Լիլիթ Մկրտչյանը պատրաստվում է շախմատի Եվրոպայի առաջնությանը եւ ԱԺ ընտրություններին

20/03/2017 schedule18:28

Հայաստանի կանանց շախմատի հավաքականի անդամ, միջազգային վարպետ Լիլիթ Մկրտչյանը պատրաստվում է 2 կարեւոր իրադարձությունների՝ Լատվիայի մայրաքաղաք Ռիգայում կայանալիք Եվրոպայի կանանց անհատական առաջնությանը եւ ՀՀ ԱԺ ընտրություններին: Այս շրջանում ավելի կենտրոնացած է քարոզարշավի վրա եւ շախմատին շատ ժամանակ չի հասցնում տրամադրել, սակայն առաջնությունում պատրաստվում է պայքարել բարձր տեղերի համար: Armtimes.com-ի հետ զրույցում նա խոսեց իր մարզավիճակի եւ մրցաշարում իր առջեւ դրած նպատակների մասին:

«Ճիշտն ասած, չեմ կարող ասել՝ ինչ մարզավիճակում եմ, մրցաշարը ցույց կտա: Հիմա նախընտրական քարոզարշավով եմ զբաղված, շատ քիչ ժամանակ է մնում շախմատի համար, բայց ամեն դեպքում Եվրոպայի առաջնությունն ամենակարեւոր մրցաշարերից է, ու դրան շատ լուրջ եմ վերաբերվում: Ինչպես հայտնի է, Եվրոպայի առաջնությունը նաեւ աշխարհի առաջնության ուղեգիր ձեռք բերելու մրցաշար է, բայց անցած տարի արդեն այդ ուղեգիրը նվաճել եմ, հետեւաբար այս տարի ավելի ազատ կխաղամ: Ամեն տարի Եվրոպայի առաջնությունը շատ ուժեղ կազմ է հավաքում, ուղղակի կպայքարեմ բարձր տեղերի համար»,- ասաց նա:

Վերջերս Լիլիթ Մկրտչյանին հաճախ են հարցնում՝ ինչն է կարեւորելու, եթե Ազգային ժողովի պատգամավոր ընտրվի: Նա խոստովանում է, որ եթե ընտրվի, ապա շախմատը չի կարող առաջնային տեղ զբաղեցնել իր կյանքում, սակայն մյուս կողմից էլ չի կարող ամբողջությամբ կտրվել սպորտից, քանի որ ողջ կյանքը նվիրել է դրան:

«Մրցումների քիչ կմասնակցեմ: Հիմա տարեկան 5-6, եթե ստացվում է, ավելի մրցաշարերի եմ մասնակցում, տարբեր ակումբային մրցաշարերում եմ հանդես գալիս: Ամեն դեպքում հուսով եմ՝ ամենակարեւոր մրցաշարերին կկարողանամ մասնակցել, դրանք են Օլիմպիադան, Եվրոպայի եւ աշխարհի առաջնությունները, իսկապես հուսով եմ, որ ժամանակ կգտնեմ դրանց մասնակցելու»,- ասաց նա:

Լիլիթ Մկրտչյանը ՀՀԿ ռեյտինգային ցուցակի Արագածոտնի մարզի թեկնածուներից մեկն է: Ապրիլի 2-ին նա կմասնակցի ընտրություններին, 3-4-ին, կմիանա հավաքականի մյուս անդամներին եւ կմասնակցի Ծաղկաձորում կայանալիք ուսումնամարզական հավաքին: Հավաքն անցկացվելու է ապրիլի 1-8-ը:

Եվրոպայի առաջնությունը մեկնարկելու է ապրիլի 11-ին: Բացի Լիլիթ Մկրտչյանից՝ Հայաստանը մրցաշարում ներկայացնելու են գրոսմայստեր Էլինա Դանիելյանը, միջազգային վարպետ Լիլիթ Գալոյանը եւ կանանց միջազգային վարպետ Մարիա Գեւորգյանը:

Տպել
1938 դիտում

Սակագների չնչին նվազեցումները չպետք է շեղեն կառավարության ուշադրությունը

Կարևորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը

Ռուսական կործանիչների ձեռքբերումը կուժեղացնի տարածաշրջանում ուժերի հավասարակշռությունը