Երևան
10 °C
ՀՀ գիտությունների ազգային ակադեմիայում (ԳԱԱ) դեռեւս ավարտված չէ գիտական կազմակերպությունների գործունեության արդյունավետության գնահատումը եւ առայժմ եզրակացություն չկա, թե ինչ արդյունավետությամբ են աշխատում համակարգի գիտական կազմակերպությունները:
Համապատասխան գնահատման գործընթացը նաեւ չի մոտեցել իր ավարտին, չնայած ի սկզբանե դա նախատեսվել էր սույն թվականի առաջին եռամսյակի վերջում: Այդուհանդերձ, արդեն իսկ խոսվում է ԳԱԱ որոշ ինստիտուտներ միավորելու հավանականության մասին:
ԳԱԱ ակադեմիկոս-քարտուղար Հրանտ Մաթեւոսյանը մեզ հետ զրույցում ասաց, որ գիտական կազմակերպությունների գործունեության արդյունավետության գնահատման գործընթացը կազմված է երեք հիմնական փուլերից եւ առայժմ ավարտվել է առաջինը: Այն է՝ ԳԱԱ ինստիտուտներն իրենք են, ըստ նախապես առաջադրված պահանջների, տվյալներ ներկայացրել իրենց գործունեության վերաբերյալ՝ տարբեր ուղղություններով:
Հաջորդիվ նախատեսված է, որ փորձաքննական խմբերն ինստիտուտներ այցելելով, պետք է պարզեն, թե ներկայացված տեղեկությունները որքանով են համապատասխանում իրականությանը: Այնուհետեւ, ըստ առանձին ինստիտուտների, կկազմվեն եզրակացություններ ու նաեւ կներկայացվեն առաջարկներ:
Բայց թե ովքեր են ընդգրկված փորձաքննական խմբերում, գիտությունների ազգային ակադեմիայում չեն հայտնում: Պետական գաղտնիքի պես պահպանում են նաեւ գնահատման հանձնաժողովի կազմում ընդգրկված անձանց ոչ միայն անունները, այլ նաեւ քանակը:
«Գնահատման հանձնաժողովի կազմում ընդգրկված են ինչպես ակադեմիայի համակարգի, այնպես էլ ոչ ակադեմիական համակարգից ընդգրկված հայտնի մասնագետներ: Եվ այս առումով մենք նաեւ նպատակ ունենք, որպեսզի ունենանք ավելի օբյեկտիվ գնահատում, որ չստացվի՝ միայն ակադեմիական համակարգի մասնագետներն են իրենց ինստիտուտների գործունեությունը գնահատում: Բայց հանձնաժողովի կազմում ընդգրկված անդամների ո՛չ թիվը, ո՛չ անունները չեմ հրապարակելու»,- ասաց նշված հանձնաժողովի նախագահի տեղակալ, ԳԱԱ նախագահության սփյուռքի բաժնի պետ Վանյա Բարսեղյանը:
Հարցին, թե ինչ հիմնավորմամբ է հրաժարվում հայտնել անունները, նա պատասխանեց. «Գործընթացն այնպիսին է, որ այն ենթադրում է անկախ եւ օբյեկտիվ գնահատում, այստեղ չպիտի լինեն նաեւ շահերի բախումներ եւ այլն: Յուրաքանչյուր փորձաքննական գործունեություն ունի իր սկզբունքները եւ մոտեցումները»: Իսկ թե ում շահերը կարող են բախվել, այս հարցի մեկնաբանությունը նա թողեց մեզ:
Անդրադառնալով գնահատման ընթացիկ գործընթացին՝ ԳԱԱ ակադեմիկոս-քարտուղար Հրանտ Մաթեւոսյանին հարցրինք, թե այդ ամենի արդյունքում հնարավո՞ր է միավորվեն ակադեմիայի որոշ ինստիտուտներ (ինչի մասին, ի դեպ, համակարգում խոսակցություններ կան):
- Անպայման: Շատ հնարավոր է: Երբ ամբողջ տեղեկատվությունը հավաքվի, արդեն գնահատման հանձնաժողովի երաշխավորությունների մեջ կարող է հնչել, որ տվյալ ինստիտուտները թեմատիկայով մոտիկ են, հնարավոր է դրա հիման վրա օպտիմալացում կատարվի: Մեզ մոտ արդեն որոշ բաներ կան նախատեսված: Այո, նախնական պատկերացում կա: Ինստիտուտների անուններ չեմ նշի. անիմաստ է դրա մասին խոսելը, քանի որ մենք այդ խնդրին դեռ չենք անդրադարձել:
- Բայց եթե գնահատման գործընթացը չի ավարտվել ու առայժմ չկա եզրակացություն, ինչի՞ հիման վրա է կազմվել այդ նախնական պատկերացումը:
- Այդ մարդիկ, ովքեր պատկերացում են կազմում, առաջին տարին չէ, որ աշխատում են ակադեմիայում:
- Այսինքն` սկսված ուսումնասիրություններն ըստ էության գալու են հաստատելո՞ւ այդ նախնական պատկերացումները:
- Ոչ, դրանք տարբեր բաներ են: Ուղղակի կան ինստիտուտներ, որոնք իսկապես թեմատիկայով մոտիկ են եւ հավանորեն կմիավորվեն:
Հարցին, թե կադրային կրճատումների հարց կառավարությունն առաջադրե՞լ է, ինչպես այլ գերատեսչությունների, ԳԱԱ ակադեմիկոս-քարտուղարը բացասական պատասխան տվեց, բայց նաեւ ասաց, որ անցյալ տարի ակադեմիայի համակարգի բոլոր գիտական կազմակերպություններում իրականացվել է գիտական աշխատողների ատեստավորում, անկախ նրանից, թե նրանք նախկինում երբ էին ատեստավորվել: Արդյունքում պարզվել է, որ 65 գիտաշխատող չի համապատասխանում զբաղեցրած պաշտոնին եւ կատարվել է պաշտոնի ցածրացում, 162 գիտաշխատողի պաշտոնը բարձրացվել է, իսկ 20 գիտնական ազատվել աշխատանքից:
Հ.Գ. Ինչպես ավելի վաղ հայտարարվել էր՝ գիտությունների ազգային ակադեմիայի համակարգի գիտական կազմակերպությունների գործունեության արդյունավետության գնահատման նպատակն է բարձրացնել ակադեմիայի գիտական ներուժի օգտագործման արդյունավետությունը՝ ավելացնելով ԳԱԱ ներդրումը երկրի սոցիալ-տնտեսական զարգացման գործում, ավելացնել համաշխարհային գիտության մեջ ԳԱԱ գիտական կազմակերպությունների ներդրումը եւ ապահովել նրանց մրցունակությունը, բարձրացնել ԳԱԱ դերն ու հեղինակությունը հասարակության շրջանում եւ այլն:
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը փակ է բոլոր տրանսպորտային միջոցների համար
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Մի քանի ժամով կհոսանքազրկվեն Երևանի և 2 մարզի որոշ հասցեներ
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
© 2024 Հայկական ժամանակ