Ելք ենք փնտրում՝ ՀՀԿ-ի գաղջից ազատվելու. ի՞նչ քաղաքական ճաշակ ունեն եղեգնաձորցիները. վիդեո

Վայոց Ձորի եւ Սյունիքի մարզերի բնակիչների մեծամասնությունն առաջիկա խորհրդարանական ընտրություններին սատարելու են ընդդիմադիր քաղաքական ուժերին: Armtimes.com-ը Եղեգնաձոր եւ Գորիս քաղաքներում հարցախույզ է անցկացրել՝ պարզելու, թե այս բնակավայրերում ընտրողները քաղաքական ի՞նչ ճաշակներ ունեն:

Եղեգնաձոր քաղաքում վարչապետ Կարեն Կարապետյանի նախընտրական այցից հետո ընտրողներից մի քանիսը վստահեցնում են, որ ՀՀԿ-ն հերթական քաղաքական շոուն է իրականացնում:

«Վարչապետի Եղեգնաձոր եկած ժամանակ ստե՞ղ էիք, տեսա՞ք մարդկանց, երեխաներին ոնց էին բերում, լցնում: Դրոշակներ ու նկարներ էին տվել ձեռքները, բերել էին հանդիպման: Վախ կա, վա՛խ, մարդիկ վախով են գալիս, քանի որ պետական աշխատող են»,- armtimes.com-ի հետ զրույցում ասում է Եղեգնաձորի գործազուրկ բնակիչ Խաչատուր Սանթրոսյանը:

Վերջինս նշում է, որ իր նման շատ եղեգնաձորցիներ հոգնել են ՀՀԿ-ի վարած «գաղջ» քաղաքականությունից:

«Ելք ենք փնտրում էս սիտուացիայից, ճահճից դուրս գալու, ՀՀԿ-ի գաղջ մթնոլորտից ազատվելու համար: Ես կողմնորոշվել եմ, ընտրելու եմ «Ելք»-ին: «Ելք»-ի անցած ճանապարհն եմ նայում, տեսնում եմ, որ նրանք երբեւէ չեն կազմել իշխանության մաս: Նրանց ծրագրերին ծանոթ եմ, բավականին քաղաքակիրթ ծրագրեր են ներկայացնում մարդիկ: Ես իմ հույսերը կապում եմ Էդմոն Մարուքյանի, Նիկոլ Փաշինյանի եւ Արամ Սարգսյանի հետ»,- ասում է Խաչատուր Սանթրոսյանը:

Եղեգնաձորն աչքի է ընկնում գործազրկության եւ արտագաղթի բարձր ցուցանիշերով: Բնակիչներն ասում են, որ նույնիսկ նվազագույն 55 հազար դրամ աշխատավարձը չեն կարողանում այստեղ ստանալ: Armtimes.com-ի զրուցակիցներից մեկը, որն աշխատում է Եղեգնաձորի քաղաքապետարանի սանմաքրման բաժնում, ստանում է 38 հազար դրամ: Վստահեցնում է, որ վերջին մի քանի տարում աշխատավարձը, եթե չի նվազել, հաստատ չի ավելացել:

«Իշխանությունները նստում են իրանց սեղանների կողքը, իրանց վարչապետով, իրանց պատգամավորներով, նախագահով: Գոնե մեկը թող ասի, որ էս մարդիկ, էս ավելով 38 հազար դրամ են ստանում, բայց չեն կարողանում դեղ առնել: Ինձ իրենց կաշառքը պետք չէ, իրանց ողորմությունը ինձ պետք չի, ինձ իմ արդար ավելի աշխատանքն էլ է հերիք, իրենք էլ թող ավել անեն, բայց արդար լինեն»,- ասում է սանմաքրման բաժնի աշխատակիցը:

Գորիսում ընտրողները ասում են, որ դեռ չեն կողմնորոշվել, թե որ քաղաքական ուժին են ընտրելու: Նախընտրական քարոզարշավի այս շրջանը օգտագործում են քաղաքական ուժերի ծրագրերին ծանոթանալու համար: Այս քաղաքում եւս իշխող ՀՀԿ-ի նկատմամբ վստահություն չկա: Գորիսեցիները տարիներ շարունակ խոստումներ են լսել, բայց կատարված աշխատանք չեն տեսել:

«Ես 80 տարեկան մարդ եմ, բայց հլա ոչ մի բան չեմ տեսել, որ հանրապետականը անի… Մեր իշխանությունը պետք է փոխվի, որ ժողովրդի վիճակը լավ կլինի: Ով ուզում է՝ թող գա իշխանության գլուխ, բացի այս իշխանություններից, մենք իրենց դեմ ենք»,- armtimes.com-ի հետ զրույցում ասում են Գորիսի բնակիչները:

Մանրամասները՝տեսանյութում:

Նարեկ Կիրակոսյան

Տպել
3287 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է