Կոմունիստների իշխանության տարիներին մարմնավաճառություն չի եղել, չի էլ լինելու. Տ. Սարգսյան

20/03/2017 schedule19:42

Հայաստանի կոմունիստական կուսակցությունը համոզված է, որ առաջիկա ընտրությունների արդյունքում հայտնվելու է Ազգային ժողովում, ինչը նշանակում է, որ խորհրդարանն այդուհետ կդադարի կաղ լինել:

114-ամյա կուսակցության ղեկավար Տաճատ Սարգսյանն այսօր լրագրողների հետ հանդիպման ժամանակ կարծիք հայտնեց, որ եթե օրենսդիր մարմնում չկա կոմունիստական գաղափարախոսություն եւ չեն ընդունվում ժողովրդի շահերից բխող օրենքներ, այդ Ազգային ժողովը երկու ոտքով կաղում է: Իսկ որ Կոմկուսն արժանի է իր տեղն ունենալ ԱԺ արեւի տակ, Տաճատ Սարգսյանը համոզված է:

Որպես հիմնավորում նա հիշեցրեց իրենց կառավարման 70 տարիները, որոնք «համարվում են հայ ժողովրդի ոսկեդարը», հիշեց, թե այդ ընթացքում ինչպիսի արդյունավետ պայքար է մղվել անգրագիտության դեմ, որքան քարե շենքեր են կառուցվել, ինչպիսի ապահով ու հարմարավետ պայմաններ են ստեղծվել ժողովրդի համար: Իսկ այսօր, ինչպես նկատեց, Հայաստանից արտագաղթողների քանակը հսկայական չափերի է հասնում, ամեն մի տասներորդ բնակիչը քնում է քաղցած, փակվում են հարյուրավոր դպրոցներ, գրադարաններ ու մշակութային օջախներ:

Կոմունիստական կուսակցության առաջնորդի համար անընդունելի են մարմնավաճառությունն օրինականացնելու առաջարկները: Նա ասում է, որ իրենց իշխանության տարիներին մարմնավաճառություն երեւույթ չի եղել: Բայց լրագրողների դիմադրությանը հանդիպելով` Տաճատ Սարգսյանը զիջեց` նշելով՝ գուցե այդպիսի եզակի մարդիկ եղել են, որոնց, սակայն հասարակությունը մատով էր ցույց տալիս: Կոմկուսի իշխանության գալուց հետո էլ արատավոր այդ պրակտիկան, ըստ ՀԿԿ ղեկավարի, կվերանա, որովհետեւ այդուհետ մարդու հետ պետք է աշխատեն դպրոցից ու մանկապարտեզից սկսած` նրա դաստիարակությունը ճիշտ հունի վրա դնելու համար:

Տաճատ Սարգսյանն այսօր հայտարարեց նաեւ, որ կոմունիստների իշխանության գալով Հայաստանը առհասարակ կարող է ծաղկել ու զարգանալ. այդ մասին վկայում է ոչ միայն անցյալի փորձը, այլեւ Չինաստանի օրինակը, որը հզոր երկիր է դարձել հենց բանախոսի գաղափարակից ընկներների կառավարման արդյունքում:

Ճիշտ է, նախորդ երեք գումարման Ազգային ժողովներում կոմունիստ պատգամավորներ չեն եղել, բայց Տաճատ Սարգսյանը համոզված է, որ դա չի եղել ժողովրդի վերաբերմունքի դրսեւորումը: «Կոմունիստական կուսակցությունը չհայտնվեց Ազգային ժողովում ոչ թե այն պատճառով, որ թույլ էր ու ոչ արժանավոր, այլ կեղծվեցին ձայները»,- հայտարարեց նա:

Փորձեցինք պարզել, թե այդ դեպքում այս անգամ ինչն է նրանց հաղթելու հույս ներշնչում. կարծում են` իշխանությունները փոխվել են ու այլեւս չե՞ն դիմելու կեղծիքների, թե՞ իրենք կարողանալու են պահպանել ստացված քվեները:  

«Մեր կարծիքն է, որ անցած 25 տարիները եւ հանրապետությունում տեղի ունեցած բոլոր դեպքերը, միջադեպերը, այդ թվում` ապրիլյան պատերազմը, դրան հաջորդած իրադարձությունները (թերեւս նկատի ունի «Սասնա ծռերի» կողմից ոստիկանության պարեկապահակային ծառայության գնդի գրավումը-խմբ.) եւ այլն, իշխանություններին հուշելու են, որ բավակա´ն է, ինչքան հնարավոր է՝ պետք է օբյեկտիվ ընտրություններ անցկանցնել: Եվ այսօրվա ընտրությունների մասին օրենքը նույնպես քիչ սողանցքներ է թողնում ընտրությունները կեղծելու համար»,- պատասխանեց Տաճատ Սարգսյանը:

Միեւնույն ժամանակ փաստորեն չբացառելով նախկինում տեսածի կրկնությունը՝ հավելեց. «Համենայնդեպս, բոլոր ժամանակներում ասել են` կարեւոր է, թե ով է հաշվում ընտրության ձայները: Դա այսօր էլ արդիական է»:

