Շուշանիկ Արեւշատյան. Դավիթը դրսում հաջողություն կունենա, հետո այստեղ կհրավիրեն համերգների

20/03/2017 schedule15:45

Դավիթ Չախալյանի՝ X Factor-ից դուրս մնալն աղմուկ է բարձրացրել համացանցում: Հեռուստադիտողների քվեարկության արդյունքներն անսպասելի են եղել ինչպես երկրպագուների, այնպես էլ Դավիթի ու նախագծում նրա ղեկավար Շուշանիկ Արեւշատյանի համար: Armtimes.com-ի հետ հեռախոսազրույցում Շուշանիկ Արեւշատյանը բավական սրտնեղած էր թվում: Նրա խոսքով՝ տխրել է նաեւ Դավիթը:

«Նրա համար անսպասելի էր, նեղվել է, որովհետեւ անսպասելի էր, բայց մոռացանք, արդեն անցած է, մենք էլ առաջ ենք շարժվում»,- ասաց նա:

Երեկվա թողարկումից հետո շատերը մոտեցել կամ սոցիալական ցանցերի միջոցով գրել են Շուշանիկ Արեւշատյանին: Նրանք խնդրել են վերադարձնել Դավիթին, սակայն նա նշել է, որ դա այլեւս հնարավոր չէ, եւ մասնակցին օգնելու համար նրանք պետք է նախօրոք քվեարկեին:

«Գրում են՝ ետ վերադարձրեք Դավիթին: Ես պատասխանում եմ՝ քվեարկե՞լ եք, ասում են՝ ոչ: Այնքան մարդիկ են հանդիպում, ասում են՝ այնքան ենք սիրում, հարց եմ տալիս քվեարկե՞լ եք, ասում են՝ ոչ»,- նշեց նա:

Նախագծի տարբեր փուլերի ընթացքում Դավիթը կատարել է լեհական եւ ռումինական երգեր: Դրանից հետո Լեհաստանում համերգներ ունենալու եւ Ռումինիայի X Factor-ին մասնակցելու առաջարկներ է ստացել: Այժմ պատրաստվում է մեկնել Լեհաստան, իսկ Ռումինիայի X Factor-ին մասնակցելու վերաբերյալ դեռ վերջնական որոշում չի կայացրել:

«Նրա կատարումները, ձայնային տվյալներն ավելի մեծ արձագանք ունեցան դրսում, քան ներսում, ինչպես միշտ է լինում: Հայերն այդպիսին են. գնա մեռիր, արի սիրեմ: Նրա մոտ ամեն ինչ լավ է, նորմալ երգում է, շատ ուժեղ է, պինդ տղա է, կայացած մարդ, շատ դժվարություններ է հաղթահարել, այսքանի հասավ, ավելիին էլ կհասնի: Մարտի 30-ին մեկնում է Լեհաստան, հանդիպում ունի պրոդյուսերների հետ: Ես էլ կօգնեմ, պայմանագրեր կկնքի, կաշխատի: Հետո կգնա Ռումինիա, հետո քաղաքացիություն կստանա, հետո մնացածի նման դրսում հաջողություններ կունենա, ու այստեղից կհրավիրեն համերգների, ինչպես միշտ էլ լինում»,- ասաց նա:

Շուշանիկ Արեւշատյանն ընդգծեց, որ ամեն դեպքում X Factor-ը շատ կարեւոր նշանակություն ունի Դավիթի համար, քանի որ այս նախագծի միջոցով նա իրեն դրսեւորելու, ճանաչվելու հնարավորություն է ստացել:

Մարտի 19-ին տեղի ունեցած 5-րդ գալահամերգի ընթացքում Դավիթը որպես հրաժեշտ կատարեց «Empyray»-ի «Ներում եմ քեզ» ստեղծագործությունը: Շուշանիկ Արեւշատյանի թիմից X Factor-ում պայքարը շարունակում է 1 մասնակից՝ Տյոմը:

Տպել
5457 դիտում

Այս հաղթանակը քո ձեռքից ոչ ոք չի կարող խլել. Նիկոլ Փաշինյան

Վանաձորը ցնծության մեջ է

Գյումրին ցնծում է.

ՀՀ-ում իշխանափոխության ֆոնին ԱԳՆ-ն կոչ է անում ԵԱՀԿ ՄԽ-ին զսպել Բաքվին առաջանագծում

Ոստիկանությանը հավաքի մասնակիցներին զսպվածության կոչ է անում

Սերժ Սարգսյանը հրաժարական տվեց. պաշտոնական

Ավանդական ջահերով երթն այսօր չի լինելու. «Երկիր Մեդիա»

ԲՀԿ-ն միանում է ՀՀ-ում ծավալված համաժողովրդական շարժմանը. քաղխորհուրդ

Հրամանատարը կոչ էր անում թողնել երթը, եւ վերադառնալ զորամաս

18:30-ին հաղթական հանրահավաք Հանրապետության հրապարակում. Նիկոլ Փաշինյան:

Սոցցանցերում չեն նվազում ատելության քարոզն ու բռնության կոչերը. ՄԻՊ-ը մտահոգված է

Գյումրի. ազատ արձակվեց նաեւ գյումրեցի դասախոս, քայլերթի մասնակից Կարեն Պետրոսյանը

Գյումրեցի Արամին բերման են ենթարկել ցուցապաստառի համար

Կրեմլում գտնում են, որ Հայաստանում զարգացումները ՀՀ-ի ներքին գործն են. Պեսկով

Զինվորները երթից առանձնացան. նրանց տանելու են զորամասեր  

Գյումրի. երթին միացել են բուհերը, դպրոցները, Լենտեքսը, Տրիկոտաժի ֆաբրիկան

ՀՐԱՏԱՊ. Քիչ առաջ ազատ արձակվեցին Նիկոլ Փաշինյանը, Սասուն Միքայելյանը եւ Արարատ Միրզոյանը

Արցախի ՊԲ-ն հակառակորդի ուժերի կուտակումների նոր տեսագրություն է հարապարակել

Աջակցեք ցույցերին, կանխեք բռնությունը․ հրատապ դիմում բոլոր սփյուռքահայերին եւ ընկերներին

Ցանկացած հայի կյանքը ինձ համար ամեն ինչից թանկ է. Հենրիխ Մխիթարյան