Սերժ Սարգսյանի անունից Շանթին լուրեր են ուղարկվում, որ որդին դադարեցնի պայքարը

20/03/2017 schedule22:28

2015 թվականի նոյեմբերի 25-ին Մաշտոցի պողոտայում տեղի ունեցած բախումներից հետո կալանավորված, ապա վեց տարվա ազատազրկման դատապարտված, «Ցեղակրոն» կուսակցության առաջնորդ Շանթ Հարությունյանը նախազգուշացվել է Սերժ Սարգսյանի կողմից:

Այսօր «Վարդաշեն» քրեակատարողական հիմնարկից պաշտպանի միջոցով նման հայտարարություն է տարածել Շանթ Հարությունյանը:

Նշենք, որ նույն գործով 4 տարվա պայմանական ազատազրկման դատապարտված նրա որդին՝ Շահեն Հարությունյանը, «Հաց բերող» Արթուր Սարգսյանին կրկին կալանավորելուց հետո ցույցեր, նստացույցեր սկսեց Ազատության հրապարակում, որը դադարեց այն ժամանակ, երբ Արթուրն ազատ արձակվեց: Սակայն նրա պայքարը վերսկսվեց արդեն «Հաց բերող»-ի մահից հետո. ի հիշատակ նրան, ազատության հրապարակից ամեն օր, ժամը 18:00-ից տարբեր ուղղություններով երթեր են կազմակերպվում, որի ժամանակ թեթեւ բախումներ են տեղի ունենում ցուցարարների եւ ոստիկանների միջեւ:

Եվ ահա այսօր Շանթ Հարությունյանը հայտարարել է, որ այն օրից, ինչ որդին ցույցեր է կազմակերպում ի հիշատակ Արթուր Սարգսյանի, Սերժ Սարգսյանը նույնքան օրեր նրան լուրեր է ուղարկում, անգամ օրը մի քանի անգամ, որ եթե Շանթը հետ չպահի Շահենին, եւ նա չդադարեցնի ցույցերը, սպառնում է սպանել նրան: Ըստ այդմ՝ Շանթն էլ պատասխանել է, որ նա իր որդուն` Շահենին պայքարից երբեք հետ չի պահի` քաջ գիտակցելով, որ Սերժ Սարգսյանը երբ հարմար եւ անպատիժ հնարավորություն ունեցավ, կսպանի ե՛ւ իրեն, ե՛ւ նրա որդուն:
«Իմ ձերբակալման օրը Սերժ Սարգսյանի թիկնազորի նախկին պետ Վաչե Ղազարյանը ոչ միայն իմ գլխին էր ատրճանակ պահել, այլեւ սպառնացել էր, որ Շահենին իմ աչքի առաջ կսպանի` կտոր-կտոր անելով: Ուղղակի այն ժամանակ աղմուկը մեծ էր, եւ այլ հանգամանքներ խանգարեցին դա անել: Այդ նույն օրերին ԿԳԲ-ում գտնվելու ժամանակ ԿԳԲ-ի բանտի պետ Արամ Զաքարյանը նույնպես սպառնացել էր, թե իմ կինն ու որդին կտուժեն, կվնասվեն: Ու երբ ես ասել էի, որ կին չունեմ, պետը դրանից հետո սպառնացել էր արդեն Շահենին, որ ես ինձ այնպես պահեմ, որ որդիս չտուժի, մեղք է:
Հիմա իշխանությունն ու աթոռը պահելու խնդիր է առաջացել: Բնական է, Սերժ Սարգսյանն օրեր առաջ վազեց Մոսկվա եւ վերադառնալուց անմիջապես հետո նախ սպանվեց Արթուր Սարգսյանը, այժմ էլ ՍՍ-ն իր կամակատարների միջոցով, ինչպես նշեցի, ամեն օր սպառնում է սպանել իմ որդուն: Երբ վերլուծում ենք, թե ինչու է նա այդպես բացահայտ ձեւով սպառնում, ակնհայտ է դառնում երկու հանգամանք: Առաջինը, որ Մոսկվան անպատժելիության երաշխիքներ է տվել եւ երկրորդը, ցանկանում է ինձ ինֆարկտի կամ այլ միջոցներով սպանել: Մի բան լավ իմացեք, որքան էլ, որ ԿԳԲ-ն եւ ՍՍ-ն վստահ են հայ ժողովրդի վախկոտ ու լուռ անտարբերության վրա, միեւնույն է, նրանք անպատիժ չեն մնալու: Որովհետեւ միջազգային հանրությունը ոչ միայն բացահայտելու է այս ամենը, այլեւ պատժելու է Սերժին իր մանկլավիկների հետ միասին` Հաագայի դատարանում: Այս հայտարարության պատասխանատվությունը կրում եմ ես եւ այն թող դիտվի որպես հաղորդում հանցագործության մասին»,-պաշտպանի միջոցով նման հայտարարություն է տարածել Շանթ Հարությունյանը:

