Նոր Նորքում մարզադպրոցի աշխատակիցները հարձակվել են «Ելք»-ի անդամների վրա (տեսանյութ 18+)

15/03/2017 schedule15:50

Այսօր Նոր նորքի 4-րդ զանգվածի մարզադպրոցի («Տորք Անգեղ» մարզամշակութային կենտրոն) մոտ միջադեպ է տեղի ունեցել դպրոցի աշխատակիցների եւ «Ելք» դաշինքի ներկայացուցիչների միջեւ: Այն պահին, երբ դաշինքի ներկայացուցիչները դպրոցին հարակից տարածքում քարոզչություն են իրականացնելիս եղել՝ դուրս են եկել ինչ-որ կանայք (ենթադրաբար դպրոցի աշխատակիցներ) եւ հայհոյանքներ տալով «հարձակվել» «Ելքի» ներկայացուցիչների վրա: Ընթացքում խոչընդոտվել է լրագրողների աշխատանքը, վնասվել է ոմանց տեխնիկան՝ այդ թվում armtimes.com-ի տեսախցիկը:

«Ելք» դաշինքին մաս կազմած «Քաղաքացիական պայմանագիր» կուսակցության թիվ 1 ընտրատարածքի շտաբի պետ Մխիթար Հայրապետյանը մեզ հետ զրույցում պատմեց հետեւյալը. «Նոր Նորքի 4-րդ զանգվածի սպորտդպրոցի հարակից տարածքում քարոզչություն էինք իրականացնում: Սպորտդպրոցից ինչ-որ մարդիկ դուրս եկան, ասացին, որ հեռանանք այդ տարածքից: Այդ ընթացքում ԱԺ պատգամավոր Նիկոլ Փաշինյանը նկատեց, որ դպրոցի ներսում ԱԺ պատգամավորի թեկնածուներից մեկի նախընտրական պաստառն է փակցրած: Հարցրեց, թե արդյոք դպրոցում քարոզչություն են անում եւ համոզվելու համար փորձեց դպրոց մտնել: Սակայն թույլ չտվեցին, որ Փաշինյանը ներս մտնի: Վերջինս մանդատը ցույց տվեց՝ պահանջելով, որ դուռը բացեն: Էլի թույլ չտվեցին: Այդ նույն ժամանակ դպրոցի տեխնիկական աշխատակիցները փորձեցին արագ թաքցնել քարոզչական պաստառը: Մենք ներս մտանք, այդ կանայք ակնհայտ պրովոկացիա էին անում, հայհոյանքներ տալիս, թույլ չէին տալիս տեսնել՝ ինչ պաստառներ են: Դպրոցի աշխատակիցները հարձակվեցին մեզ վրա, բախում տեղի ունեցավ, ոստիկանություն ենք զանգահարել, ամբողջը տեսաձայնագրվել է»:

Մեր հարցին, թե արդյո՞ք վնասվածքներ ստացածներ կան՝ Մխիթար Հայրապետյանը պատասխանեց. «Ալեն Սիմոնյանի վերարկուն են պատռել, լրագրողների աշխատանքը խոչընդոտվել է, բայց տեխնիկական վնասի առումով տեղեկություն չունեմ»:

Նշենք, որ մարզադպրոցում փակցված է եղել «Ծառուկյան» դաշինքի համամասնական ցուցակի 43-րդ համարը ներկայացնող, ԲՀԿ-ական Արթուր Մամոյանի նախընտրական պաստառը: Մամոյանը նշված մարզադպրոցի տնօրենն է:

Տեղի ունեցածի վերաբերյալ ֆեյսբուքում քիչ առաջ գրառում է կատարել ԱԺ պատգամավոր Նիկոլ Փաշինյանը.

«Հարկ եմ համարում ընդգծել հետեւյալը.

