Լավ իմանալով, որ իրեն հետեւում են՝ Ս. Բաբայանը չէր կարող նման խելահեղ բան անել. քաղաքագետ

ԼՂՀ Պաշտպանության բանակի նախկին հրամանատար Սամվել Բաբայանի ձերբակալության վերաբերյալ մեր հարցերին պատասխանել է քաղաքագետ Հայկ Մարտիրոսյանը:

- Պարոն Մարտիրոսյան, ԱԱԾ-ն երեկ հայտարարություն տարածեց, որ Սամվել Բաբայանը եւ եւս 2 անձ ձերբակալվել են մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում: Ըստ ձեզ սա Բաբայանի ձերբակալության իրակա՞ն պատճառն է: Ինչո՞ւ էր Բաբայանը զենք բերում Հայաստան, որտե՞ղ էր ըստ ձեզ այն կիրառելու:

- Կարծում եմ, որ իրական պատճառը չէ: Ընդհանրապես պետք է նախ հասկանալ` անմի՞տ էր այդքան Սամվել Բաբայանը, որ նման զենք ներմուծեր, այն էլ` նման պրիմիտիվ տարբերակով եւ դա անելուց առաջ` ամենատարբեր հայտարարություններ աներ: Իմ համոզմամբ` հայտարարություններն էին ձերբակալության պատճառը, իսկ զենքի դրվագը հարմար էր նրան ձերբակալելու համար: Մի տեսակ թատերակայնություն կար այդ լուրջ զինատեսակի հայտնաբերման եւ անգամ դրված դիրքի մեջ: Հարցերը շատ են, իսկ դրանց պատասխանները, վստահ եմ, մենք այդպես էլ չենք ստանա:

- Խնդրում եմ հստակեցրեք. ըստ ձեզ զենք բերե՞լ է Սամվել Բաբայանը, թե՞ չի բերել, բայց ԱԱԾ-ն նրան ձերբակալելու համար թատերական նման ներկայացում է սարքել:

- Ես չեմ կարող ասել, որովհետեւ չգիտեմ Սամվել Բաբայա՞նն է դրա հետեւում կանգնած, թե՞ գործողությունն ամբողջությամբ բեմադրված է: Բայց փաստ է, որ այն, ինչ տեղի է ունեցել` շատ կասկածելի հանգամանքներ ունի: Եվ պետք չէ մոռանալ, որ անգամ սիրիական ապստամբները չեն կարողանում նման զենք ձեռք բերել: Ինչպե՞ս կարող էր նախկին զինվորական Բաբայանին հաջողվել ստանալ նման զինատեսակ եւ այն էլ` Վրաստանից: Հարցականները շատ են, իսկ եթե Բաբայանն իրոք նման բան է արել` ապա հարցական է նաեւ նրա ողջամտությունը: Չեմ կարծում թե մեկը, որ լավ գիտե, որ իրեն հետեւում են եւ հայտարարություններ է անում, կարող է այնքան խելահեղ լինել, որ նման բարդ զենք ձեռք բերի եւ սահման անցկացնի:

- ՕՐՕ դաշինքը համարում է, որ Ս. Բաբայանի հետ կապված գործը ակնհայտ քաղաքական ենթատեքստ ունի եւ ուղղված է մեր քաղաքացիների ազատ կամարտահայտման դեմ։ Արդյո՞ք համամիտ եք, որ Բաբայանի ձերբակալությունը քաղաքական ենթատեքստ ունի:

- Չի կարող Բաբայանի ձերբակալությունը քաղաքական ենթատեքստ չունենալ: Բայց մի տեսակ տարօրինակ է քաղաքացիների կամարտահայտման մասին լսել որոշ անձանցից, որոնք պաշտոնավարման ընթացքում իրենք են նպաստել այդ նույն քաղաքացիների նույն կամարտահայտման խոչընդոտմանը:

- Դուք նշեցիք, որ Սամվել Բաբայանի ձերբակալությունը չի կարող քաղաքական ենթատեքստ չունենալ: Ինչո՞վ էր խանգարում նա իշխանություններին այս պահին: Արդյո՞ք ՕՐՕ դաշինքը ընտրություններում որեւէ «վտանգ» կարող էր ներկայացնել իշխանությունների համար: Եթե ոչ, ապա նրանց ինչի՞ն էր պետք նախընտրական շրջանում նման աղմկոտ ձերբակալությունը:

- Որքան հասկանում եմ` ՕՐՕ դաշինքի հիմնական աջակիցը թերևս Ռոբերտ Քոչարյանն է: Իսկ դա նշանակում է, որ ներկայիս իշխանախմբից դժգոհ երկրորդ նախագահը միակ իրականում վտանգավոր ուժն է նույն այդ իշխանության համար: Եվ պետք չէ նաև մոռանալ, որ աղմկոտ ձերբակալությունները, բացի պրակտիկ խնդիր լուծելուց` նաև հոգեբանական ճնշման և լուրջ սպառնալիքներով այլ ուժերին վախեցնելու միջոցով` նրանց կանխելու կամ կանխարգելելու նպատակ են հետապնդում:

- Մինչ Բաբայանի ձերբակալության մասին հայտնի դառնալը՝ մամուլում հրապարակում կար, որ նա մտադիր է «Սասնա ծռեր-2» իրականացնել: Դուք դա հավանական համարո՞ւմ եք: Ընդհանրապես հնարավո՞ր է, որ նա կապ ունենար Նորքի զինված խմբի, «Սասնա ծռեր»-ի հետ:

