Նայում ես՝ քո տատիկի չափ է. Ծառուկյանը բացատրեց, թե ինչու է գումարով օգնել 84-ամյա տատիկին

«Ծառուկյան» դաշինքի առաջնորդ Գագիկ Ծառուկյանն արդեն մի քանի օր է՝ նեղսրտած է ինչ-որ մարդկանցից, ինչ-որ տեղական չինովնիկներից: Նախընտրական հանդիպումների ընթացքում նա շարունակ խոսում է ճանապարհներ փակելուց, իր առաջ խոչընդոտներ ստեղծելուց, սակայն այդ ամենը ուղիղ չի ասում: Նախօրեին եւ երեկ, օրինակ, նա դժգոհում էր Սյունիքի մարզպետ Վահե Հակոբյանից:

Այսօր Սեւանում կայացած հանդիպմանը կրկին հարցին անդրադարձավ, սակայն չնշեց, թե այս անգամ ով է խնդիր հարուցողը: «Ճանապարհներ են փակում արդեն, ուզում են բան ասել, մենք էլ բան լսել»,- հայտարարեց Ծառուկյանը:

Շարունակելով իր ելույթը՝ «Ծառուկյան» դաշինքի առաջնորդը վստահեցրեց, որ այն ինչ-որ ասում է՝ մի բան էլ ավելի իրականացնելու է:

«Մենք չենք ուզում, որ մեզ ձայն տաք, անցնենք խորհրդարան, մեր կաշին փրկենք, այլ ուզում ենք, որ մեզ 50+1 տոկոս ձայն տաք, որ նույն պահին համակարգ փոխվի, օրենք փոխվի: Եվ ով ձեզ տվել է 30 տոկոսով վարկ՝ պատասխանատվության ենթարկվի: Եթե համաշխարհային բանկից եկել է 0 տոկոս, 0,75 տոկոսով վարկ, ո՞նց է դարձել 30 տոկոս»,- հայտարարեց Ծառուկյանը:

Վերջինս խոսեց նաեւ լավ եւ վատ պաշտոնյաների, պատգամավորների մասին՝ ընդգծելով, որ վատ աշխատողներին պետք է այլեւս ձայն չտալ, հեռացնել:

«Ով կարողանում է գործ անել, պիտի պարգեւատրես, ով ոչ՝ հեռացնես: Օրինակ ես սպորտում այդպես եմ անում. եթե տվել է 2 մեդալ, հաջորդ տարի չեղավ 3՝ իր դիմումի համաձայն պետք է դուրս գա, ծանոթ-բարեկամ չկա: Ով գալիս  է՝ մեդալ բերեց, պիտի պարգեւատրվի, մեդալ չբերեց, պիտի հեռանա: Նույնը պետք է կիրառվի մյուս ոլորտներում»,- ասաց ԲՀԿ առաջնորդը:

Սեւանում հրավիրված բավական բազմամարդ հանրահավաքի ընթացքում Ծառուկյանն անդրադարձ կատարեց նաեւ իր «բարեգործական» գործունեությանը եւ նախընտրական շրջանում ԿԸՀ սահմանած արգելքներին:

«Երեկ ես եղել եմ Եղեգնաձորում, մի տատիկ ա մոտեցել, 84 տարեկան, ամուսինը մահացել ա, ընտանիքը դուրսն ա: Ոտը կոտրված հիվանդանոց ա գնացել, պետք է վճարեր հարյուր քանի հազար, բայց քանի որ գումար չունի, հետ են դարձրել տատիկին: Պարզ ա, պարոն Մուկուչյանը (ԿԸՀ նախագահ-խմբ.), հայտարարություն ա արել, որ դու հանկարծ, եթե մեկին օգնես, քեզ դատի կտանք, ասում եմ՝ ես բարեգործ մարդ եմ, ես հո չեմ ասում՝ ես անեմ, դուք ինձ ձայն տաք: Ես իմ բարեգործությունն եմ անում: Քունս չի տարել, համարը վերցրել եմ, հանձնարարել եմ իմ ընկերներին, զանգել են, գնացել գումարը տվել են՝ մի բան էլ ավել: Չէի կարա քնեի, ինձ ճիշտ հասկացեք: 85 տարեկան տատիկ, ում էլ դիմեր՝ կօգնեին: Նայում ես քո տատիկի չափ է»,- ասաց Ծառուկյանը:

