգամ կարիքից ելնելով՝ ստիպված եք լինելու վերցնեք, ընտրությունների ժամանակ ճիշտ կողմնորոշվեք:

Տպել
6105 դիտում

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է