Երեկ սույն հայտարարության եւ հետագա պայքարի մասին զրուցել ենք Շանթ Հարությունյանի որդու՝ Շահեն Հարությունյանի հետ:

- Շահեն, նախ, իսկապե՞ս այս հայտարարությունը Շանթն է տարածել:

- Այո:

- Դուք տեղյա՞կ եք՝ ո՞ւմ միջոցով է Սերժ Սարգսյանը նման լուրեր ուղարկել:

- Բարձրաստիճան պաշտոնյաների միջոցով, բայց անուններ չգիտեմ:

- «Վարդաշեն» ՔԿՀ-ի՞:

- Չգիտեմ, բայց կարծում եմ՝ ոչ:

- Սրանով փորձո՞ւմ են հոգեբանական ճնշում գործադրել ձեր նկատմամբ:

- Ինչի՞ մենակ հոգեբանական, ամեն ձեւով էլ փորձում են ճնշել ինձ, քաղաքացիներին՝ ցույցերը դադարեցնելու, պայքարող քաղաքացիներին ցրելու, ժողովրդին հերթական անգամ հուսահատության մեջ դնելու համար: Շանթն էլ, մենք էլ չենք ճնշվում:

- Պայքարը շարունակվելո՞ւ է:

- Ես կոչերով եմ հանդես եկել, որ ժողովուրդը պետք է վրեժխնդիր լինի Արթուր Սարգսյանի սպանության համար, ու բոլորը պետք է պատասխան տան: Պայքարը շարունակվելու է: Ամեն օր, ժամը 18:00-ին Ազատության հրապարակում կոնկրետ գործողություններ են իրականացվելու, փողոց ենք փակելու:

- Ցույցերից, նստացույցերից հետո ձեր նկատմամբ ճնշում գործադրվե՞լ է:

- Դե, միշտ մոտենում են, պարբերաբար զգուշացնում են իմ պայմանական ազատազրկման մասին: Քաղաքապետարանն էլ վարույթ է հարուցել իմ դեմ՝ փողոցում նստելու համար, այն ժամանակ, երբ ես երեւի միակն էի, որ չէի նստել փողոցում, ես այդ ժամանակ հորդորում էի, որ դեռ փողոցը չփակեն, քանի որ դեռ պահանջագիր պետք է ներկայացվի, որից հետո նոր նման քայլեր կիրականացնենք: Ոչ մեկի նկատամամբ վարույթ չհարուցվեց, ինչի համար, իրոք, ուրախ եմ, բայց իմ նկատմամբ հարուցվեց:

- Պահանջների մասով կարծես փոփոխություն կա, ի վերջո կհստակեցնե՞ք ինչ եք պահանջում:

