«Սամվել Բաբայանին ձերբակալելու օրը Սերժ Սարգսյանն իզուր չի ընտրել». Խանումյան

«ՕՐՕ» դաշինքի մաս կազմող «Համախմբում» կուսակցության փոխնախագահ Ստեփան Մարգարյանը մեզ հետ զրույցում քիչ առաջ ասաց, որ մամուլից են տեղեկացել ՊԲ նախկին հրամանատար Սամվել Բաբայանի ձերբակալության մասին:

Մեր հարցին, թե արդյո՞ք փորձել են կապ հաստատել նրա հետ՝ Մարգարյանը պատասխանեց. «Ինչպե՞ս կարող ենք կապ հաստատել...Չենք կարողանում կապվել»: Մարգարյանն ասաց, որ այս պահին որեւէ բան հայտնի չի, որեւէ մեկը տեղեկություն չունի:

«ՕՐՕ» դաշինքի մամուլի խոսնակ Արեգնազ Մանուկյանը եւս նշեց, որ մամուլից է տեղեկացել Բաբայանի ձերբակալման լուրին: Ասաց, որ չի փորձել կապ հաստատել նրա հետ եւ չի էլ կարող ասել՝ տեղեկությունը իրականությանը համապատասխանո՞ւմ է, թե՞ ոչ:

Հատկանշական է, որ մինչ այս պահը որեւէ պաշտոնական պարզաբանում ստանալ չի հաջողվում: ԱԱԾ մամուլի խոսնակ Սամսոն Գալստյանն ուղղակի չի պատասխանում հեռախոսազանգերին կամ պատասխանում է, որ ավելի ուշ փորձենք զանգել:

Չնայած սրան՝ համացանցում արդեն սկսել են մեկնաբանել Բաբայանի ձերբակալությունը. նրա թիմակիցներից ԼՂՀ ԱԺ պատգամավոր Հայկ Խանումյանը, մասնավորապես, գրել է. «Սամվել Բաբայանին ձերբակալելու օրը, մարտի 22-ը, Սերժ Սարգսյանն իզուր չէ ընտրել: Բաբայանին խաղից հանելու գործընթացը հենց 2000թ. մարտի 22-ին էր սկսվել»:

Հիշեցնենք, որ Սամվել Բաբայանը համակարգում է «ՕՐՕ» դաշինքի գործունեությունը, որը մասնակցելու է ապրիլի 2-ին կայանալիք խորհրդարանական ընտրություններին:

Արմավիրի մարզի Ջրառատ գյուղում փոխոստիկանապետ Լեւոն Երանոսյանի եղբոր՝ Լեռնիկ Երանոսյանի բարեկամների ու Օհանյան-Րաֆֆի-Օսկանյան դաշինքի համակիրների միջեւ անցած կիրակի գրանցված ծեծկռտուքից հետո «ՀԺ» թղթակցի հետ զրույցում Բաբայանը զգուշացրել էր իշխանություններին, որ եթե այսպես շարունակվի՝ արյունահեղություն է լինելու:

Թերթերից մեկն էլ այսօր գրել էր, թե իշխանությանը հայտնի է դարձել, որ մինչեւ ապրիլի 2-ը «ՕՐՕ» դաշինքի ստվերային առաջնորդ Սամվել Բաբայանը «Սասնա ծռեր-2» գործողություն է ծրագրում։

Սրան հաջորդեց ԱԱԾ կողմից տարածված հաղորդագրությունը, թե 2017թ. մարտ ամսին ՀՀ Ազգային անվտանգության ծառայությունում նախնական տեղեկություններ են ստացվել ՀՀ քաղաքացիների կողմից Վրաստանի Հանրապետությունից մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու մասին:

Նշվում էր, որ դեպքի առթիվ հարուցվել է քրեական գործ եւ հանցանք կատարելու մեջ անմիջականորեն ծագած կասկածանքի հիման վրա երկու անձ ձերբակալվել է։ Թե ովքեր են այդ անձինք՝ ԱԱԾ-ն չէր մանրամասնում:

Քիչ առաջ «Հրապարակ»-ը գրեց, որ Պաշտպանության բանակի նախկին հրամանատար Սամվել Բաբայանին ձերբակալել են: Ըստ թերթի՝ այս ձերբակալությունը կապված է ԱԱԾ կողմից տարածված վերը նշված հաղորդագրության հետ:

Տպել
20696 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