Արթուր Ոսկանյան. «Բանանցի» համար առաջնահերթը Հայաստանի գավաթը նվաճելն է

20/03/2017 schedule19:52

Հայաստանի Բարձրագույն խմբի առաջնության գարնանային հատվածում «Բանանցին» դեռ չի հաջողվել բարելավել իր մրցաշարային դիրքերը: Անցկացրած 3 խաղերում թիմը 3 պարտություն է կրել: Արթուր Ոսկանյանի ֆուտբոլիստները նախ զիջել են «Ալաշկերտին» (1:2), ապա «Գանձասար-Կապանին» (1:0), իսկ անցած հանգստյան օրերին էլ՝ մարտի 19-ին, «Փյունիկին» (0:3): Armtimes.com-ի հետ զրույցում Ոսկանյանը նշեց, որ իր թիմին դեռ պակասում է փորձը:    

«Մենք արդեն ասել ենք, որ նոր թիմ ենք ստեղծում, ու մեծ թվով երիտասարդներ ենք ներգրավել թիմում, երեւի ակումբի պատմության մեջ չի եղել, որ 12 ֆուտբոլիստ 2-րդ թիմից տեղափոխվի 1-ին թիմ: Սակայն դա ոչ մի բան չի նշանակում, արդարացում չէ, ես ասել եմ, որ «Բանանցը» պետք է խաղից խաղ ավելի լավ ֆուտբոլ ցուցադրի: Խնդիրն այն է, որ թիմում դեռ չկա կայունությունում, դրա վրա ենք աշխատում: Հոգեբանորեն էլ վիճակը դեռ այն չէ, գոնե 1 հաղթանակ է պետք, որ ինչ-որ չափով դա կարգավորվի: Բայց թիմի մթնոլորտը ներսում շատ լավ է, տղաներն ամեն ինչ անում են, որպեսզի արդյունքի հասնեն»,- ասաց նա:

Մասնագետը նշում է, որ հաշվի առնելով այն հանգամանքը, որ թիմում շատ են անփորձ ֆուտբոլիստները, ուսումնամարզական հավաքների ընթացքում իրենք շեշտը դրել են խաղային օղակների միջեւ համագործակցության վրա: Հատուկ ուշադրություն են դարձրել նաեւ գնդակին տիրելու կարողությանը. Ոսկանյանի համար շատ կարեւոր է, որ իր թիմը մրցակիցներին զրկի գնդակից: Այս առաջադրանքները ֆուտբոլիստները դեռեւս չեն կարողանում կատարել այնպես, ինչպես հարկն է: Ոսկանյանը նշում է, որ, եթե խաղացողների մոտ ստացվի իրականացնել իր գաղափարները, հաջողություններն էլ կգան, սակայն միաժամանակ գիտակցում է, որ առաջնությունում բարձր տեղերի համար պայքարելը գործնականում գրեթե անհնար է:

«Ղեկավարության հետ էլ զրուցել ենք այս թեմայի շուրջ. առաջնահերթը մեզ համար Հայաստանի գավաթն է: Գավաթի համար պետք է պայքարենք Եվրոպա լիգայում խաղալու հնարավորություն ստանալու համար, իսկ առաջնությունում էլ պետք է որքան հնարավոր է, բարձր տեղ զբաղեցնենք եւ հնարավորինս շատ միավորներ վաստակենք»,- ասաց նա:

Հայաստանի Բարձրագույն խմբի 2016-2017 առաջնության 20 տուրերից հետո «Բանանցը» 16 միավորով 5-րդն է: Գերազանցում է միայն հետնապահ «Արարատին» (6 միավոր), իսկ մրցանակային 3-րդ տեղին («Գանձասար-Կապան») զիջում է 20 միավորով: Առաջնության միանձնյա առաջատարը գործող չեմպիոն «Ալաշկերտն» է 39 միավորով, «Շիրակը» 37 միավորով 2-րդն է: Գավաթի խաղարկությունում «Բանանցը» դուրս է եկել կիսաեզրափակիչ, որտեղ պայքարելու է «Փյունիկի» դեմ: Հայաստանի գավաթի խաղարկությունը վերսկսվելու է ապրիլին: Առաջին հանդիպումները կայանալու են ապրիլի 11-ին եւ 12-ին, պատասխան խաղերը՝ 25-ին եւ 26-ին:

Տպել
831 դիտում

Կառավարությունը ՏՏ ոլորտը դիտարկում է որպես տնտեսության առանցքային ճյուղերից մեկը.վարչապետ

ՀՀ ԱԻՆ-ում էր ՄԱԿ-ի գրասենյակի անվտանգության գծով խորհրդատու Ինոք Փեննի-Լային

Վանաձորցի ծննդկանի մահվան մեջ մեղադրվող բժիշկ Շահվերդյանը շարունակում է աշխատել. ՀՔԱՎ

ՊԵԿ-ը կոծկում է հիփոթեքի տոկոսագումարների հավաքագրման խնդիրը. պարզաբանում է ներկայացրել

Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

Սովամահություն, բռնություն, աղքատություն, ահաբեկչություն. 180 մլն երեխա`ծայրահեղ պայմաններ

ՀՀԿ կերակրատաշտից սնվող կայքին պատգամավորների ցուցակ է տրվել, որոնց պետք է ռասկրուտկա անել

Նաղդալյանը ոչ թե 2 մլն դրամի է խոսել, այլ՝ 1.4 միլիոնի. ԱԺ-ն ներողություն է խնդրում

ԼՂ հիմնախնդիրը կարող են կարգավորել միայն հակամարտության կողմերը. ԵԱՀԿ գլխավոր քարտուղար

Թոշակ հանապազօրյա. բնակչության 70 տոկոսը թոշակի հույսին է

Նման գործելաոճը դատապարտելի է. ՀՎԿ-ն՝ պատասխնել է Էդմոն Մարուքյանին

Թուրքիայում միայն 16 հայկական դպրոց է մնացել` 3.000 աշակերտով. Hürriyet

ՀՀ ՊՆ պատվիրակությունն այցելել է ՌԴ

Վիգեն Սարգսյանի տապալված իմիջը եւ Ծառուկյանի պահպանած իմիջը

ԵԱՀԿ ԺՀՄԻԳ-ը կարևոր գործընկեր է ՀՀ ընտրական գործընթացի բարելավման ոլորտում. ԱԳՆ

Հայաստանն ու Չինաստանը քննարկում են անվտանգության ոլորտում համագործակցությունը

Մխիթարյանը պայքարում է ՄՅՈՒ-ում իր կարիերան փրկելու համար. The Sun

ՊԵԿ-ը մարդկանցից ետ է պահանջում հիփոթեքի տոկոսագումարների համար վերադարձված եկամտահարկերը

ԵԱՏՄ-ից դուրս գալու «Ելք»-ի առաջարկի վերաբերյալ տեղի կունենան խորհրդարանական լսումներ

Պետք է ավելի շատ խստացնել, ոչ թե հանել կամ սահմանափակել տարկետման իրավունքը. զինծառայող