- Առաջին պահանջը հօդս ցնդեց՝ Արթուր Սարգսյանին Եռաբլուրում հուղարկավորելու հետ կապված, նրա եղբայրն ու ձեւավորված հանձնախումբը դեմ էր: Ի դեպ, ինձ այդ հանձնախմբում առանց տեղյակ պահելու էին ներառել. ո՛չ խորհրդակցել էին ինձ հետ ո՛չ էլ  տեղյակ էին պահել, որ նման որոշում են կայացրել: Իրենց հայտարարությամբ ինձ փաստի առաջ կանգնեցրին: Ես չէի կարող համակերպվել այդ որոշման հետ: Երկրորդ պահանջն էր՝ քրեական գործ հարուցել, պատասխանավության ենթարկել Գլխավոր դատախազին, դատավորին եւ բոլոր այն մարդկանց, ովքեր ուղղակիորեն կապված են Արթուր Սարգսյանի մահվան հետ, ովքեր միջնորդել էին կալանավորել Արթուր Սարգսյանին: Մյուս պահանջը Արարդարատության նախարարի հրաժարականն էր, այդ հարցը օրակարգից դուրս է, քանի որ չունենք բավարար հիմքեր այն պահանջելու համար:

- Այսինքն, այժմ մեկ պահանջ ունե՞ք:

- Այո:

- Շանթին տեսակցել ե՞ք, ինչպե՞ս է:

- Ողջունում է մեր պայքարը, մարտական է տրամադրված:

Տպել
8957 դիտում

Ստամբուլում շուրջ 30 մարդ է ձերբակալվել ահաբեկչության կասկածանքով

Աշխատանքի ընդունելու համար որպես կաշառք պահանջել եւ ստացել է գումար

Մադրիդի «Ռեալ»-ը ցանկանում է երկարաձգել Ռամոսի հետ պայմանագիրը

Հյուսիսային Կորեայում միջուկային զենքի փորձադաշտի մոտակայքում երկրաշարժ է տեղի ունեցել

Անբացատրելի է մնում նախարարի՝ ռուսերենի «հագուկապը» գովերգելու պատրաստաբանությունը

Բաքվում Աշոտյանին եւ Թանդիլյանին հնարավորություն չի տրվել մտնել հայկական եկեղեցու տարածք

Հայ-թուրքական սահմանին Իրանի քաղաքացի է ձերբակալվել

Ադրբեջանը հայ դիրքապահների ուղղությամբ արձակել է ավելի քան 4000 կրակոց

Նալբանդյանը ներկայացրել է Ադրբեջանի գործած մարդասիրական իրավունքի կոպտագույն խախտումները

Վարչապետին մտահոգում է գյուղատնտեսության վիճակը. կվերլուծեն ու կպահեն դարակներում

22-ամյա փեսան վրաերթի է ենթարկել իր ենթարկել իր հարևաններին․ Վիճակը գնահատվում է ծանր

Նալբանդյանը հանդիպել է Մինսկի խմբի համանախագահներին

«Ժողովուրդ». Վարդան Այվազյանի «ցավը» չի մեղմացել

Հրազդանի Կաքավաձոր թաղամասի հարակից սարում այրվել է մոտ 350 հա խոտածածկ տարածք. ԱԻՆ

«Ժամանակ». Ինչու են նոր նախագծով նվազեցնում վարչապետի լիազորությունները

«Ժողովուրդ». ՀՀ աշխատանքի եւ սոցիալական հարցերի փոխնախարարը վարչապետի սրտով չէ

4 ժամ ջուր չի լինելու Կենտրոն համայնքում

«Փաստ». Ծառերի տակ 100–200 տոննա դեղձ կա թափված. դժգոհություն գյուղացիներից

«Ժողովուրդ». Ուշագրավ մանրամասներ ԱԺ-ում վերջերս բացահայտված կոռուպցիոն սկանդալի մասին

Տիգրան Համասյանը ելույթ կունենա Հայաստանի պետական ջազ նվագախմբի հետ