Սեւանում հանրահավաքին մասնակցող տարեց մի մարդ դժգոհեց նոր Ընտրական օրենսգրքից, որի համաձայն, եթե ձայն ես տալիս մի կուսակցության՝ չես կարող այլ կուսակցության ռեյտինգային թեկնածուին ընտրել եւ հակառակը:

«Էդ Մուկուչյանը, որ ձեզ ասում ա՝ սենց մի արա, ընենց մի արա, հիմա ես էլ ասում եմ, Մուկուչ, ընենց արա, որ ես գնամ իմ ուզած կուսակցությանը ձայն տամ, մեկ էլ իմ ուզած մարդուն»,- հայտարարեց հանրահավաքի մասնակից սեւանցին:

Ծառուկյանը բացատրեց, որ այդպես չի կարող լինել: Այս հնարավորությունը ստեղծված է, որ մարդիկ չընտրեն խնամի-ծանոթ-բարեկամի, այլ հիմնականում ընտրեն քաղաքական ուժ, որը կարող է մի բան փոխել:

«Բոլոր պայմանները Եվրոպական խորհրդարանը ստեղծել ա, որ արդար ընտրություն անեք: Դուք կարող եք ոչ մի նշում չանել, այլ ձեր ուզած կուսակցության թերթիկը վերցնել, ձեր ձայնը տալ այն կուսակցությանը, որ կարող է ձեր համար բան փոխել»,- մանրամասնեց Ծառուկյանը:

Ի դեպ, մինչ Սեւանի ընտրողների հետ հանդիպելը Ծառուկյանն արդեն եղել էր Ճամբարակում: Սեւանից նա ուղեւորվեց Դիլիջան եւ Իջեւան:

Իջեւանում դաշինքի առաջնորդը խոսեց այն մասին, որ 2009-ից հետո օր օրի վիճակը Հայաստանում վատացել է: Ընդգծելով, որ այսօր իրավիճակ փոխելու հնարավորություն կա՝ Գագիկ Ծառուկյանն ասաց, որ հենց դրա համար է վերադարձել քաղաքականություն:

«2015 թվականին ես հեռացա, որ արյուն չթափվի՝ ոչ իմ թիմակիցների, ոչ իմ ժողովրդի, բայց երկու տարի հետո ոչ ոք չկարողացավ տեղը լրացնել, մարդիկ եկան ու ասացին, որ վստահում են ինձ, ուզում են, որ ես վերադառնամ: Համախմբում, բոլորիս մասնակցություն ու միասնականություն է պետք, որպեսզի ծրագիրն իրականացվի, հնարավորություն ու պայման ստեղծվի երկրում, որպեսզի մարդիկ հավատան, այլապես այսպես չի կարող շարունակվել: Ես հավաստիացնում եմ, որ ամեն ինչ լավ է լինելու, որովհետև ավելի վատ է եղել՝ լույս չի եղել, հաց չի եղել, միայն պետք է միասնական լինեք, գնաք մասնակցեք ընտրությանը եւ ձայնը տաք այն ուժին, որը կարող է վիճակ փոխել: Հաշվի առեք ձեր ձայնը՝ այն ուժ է»,- ասաց Գագիկ Ծառուկյանը:

Տպել
3938 դիտում

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին

Տնակից դուրս չեն գալիս, որ նպաստ ստանան. Գյումրու ավագանին 2 ուղերձ հղեց կառավարությանը

Հ. Մարությանի որոշմամբ ապամոնտաժվել է ևս մեկ ինքնակամ շինություն, այս անգամ՝ Գյուրջյան փողոցում

Լոռու ներկայիս մարզպետը՝ նախկին ՀՀԿ-ական մարզպետի հետ ընտրապայքարի մասին

Երևանի Սայաթ Նովայի պողոտա-Նալբանդյան փողոց խաչմերուկի լուսացույցները կտեղափոխվեն

Սերժ Սարգսյանից երկու տարի պահանջվեց, որ Խաչատուրովը դառնա ՀԱՊԿ գլխավոր քարտուղար

Նման դեպքեր այլևս չեն լինելու. Հայկ Մարությանը` Նոր Նորքում ապօրինի շինության մասին

Համաներման շրջանակներում մինչ այժմ ազատ է արձակվել 451 դատապարտյալ

Շիրակի մարզպետն իր հաշվին արձակուրդ կգնա, նա էլ է ՔՊ թեկնածու

Տարոն Մարգարյանը ՀՀԿ ցուցակում չկա

Ոստիկանները Լոռիում բացահայտել են 7.352.400 դրամի յուրացման և 140.000 դրամի կաշառքի դեպք (տեսանյութ)