- Ես կարծում եմ, որ եթե Սամվել Բաբայանն իրոք նման նպատակ ունենար, ապա մամուլը դժվար թե դրա մասին իմանար: Եվ եթե մի պահ անգամ ենթադրենք, որ ուներ այդպիսի նպատակ եւ մամուլը կարող էր տեղեկանալ դրանց մասին, ապա դրանից հետո, եթե Բաբայանը բանականության նշույլ ունի` պետք է որ կասեցներ այդ այսպես կոչված «Սասնա Ծռեր 2» գործողությունը: Սա նման է Ժիրայր Սեֆիլյանի գործին, երբ երկու ավտոմատ գտան ինչ-որ անանուն մարդկանց մոտ եւ ձերբակալեցին անմիջապես Սեֆիլյանին: Որեւէ ապացույցներ այդպես էլ չներկայացվեցին: Դժվար է պատկերացնել, որ Սեֆիլյանն, իր հերթին, այնքան անմիտ էր, որ լինելով ընդդիմությունում` կարող էր մտածել նման բան նախապատրաստելու մասին: Հարցականները շատ են, իսկ հանգամանքները` խիստ կասկածելի:

- Ի՞նչ եք կարծում, հնարավո՞ր է Սեյրան Օհանյանին էլ ձերբակալեն:

- Ես չեմ ձերբակալողը, որպեսզի իմանամ հնարավո՞ր է արդյոք ձերբակալել Օհանյանին: Բայց դա ինձ անհավանական է թվում: Եվ ասեմ թե ինչու: Սամվել Բաբայանը կտրուկ գործիչ է: Նա անսանձ է եղել պատերազմի տարիներին, դրանից հետո եւ մեղադրվել է Արցախի նախագահի դեմ կատարված մահափորձի կազմակերպիչ լինելու մեջ: Բաբայանի վտանգավորությունն իշխանության համար տեսականորեն շատ ավելի մեծ է: Նա զենքի մարդ է, հետեւորդներ եւ համակիրներ ունի եւ տեսականորեն ընդունակ է կտրուկ քայլերի: Սեյրան Օհանյանը, ի հակասություն Բաբայանի` չէր լինի ՊՆ նախարար, եթե ամբողջությամբ կառավարելի չլիներ իր վերադասի կողմից: Եվ եթե նրա այժմյան խոսքերը մատնում են, որ նա տեսել է իշխանությունում կատարվող անթույլատրելի հանգամանքները, ժողովրդի հարստահարումն ու երկրի տնտեսական եւ բարոյական ոչնչացումը եւ ունենալով սեփական հրամանատարության ներքո Հայաստանի միակ ուժը, որ ընդունակ է փոփոխություններ իրականացնել երկրում` բանակը, եւ չի օգտվել այդ հանգամանքից, ու միայն հիմա, երբ դուրս է եկել և չունի ոչ մի ազդեցություն, նոր է խոսում` ուրեմն նա լիովին անվտանգ է իշխանության համար:

Տպել
20115 դիտում

Պուտինը Նեթանյահուին նշել է Իլ-20-ի խոցման պատճառը

Փոխել քաղաքական ստատուս քվոն. ամերիկահայերը մասնակցում են նոյեմբերի ԱՄՆ-ի ընտրություններին

ՆԱՏՕ-ի գլխավոր քարտուղարի տեղակալն այցով կժամանի Վրաստան

Ներգաղթյալների թիվը հասնում է 35 հազարի. ԵՄ միգրացիոն ճգնաժամը բեւեռացրել է Եվրոպան

Վատնվել է շուրջ 900 000 դրամ. ուսանողները պահանջում են «թատերական ինստիտուտի» ռեկտորի հրաժարականը

«Լիվերպուլն» ու «Ինտերը» հաղթեցին դրամատիկ խաղում. Չեմպիոնների լիգայի օրվա արդյունքները

Մահացել է Երեւանի քաղաքապետի թեկնածուի մայրը. Գասպարյանը քարոզարշավին չի մասնակցի

Կեղտոտ քարոզարշավ է, կեղտոտ եւ սեւ PR տեխնոլոգիաների կիրառմամբ. քաղաքագետն՝ ընտրությունների մասին

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին

Հեռախոսային խոսակցությունների գաղտնիությունը խախտելու փաստով ԱԺ-ում տեղի կունենա առաջին նիստը

Երեւանում վթարի է ենթարկվել նախկին պատգամավոր Գագիկ Մխեյանի որդին՝ էլցանցի գլխավոր տնօրենի խորհրդականը

Վարչապետի որոշմամբ՝ նշանակվել է անշարժ գույքի կադաստրի կոմիտեի ղեկավարի տեղակալ

Երեւան-Սեւան ճանապարհին կայանած մեքենային է բախվել մեկ այլ մեքենա. կա 3 վիրավոր, այդ թվում՝ 2 երեխա

Հայաստանում Կոնգոյի դեսպանը հավատարմագրերի պատճենն է հանձնել ՀՀ ԱԳ նախարարին

«Լրագրողներ առանց սահմանների» կազմակերպությունը դատապարտել է խուզարկությունները Yerevan.Today-ում

Պուտին-Էրդողան հանդիպման արդյունքները. Իդլիբի շուրջ զինված գործողություններ, հարձակում չի լինի

Այսօր ու վաղը Հայաստանի մեծ մասում սպասվում է անձրեւ, ամպրոպ, քամու ուժգնացում

3 տարբեր մեդալներ ու խրախուսումներ՝ ԱԻ նախարարության մի շարք աշխատակիցների

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի