Հաց բերողի մտերիմները դիմել են ՊՆ՝ նրան Եռաբլուրում հուղարկավորելու հարցով

17/03/2017 schedule17:39

Քիչ անց Ազատության հրապարակում կմեկնարկի Հաց բերող Արթուր Սարգսյանի հիշատակին նվիրված բողոքի ակցիան: Երեկվա ակցիայի մասնակիցները որոշել էին այսօր Ազատության հրապարակից միանգամից գնալ նրա հոգեհանգստին, սակայն հոգեհանգիստն այսօր տեղի չի ունենալու:

«Սասնա ծռեր» խմբի մամուլի խոսնակ, Արթուր Սարգսյանի ընկեր Սյուզան Սիմոնյանից քիչ առաջ տեղեկացանք, որ հոգեհանգիստը հետաձգելու պատճառները երկուսն են. «Փաստաբանները դիմել են քննչական կոմիտե՝ պահանջելով, որ Արթուր Սարգսյանի մահվան հանգամանքների ուսումնասիրման հարցով հանձնաժողով ձեւավորվի, իսկ փորձաքննության պրոցեսը տեսանկարահանվի: Փորձագետների ներգրավումը փորձաքննությանը բավարարվել է, տեսնենք տեսանկարահանման հարցով ինչ կպատասխանեն»,- պատճառներից մեկը նշեց Սիմոնյանը եւ հավելեց, որ հոգեհանգստի հետաձգման երկրորդ պատճառն այն է, որ դիմել են Պաշտպանության նախարարություն՝ Արթւոր Սարգսյանին Եռաբլուրում հուղարկավորելու հարցով, սակայն դեռ պատասխան չեն ստացել:

«Արթուր Սարգսյանը ազատամարտիկ է, մասնակցել է Արցախյան պատերազմին, բացի այդ նա նաեւ Մեծ Հաց բերողն է, պետք է պատվավոր հուղարկավորություն կազմակերպվի»,- հավելեց նա: Հիշեցնենք, որ Արթուր Սարգսյանը մահացել է երեկ՝ «Արմենիա» բժշկական կենտրոնում:

Արթուր Սարգսյանը տառապում էր «Բեխտերեւի» հիվանդությամբ (այս հիվանդությունը ներառված է պատժի կրման հետ անհամատեղելի հիվանդությունների ցանկում (Կառավարության 2006թ. 825-Ն որոշմամբ), ուներ որովայնային գծային ճողվածք, ողնաշարի խնդիր: Նա երկրորդ կարգի զինվորական հաշմանդամ էր։ Կալանքի տակ գտնվելու ընթացքում Արթուր Սարգսյանի մոտ ախտորոշվել էր ստամոքսի եւ կերակրափողի էրոզիաներ եւ կերակրափողի ճաք, որը օրեր շարունակ արնահոսել էր:

Արթուր Սարգսյանը կալանավորվել էր 2016-ի հուլիսին, ազատ էր արձակվել դեկտեմբերի 31-ին, քանի որ ազատազրկման հետ անհամատեղելի հիվանդություն ուներ: Փետրվարի 9-ին, սակայն նա կրկին կալանավորվել էր եւ որպես բողոքի նշան հացադուլ սկսել:

Մարտի 6-ին, մեծ ջանքերի, բանակցությունների արդյունքում  մի քանի տասնյակ պատգամավորների երաշխավորությամբ Արթուր Սարգսյանը կրկին ազատ էր արձակվել ու անմիջապես տեղափոխվել հիվանդանոց: Որոշակի չափով կազդուրվելուց հետո Սարգսյանը դուրս էր գրվել: Երեկ, սակայն նրա ինքնազգացողությունը կրկին վատացել էր եւ տեղափոխել էին հիվանդանոց, որտեղ եւ մահացել է:  

Արթուր Սարգսյանը 49 տարեկան էր, մասնագիտությամբ քանդակագործ, փայտի փորագրող:

Տպել
11566 դիտում

Էրեբունու 10/36 ընտրատեղամասում մեծ առավելությամբ առաջատարն է «Իմ քայլը» դաշինքը. նախնական արդյունք

Ժամը 20-ի դրությամբ դրությամբ Երեւանի ավագանու արտահերթ ընտրություններին մասնակցել է ընտրողների 43.65%-ը

Դավիթաշենում «Իմ քայլը» դաշինքը 77.88 տոկոս է հավաքել. նախնական արդյունքներ

Երեւանի ավագանու արտահերթ ընտրությունների արդյունքներին կարող եք հետեւել օն-լայն ռեժիմով, ժամը 24-ից ԿԸՀ հաշվիչը կմիանա

Ավան վարչական շրջանի 1/09 տեղամասում սկսվեց ընտրությունների արդյունքների հաշվարկը

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում