Գնահատականներ. ով ում կողմից է լինելու

18/03/2017 schedule16:10

Տպագրվել է «Հայկական Ժամանակ» օրաթերթի՝ 2004 թվականի մարտի 19-ի համարում

Եւս մեկ-երկու մարզային այց, մեկ-երկու մեծ հանրահավաք մայրաքաղաքում, եւ «Արդարություն» դաշինքը դիմելու է ժողովրդին՝ նախագահի նստավայրի մոտ անժամկետ նստացույց անելու կոչով: Ընդդիմության հաշվարկներով, իշխանափոխության նստացույցի մոտավոր ժամկետն ապրիլի երկրորդ կեսն է: Մինչ այդ գործող նախագահը հերթական անգամ հիշեցրեց, որ ուժային կառույցներն իրեն են ենթարկվում: Իսկ ուժային համակարգում տեղի ունեցած վերջին փոփոխությունները, ընդդիմության գնահատմամբ, Քոչարյանի նախապատրաստական աշխատանքն է՝ ընդդիմության եւ ժողովրդի դեմ համակարգված պայքար տանելու համար:

Եւ չնայած Ռոբերտ Քոչարյանին սատարած քաղաքական ուժերը նույնիսկ այսօր, երբ ընդդիմությունն իշխանափոխության կոնկրետ օր է նշում, շարունակում են պնդել, թե երկրի ներքաղաքական կայունությունը խաթարված չէ, ակնհայտ է, որ երբ ժողովուրդը շրջապատի Բաղրամյան պողոտան, այդ ժամանակ արդեն երկրի խալխլված կայունությունը «չտեսնել» կոալիցիան հաստատ չի կարողանա: Ուստի երեկ խորհրդարանական ճեպազրույցների ժամանակ մենք փորձեցինք գործող նախագահին սատարող քաղաքական ուժերից պարզել՝ եթե գործընթացներն այնպիսի զարգացում ունենան, որ գործող նախագահը ստիպված լինի ուժ գործադրել ժողովրդի նկատմամբ, իրենք բարիկադի ո՞ր կողմում կլինեն՝ ժողովրդի հե՞տ, թե իրենց սատարած նախագահի կողքին:

ՀՅԴ խմբակցության քարտուղար Հրայր Կարապետյանը երկրում ստեղծված իրավիճակը համարեց խիստ մտահոգիչ, բայց եւ ընդդիմությանը հիշեցրեց, որ իրենք եւս ընտրազանգված ունեն, եւ իրենք էլ կարող են իրենց ընտրազանգվածը ցույցի հանել: «Ինչ է ստացվելու՝ ընտրազանգվածների պատերա՞զմ»,- հարցնում է դաշնակցական գործիչն ու ավելացնում. «Մեզ լրջորեն  մտահոգում են ընդդիմության այն կոչերը, որոնք հատկապես ուղղված են բռնի ուժով իշխանությունը տապալելուն, նաեւ՝ նման հարցերը միջազգային տարբեր ատյաններում բարձրացնելը: Մենք էլ ենք եղել ընդդիմություն եւ երբեք թույլ չենք տվել, որ ներքաղաքական իրադարձություններն այնքան զարգանան, որ վերաճեն քաղաքացիական պատերազմի, որ արյուն հեղվի:

Դաշնակցությունը թե՛ ընդդիմություն եղած ժամանակ, թե՛ այսօր, իր ուժերի ներածին չափով, թույլ չի տալու, որ զարգացումները տանեն դեպի արյունահեղություն»:  Ու եթե ՀՅԴ-ին լրջորեն մտահոգում է ստեղծված ներքաղաքական իրավիճակը, ապա հանրապետականի համար իրավիճակն ընդամենը ծիծաղելի է: Համենայնդեպս, ՀՀԿ խմբակցության ղեկավար Գալուստ Սահակյանն անժամկետ նստացույց անելու ընդդիմության ծրագիրը համարում է առնվազն ծիծաղելի: «Ես ծիծաղելի քայլ եմ համարում գալ, նստել այնքան ժամանակ, մինչեւ երկրի նախագահը հեռանա: Դա քաղաքական գործընթաց չէ, դա վերջին ճիչի մոլուցք է: Ի վերջո, պետք է հասկանալ, թե ինչ է ուզում ժողովուրդը, եւ ինչ է ուզում ընդդիմությունը:

Ժողովուրդն ուզում է հաց, ընդդիմությունն ուզում է իշխանություն: Ըստ երեւույթին՝ երկուսն էլ հաց են ուզում»,- ընդդիմության նպատակը այսպես է հասկացել Գալուստ Սահակյանը: Իսկ հնարավոր առճակատման դեպքում, եթե նախագահը ուժ գործադրի միտինգավորների նկատմամբ, որտե՞ղ է լինելու ժողովրդի դարդերի կուսակցություն «Օրինաց երկիրը»: Այս կուսակցությունը, ինչպես միշտ, աշխատում է ժամանակից շուտ չկողմնորոշվել: «Եկեք ձուկը ծովում բազար  չանենք»,- մեր հարցին ի պատասխան ասաց ՕԵԿ խմբակցության ղեկավար Սամվել Բալասանյանը, որը միայն մեր այդ հարցից հետո հասկացավ, թե ինչու  է գրվել «Կիկոսի մահը»: «Ժողպատգամավոր» խումբն էլ ստեղծված իրավիճակի շուրջ ունի իր մասնավոր գնահատականը:

«Ես պարզ ձեզ ասեմ՝ այսօր ինչքան իշխանավորներից են դժգոհ, այնքան էլ ընդդիմությունից  են դժգոհ: Եւ ճիշտ կլինի, որ երկուսն էլ մտածեն սեփական վստահությունը վերականգնելու մասին: Այնպես չէ, որ մեկի արեւով խնդում են, մեկից էլ՝ զզվում»- ասաց խմբի ղեկավար Կարեն Կարապետյանը: Այսպիսով, երեկ մեզ այդպես էլ չհաջողվեց պարզել, թե ժողովուրդ-իշխանություն հնարավոր բախման դեպքում բարիկադի որ կողմում կլինեն իշխանությանը սատարող, բայց մշտապես ժողովրդի անունից հանդես եկող կոալիցիայի կուսակցությունները: Ինչպես անկեղծորեն խոստովանեց կոալիցիայի անդամ մի կուսակցության պատգամավոր՝ կոալիցիայի կուսակցությունները վաղուց արդեն կորցրել են իրենց բոլոր կարգի կողմնորոշումները: 

Նաիրա Զոհրաբյան

Տպել
759 դիտում

Աշխարհի ամենախոշոր կրուիզային ընկերություններից մեկն իր երթուղուց հանել է Թուրքիան

Երեխա էր ուզում. Արմեն Ջիգարխանյանը նոր բացահայտումներ է արել կնոջ հետ կոնֆլիկտի մասին

Իսպանիայի իշխանությունները չեն պատրաստվում ձերբակալել Կատալոնիայի առաջնորդին

Հայտնի է, թե ով կլինի հայաշատ Ախալցխայի քաղաքապետը

Ընտրությունները Ջավախքում. հաղթել են դատախազության աշխատակիցն ու վրացերենի ուսուցչուհին

Պակիստանը ցանկանում է միանալ Ադրբեջան-Իրան-Ռուսաստան եկաթուղային միջանցքին

Քրդերը վերահսկողության տակ են վերցրել Սիրիայում խոշորագույն նավթահանքերից մեկը

Մադագասկարում ժանտախտից արդեն 100 մարդ է մահացել

Մադրիդը կոչ է արել կատալոնացիներին ենթարկվել կենտրոնական իշխանությունների հրահանգներին

Արցախում մահացած զինծառայողների գործերով ձերբակալվածներ կան

Հայաստանն ավելացնում է պարտքային բեռը. մինչեւ տարեվերջ` 6,7 մլրդ դոլար

Ռուսաստանում ամենահարուստ հայերից մեկը 1 օրում 600 միլիոն դոլար է կորցրել

Կրասնոդարում 2 հայեր կրակել են երիտասարդների ուղղությամբ. Կա 2 զոհ

Մյունխենում ձերբակալել են հեծանիվով և դանակով անցորդների վրա հարձակման կասկածյալին

ՏԻՄ ընտրությունները Վրաստանում. Թբիլիսում հաղթում է իշխանական թեկնածուն

ՏԻՄ ընտրություններ Ախալքալաքում. Բախումներ, ընտրախախտումներ և 6 հայ թեկնածու

Ռուսաստանում արգելել են Հայաստանի մասին ադրբեջանական ֆիլմի ցուցադրությունը

Սիմոն Մարտիրոսյանը, Գոռ Մինասյանը եւ Արփինե Դալալյանը՝ երիտասարդական ԵԱ չեմպիոններ

Թեհրանում բացվել է Հայաստանի պատմության եւ Իրանի ազգային թանգարանների համատեղ ցուցահանդեսը

Հայկական ընկերությունը ստեղծել է աշխարհում առաջին «ճախրող» տեսախցիկը