Մարդիկ ասում են փրկի, պարոն Ծառուկյան. ԲՀԿ առաջնորդը 50+1 տոկոս քվե ստանալու ակնկալիք ունի

Գյումրիում այսօր տեղի է ունեցել «Ծառուկյան» դաշինքի նախընտրական հանդիպումը: Դաշինքի առաջնորդ Գագիկ Ծառուկյանին այնտեղ դիմավորել են աղավնիներ թռցնելով: Մինչ հավաքված բազմության միջով Ծառուկյանը եւ նրան ուղեկցող ռեյտինգային 2 թեկնածուն՝ Վարդան Ղուկասյանն ու Վարդեւան Գրիգորյանը մի կերպ կհասնեին Թատերական հրապարակում տեղադրված հարթակի մոտ՝ նամակների մի ամբողջ խուրձ է հավաքվել. ենթադրաբար դրանց միջոցով քաղաքացիները շարունակում են ֆինանսական կամ այլ օգնության խնդրանքները փոխանցել Ծառուկյանին:

«Ինչ որ ասել եմ իրական կյանքում, ես դա իրականություն եմ դարձրել: Այսօր, իմանալով խնդիրը, պրոբլեմը, դա նույնպես իրականություն է լինելու, եթե դուք մեզ ձայն տաք եւ լինի 50+1: Եթե եղավ 50 +1 տոկոս՝ ուրեմն համակարգ էլ կփոխենք, օրենք էլ կփոխենք, մարդկանց էլ կփոխենք, բանկի տոկոս էլ կփոխենք, ներդրում էլ կանենք, աշխատանք էլ կլինի»,- Գյումրիում հայտարարել է «Ծառուկյան» դաշինքի առաջնորդը:

Դարձյալ անդրադառնալով վարկերի խնդրին՝ Գագիկ Ծառուկյանն ասել է, որ մի տնից 2-3 հոգի են արդեն «վարկի տակ»:

«Մինչեւ այստեղ հասնելը ճանապարհին 10 տեղ ճանապարհը փակել են: Մարդիկ ասում են փրկի, պարոն Ծառուկյան: Ես պատրաստ եմ փրկելու, ճանապարհն էլ գիտեմ, ուղղությունն էլ գիտեմ, ցանկություն էլ ունեմ: ...5-6 ընտրություն է անցել, հավատացել, ձեր ձայնը տվել եք: Այսօր ձեզ ասում ենք. այնպիսի կառույցի տվեք ձեր ձայնը, որ կարողանա օրենք փոխի, պայման ստեղծի»,- նկատեց նա:

Շարունակելով վարկերի թեման՝ Ծառուկյանը շեշտել է, որ Համաշխարհային բանկից վարկերը 0 տոկոսով են եկել Հայաստան, բայց այստեղ ժողովրդին դա տվել են 20-25 տոկոսով: «Պետք է մարդիկ պատասխանատվության ենթարկվեն. ինչի՞ համար է 0 տոկոսանոց վարկը ժողովրդին տրվել 25 տոկոսով»,- հավելեց նա:

Խոսելով մարդկանց սոցիալական վիճակի մասին՝ Ծառուկյանն ասել է, որ ընտանիք կա՝ ամիսներով միս չի օգտագործում: «Մեղավորը դուք եք: Ընտրությունը վերջացավ, 5 տարի ի՞նչ եք անելու: ...Ես իմ պատիվը չեմ վաճառում, ես 12 թվին կոալիցիա չեմ մտել: Ինչ լավ ա՝ չեմ մտել, որովհետեւ ավելի շատ ձայն եմ ստացել, որովհետեւ իմ խոստումները ես չէի կարող կատարել: 2015 թվականին տեսաք ինչ կատարվեց իմ գլուխը, բա ասում եք պայմանավորված ա: Ես իմ ժողովրդի մատը չեմ թողնի փուշ մտնի»,- հայտարարել է Ծառուկյանն ու տեղացող թաց ձյան տակ եզրափակելով իր խոսքը՝ հավելել. «Աստված ձեզ պահապան, սիրելի ժողովուրդ, ձեր ապագան դուք եք որոշում»:

Ի դեպ, մինչ Գյումրի մեկնելը՝ Ծառուկյանը հանդիպել է նաեւ Շիրակի մարզի Արթիկ քաղաքի բնակչությանը: «Գնում եք ընտրության, ընտրում եք նրան, ում հավատում եք: Այսօր վախից արդեն Ծառուկյանին ասում են՝ հանկարծ ժողովրդին ոչ մի բան խոսք չտաս: Մեկը օգնության կարիք ունի, հիվանդի, լույսի, մեկը ջրի, մեկը դեղի կարիք ունի, ասում եմ՝ այ մարդ, ես բարեգործ մարդ եմ, ժողովրդի ցավը տանեմ...Դրա համար հիմա ասում եմ՝ գնացեք թեկնածուների մոտ: Ասում են՝ Ծառուկյան, քեզ նկարում ենք, դատի ենք տալու, որ ժողովրդին ուզում ես օգնես: Տեսեք վախից ինչ են անում»,- հայտարարել է Ծառուկյանը:

Ծառուկյանը այսպիսով կրկին անդրադարձել է Կենտրոնական ընտրական հանձնաժողովի զգուշացմանը, որ նախընտրական քարոզչության ժամանակ կուսակցություններին արգելվում է ընտրողներին անհատույց կամ արտոնյալ պայմաններով տալ կամ խոստանալ դրամ, սննդամթերք, ապրանքներ, մատուցել կամ խոստանալ ծառայություններ:

Տպել
3564 դիտում

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն

Ով է փոխարինելու գեներալ Ղահրամանյանին՝ Վ. Սարգսյանի անվան ռազմական համալսարանի պետի պաշտոնում

Արմեն Սարգսյանը շնորհավորական ուղերձ է հղել Մոսկվայի եւ Համայն Ռուսիո Պատրիարք Կիրիլին

Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

ՀՊՏՀ Գյումրու մասնաճյուղում եւ թիվ 37 դպրոցում կոռուպցիոն չարաշահումներով քրգործեր են հարուցվել

ՀՀ ԶՈՒ աշխատանքային խումբը մեկնել է Մոսկվա

Աֆղանստանում քննարկվել է խաղաղապահ զորքերի սպառազինությունը եւ տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում