Ներկրողը մոլորեցրել է սպառողին եւ կերոսինի անվան տակ վառարանային վառելիք վաճառել

20/03/2017 schedule15:30

Պետական եկամուտների կոմիտեն այսօր տեղեկացրել է, որ վառելիքի ներմուծման եւ իրացման շղթայում խոշոր խախտում է բացահայտել: «ԱՐԱԳԳ» ընկերությունը տարեսկզբից ներկրած վառարանային վառելիքն օրենքը շրջանցելով փորձել է իրացնել իբրեւ կերոսին ու դիզելային վառելիք: Վառելիքի մի մասը վաճառվել է Գորիսում վառելանյութի մանրածախ առեւտրով զբաղվող 2 անհատ ձեռնարկատիրոջ: Օպերատիվ-հետախուզական միջոցառումների արդյունքում պարզվել է, որ վերջիններն իրացրել են վառելանյութի մի մասը՝ դիզելային վառելիքի հետ խառնելով: Ներկրողը նաեւ հաշիվ-ապրանքագիր է դուրս գրել մեկ ընկերության անունով, սակայն հարկային օրենսդրությունը խախտելով՝ փաստացի մատակարարել է մեկ ուրիշին: Տնտեսվարողը նոր խմբաքանակներ է ներկրել Իրանի Իսլամական Հանրապետությունից:

Լաբորատոր փորձաքննությունը, սակայն ցույց է տվել, որ ներկրված վառելիքը չի համապատասխանում մեր երկրում սահմանված ինչպես նախկին, այնպես էլ վերջերս փոխված չափանիշերին, ուստի մաքսային մարմինը չի թույլատրել ապրանքի ձեւակերպումը: «ՊԵԿ օպերատիվ հետախուզության վարչության աշխատակիցները նախկինում ներմուծված եւ մի քանի ընկերությունների վաճառված ենթադրյալ կերոսինից ու դիզելային վառելիքից փորձանմուշներ են վերցրել եւ ուղարկել փորձաքննության: Ստացված եզրակացությունների համաձայն` ներմուծված ենթադրյալ կերոսինն իրականում հանդիսանում է վառարանային վառելիք, իսկ ենթադրյալ կերոսինի եւ դիզելային վառելիքի խառնուրդը` վառարանային վառելիքի ու դիզելային վառելիքի խառնուրդ»,- նշել է ՊԵԿ իրավախախտումների հայտնաբերման ու վարչական վարույթների իրականացման վարչության հետաքննության բաժնի պետ Արթուր Ուզունյանը:

«ԱՐԱԳԳ» ընկերությունը վառելիքի մի մասը տեղափոխել է Արմեն Մուրադյանին պատկանող ջերմոց: «Հատկանշական է, որ ջերմոցում տեղադրված 2 վառարանները նախատեսված չեն կերոսինի այրման համար»,-նկատել է կոմիտեի օպերատիվ հետախուզության վարչության 1-ին բաժնի պետ Վահրամ Ադամյանը: «Մարտ ամսին ընկերության ներկրած վառարանային վառելիքի ողջ խմբաքանակից վաճառվել է ընդամենը 285 լիտր, ինչը վկայում է Հայաստանում այդ ապրանքատեսակի պահանջարկի գրեթե բացակայության մասին»,- նշել է ՊԵԿ օպերատիվ հետախուզության վարչության պետ Գարեգին Առաքելյանը:

«ԱՐԱԳԳ» ընկերության՝ վերջին ամիսների գործունեության մասին տվյալները հիմնավորում են, թե ինչու է ներկրողը ՊԵԿ-ի տեսադաշտում հայտնվել: Սակայն անտեսելով ակնհայտ խախտումները՝ գործարարը խնդրի հետ կապված դիմել էր նաեւ ԱԺ պատգամավորներից մեկին: «Ներկրողի եւ նրա գործընկերների մոտ իրականացված օպերատիվ-հետախուզական միջոցառումների արդյունքները հիմք են տալիս պնդելու, որ տնտեսվարողները թույլ են տվել մի խումբ իրավախախտումներ՝ այդ թվում անապրանք գործարքներ իրականացնելու եւ սպառողներին մոլորության մեջ գցելու հատկանիշներով»,- ընդգծել է ՕՀՎ պետ Գարեգին Առաքելյանը: Խոշոր չափերով սպառողներին խաբելու դեպքի առթիվ ՊԵԿ հետաքննության բաժնում քրեական գործ է հարուցվել եւ ուղարկվել ՀՀ գլխավոր դատախազություն՝ ենթակայության հարցը որոշելու համար:

Տպել
747 դիտում

Թրամփը չեղարկել է գլոբալ տաքացման դեմ ուղղված Օբամայի ձեռնարկած միջոցառումները

Մեծ Բրիտանիայի խորհրդարանը չի քննարկի Շոտլանդիայում անկախության հանրաքվեի անցկացումը

«Արհամարհում եմ». Սեյրան Օհանյանի կինը՝ նրա հնարավոր ձերբակալության լուրերի մասին

Ինդոնեզիայում հսկայական օձը տղամարդու է կուլ տվել

Դոնալդ Թրամփը կմեկնի Գերմանիա «G20»-ի գագաթնաժողովին մասնակցելու համար

Մենք զգալու ենք հաղթանակի բերկրանքը. Սեյրան Օհանյան

«Օհանյան-Րաֆֆի-Օսկանյան» դաշինքի հանրահավաքը՝ լուսանկարներով

Շոտլանդիայի խորհրդարանը կողմ է քվեարկել անկախության հանրաքվեի անցկացմանը

Հանուն 1 տարի առաջ զոհված հերոսների՝ պարտավոր ենք տեսնել հաղթական ապրիլը. Ր. Հովհաննիսյան

Քարաթափման հետևանքով Կապան-Քաջարան ավտոճանապարհը միակողմանի փակ է

Քո ատամները ոսկուց են, ես ատամ չունեմ, քելե, հացի փող տուր, գնամ. ՀԿԿ-ն՝ Գյումրիում. վիդեո

Եթե մենք լինենք իշխանություն՝ 6 ամսում ՀՀ-ն կդասվի աշխարհի առաջին տասնհինգի մեջ. Օսկանյան

ՖԻՖԱ-ն Մեսիին որակազրկել է 4 խաղով

Փարիզում տեղի ունեցած 1-ին հայկական երաժշտական մրցանակաբաշխության հաղթողները

Պաշտպանության նախարար-գերագույն գլխավոր հրամանատար Սերժ Ազատի Սարգսյան. 2018

Գերմանական ավիաընկերության ուղեկցորդուհին չվերթի ժամանակ փոխարինել է օդաչուին

Հայ գեղասահորդները վաղը կմեկնարկեն աշխարհի առաջնությունում

Հայաստանի տարածքում կան դժվարանցանելի ճանապարհներ

ԿԸՀ-ն մերժեց ՀՀԿ-ի գրանցումը ուժը կորցրած ճանաչելու վերաբերյալ ՕՐՕ-ի դիմումը (տեսանյութ)

Կարեն Կարապետյանի «էլիտար» յուրայինները Ռուսաստանից