Հայաստանի կոմունիստական կուսակցության կենտկոմի քարտուղար Տաճատ Սարգսյանն իր խոսքում նշեց, որ Եվրասիական տնտեսական միությանն անդամակցելու Հայաստանի որոշումը ճիշտ էր: «Մենք ողջունեցինք իշխանությունների այդ քայլը, որովհետեւ մեր սահմանները ավելի ամուր են պաշտպանված եւ մենք մեր տնտեսությունը կարող ենք վերականգնել` նկատի ունենալով, որ խորհրդային իշխանության տարիներին մենք հարաբերվել ենք այդ միության անդամ երկրների տնտեսությունների հետ»,- ասաց նա:

Տաճատ Սարգսյանին հարցրինք՝ եթե Եվրասիական միությանն անդամակցությունը պաշտպանված սահմաններ է նշանակում, այդ դեպքում ի՞նչ էր ապրիլյան պատերազմը:

«Եվրասիական տնտեսական միությանն անդամակցելու մեր պայմանագրում չի գրված, որ Ղարաբաղն էլ է մեզ հետ մտնում այդ միության կազմ: Եվրասիական տնտեսության մեջ մտել է Հայաստանի Հանրապետությունը: Ինչ վերաբերում է Ղարաբաղին, Ղարաբաղը ինքնորոշվել է, այնտեղ ապրում են մեր հայրենակիցները, մենք շատ ճիշտ ենք անում, որ պաշտպանում ենք նրանց անվտանգությունը եւ առաջիկայում պետք է պաշտպանենք ավելի հզոր ձեւով, ավելի ուժեղ բանակ ունենալով: Իսկ հզոր բանակ ունենալու համար Հայաստանը ներսում հզոր տնտեսություն պիտի ունենա, կարգապահություն պիտի լինի: Ապրիլյան դեպքերը մենք ինչո՞ւ ենք կապում Ռուսաստանի հետ, ես զարմանում եմ»,- պատասխանեց կոմունիստ բանախոսը:

Իսկ դիտարկմանը, որ Տավուշը, ասել է թե` բուն Հայաստանի սահմանները նույնպես պարբերաբար գնդակոծվում են, որին ՀԱՊԿ-ը չի արձագանքում, նա հակադարձեց. «Այդպես չի կարելի ասել` չի արձագանքում: Միգուցե արձագանքն այնպիսին չէ, ինչպիսին որ մենք կուզենայինք, բայց նորից եմ կրկնում՝ մեր հարեւանը թշնամին է, որը, բնական է, բոլոր ձեւերով, մեթոդներով ուզում է խաղաղ բանակցությունները օրակարգից հանել եւ իր չար գործը տեսնել: Իհարկե, դա բացառված է եւ դա չի լինի»,- թեման եզրափակեց Տաճատ Սարգսյանը:

Տպել
1223 դիտում

Կառավարությունը ՏՏ ոլորտը դիտարկում է որպես տնտեսության առանցքային ճյուղերից մեկը.վարչապետ

ՀՀ ԱԻՆ-ում էր ՄԱԿ-ի գրասենյակի անվտանգության գծով խորհրդատու Ինոք Փեննի-Լային

Վանաձորցի ծննդկանի մահվան մեջ մեղադրվող բժիշկ Շահվերդյանը շարունակում է աշխատել. ՀՔԱՎ

ՊԵԿ-ը կոծկում է հիփոթեքի տոկոսագումարների հավաքագրման խնդիրը. պարզաբանում է ներկայացրել

Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

Սովամահություն, բռնություն, աղքատություն, ահաբեկչություն. 180 մլն երեխա`ծայրահեղ պայմաններ

ՀՀԿ կերակրատաշտից սնվող կայքին պատգամավորների ցուցակ է տրվել, որոնց պետք է ռասկրուտկա անել

Նաղդալյանը ոչ թե 2 մլն դրամի է խոսել, այլ՝ 1.4 միլիոնի. ԱԺ-ն ներողություն է խնդրում

ԼՂ հիմնախնդիրը կարող են կարգավորել միայն հակամարտության կողմերը. ԵԱՀԿ գլխավոր քարտուղար

Թոշակ հանապազօրյա. բնակչության 70 տոկոսը թոշակի հույսին է

Նման գործելաոճը դատապարտելի է. ՀՎԿ-ն՝ պատասխնել է Էդմոն Մարուքյանին

Թուրքիայում միայն 16 հայկական դպրոց է մնացել` 3.000 աշակերտով. Hürriyet

ՀՀ ՊՆ պատվիրակությունն այցելել է ՌԴ

Վիգեն Սարգսյանի տապալված իմիջը եւ Ծառուկյանի պահպանած իմիջը

ԵԱՀԿ ԺՀՄԻԳ-ը կարևոր գործընկեր է ՀՀ ընտրական գործընթացի բարելավման ոլորտում. ԱԳՆ

Հայաստանն ու Չինաստանը քննարկում են անվտանգության ոլորտում համագործակցությունը

Մխիթարյանը պայքարում է ՄՅՈՒ-ում իր կարիերան փրկելու համար. The Sun

ՊԵԿ-ը մարդկանցից ետ է պահանջում հիփոթեքի տոկոսագումարների համար վերադարձված եկամտահարկերը

ԵԱՏՄ-ից դուրս գալու «Ելք»-ի առաջարկի վերաբերյալ տեղի կունենան խորհրդարանական լսումներ

Պետք է ավելի շատ խստացնել, ոչ թե հանել կամ սահմանափակել տարկետման իրավունքը. զինծառայող