  1. Այսօրվա միջադեպը տեղի է ունեցել ոչ թե Աբովյանում (որոշ լրատվամիջոցներ սկզբում գրել էին, թե Աբովյանում է եղել-խմբ.), այլ Երեւանի Նոր Նորքի 4-րդ զանգվածի սպորտդպրոցում:
  2. Միջադեպը ծագել է այն ժամանակ, երբ մենք դպրոցի հարակից ավտոկանգառից բարձրախոսով քարոզչություն էինք իրականացնում հարակից շենքերի ուղղությամբ եւ սպորտդպրոցի շենքից ինչ-որ մարդիկ անընդհատ ասում էին, որ այստեղ քարոզչություն անել չի կարելի:
  3. Մենք մոտեցանք դպրոցի մուտքին եւ արձանագրեցինք, որ հենց դպրոցի ներսում, նախասրահում ԱԺ պատգամավորի թեկնածուի քարոզչական պաստառ է տեղադրված, ինչը դպրոցի աշխատակիցները փորձում էին թաքցնել, իսկ մեր թիմի ներկայացուցիչները փորձում են ֆիքսել եւ արձանագրել:

Մնացածը տեսանյութում արձանագրված է: 

Տպել
31059 դիտում

Վրաստանին ու նոր նախագահին առաջիկա տարիներին հաջողություններ եմ մաղթում. Արմեն Սարգսյան

Արթուր Բաղդասարյանը հեռանում է քաղաքականությունից, խոստանում է վերադառնալ՝ հենց ժողովուրդն ուզի

Գողություն Մակարավանքից. հափշտակել են արծաթե մոմակալներն ու հանգանակության գումարը

Վրաստանի առաջին կին նախագահը երդվեց՝ ի հեճուկս ընդդիմության բողոքի ակցիաների

Վաղը երեկոյան ժամերից սպասվում են տեղումներ, մառախուղ, ձյուն, ջերմաստիճանը կնվազի

Վրացական ընդդիմությունը բողոքի ցույցով հասել է Թելավի, ոստիկանությունը փակել է ճանապարհը (տեսանյութ)

Վրաստանում տեղի ունեցավ Սալոմե Զուրաբիշվիլիի երդմնակալության արարողությունը (տեսանյութ)

Գիշերը ժամը 03:00-ին մեքենա է ընկել Արփա գետը, 2 հոգի հիվանդանոցում են

«Իմ քայլը» կստանա 88 մանդատ, ԲՀԿ-ն՝ 26, «Լուսավոր Հայաստան»-ը՝ 18. ԿԸՀ-ն բաշխեց մանդատները

Խանջյան փողոցում մահվան ելքով վրաերթի մասնակից «Սպիտակցի Հայկոն» ստորագրությամբ բաց է թողնվել

Երևանում զենքի սպառնալիքով առևանգել են ոստիկանության Արմավիրի վարչության պետի եղբոր տղային

Արմեն Սարգսյանը շնորհավորական ուղերձ է հղել Ղազախստանի նախագահ Նուրսուլթան Նազարբաևին

Կաթողիկոսն ընդունել է «Լուսավոր Հայաստան» կուսակցության խորհրդարանական խմբակցությանը

«Իմ քայլը» ստացել է քվեների 70.42%-ը, ԲՀԿ-ն՝ 8.26%-ը, «Լուսավոր Հայաստանը»՝ 6.37%-ը. վերջնական

Վլադիմիր Պուտինն իրականացրել է 14-ամյա Արտյոմի երազանքը, տղան տպավորված է

ՀՀ նախագահը ժամանել է Վրաստան՝ մասնակցելու Սալոմե Զուրաբիշվիլիի երդմնակալությանը

Գյումրիում հարսանիքից վերադարձող ընտանիքը վթարի է ենթարկվել․ զոհվել են ամուսիններ

Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար

«Նոր Հայաստան, նոր հայրապետ» շարժման մասնակիցներից երկուսը տարվել են ոստիկանություն

Հրդեհ է բռնկվել Աբովյան փողոցի բնակարաններից մեկում. 2 տուժածներից մեկին հոսպիտալացրել են