Ցատկոտել տանիքներում, ոչ թե հայրենիք կրկեսում. Փաշինյանը՝ Սերժ Սարգսյանին (տեսանյութ)

Երեկ Վանաձորում հրավիրված նախընտրական հանրահավաքի ընթացքում ԱԺ պատգամավոր, «Ելք» դաշինքի համամասնական ցուցակի 3-րդ համարը ներկայացնող Նիկոլ Փաշինյանը պատասխանել է Սերժ Սարգսյանին, որը շաբաթ օրը Ղարաբաղում ունեցած ելույթում, ըստ էության անդրադարձել էր «Ելք» դաշինքին եւ Նիկոլ Փաշինյանին:

«Ու հիմա, իրեն դուր չի գալիս, վիձիծե լի, որ մենք տանիք ենք բարձրանում: Բայց կներեք, այսօր ՀՀԿ-ն որպես պատգամավորի թեկնածու առաջադրել է մարդկանց, որոնք տասը տարի ԱԺ պատգամավոր լինելով, ոչ միայն տանիք, այլեւ ԱԺ ամբիոն չեն բարձրացել: Այդ մարդկանց ինչի՞ համար են պատգամավորի թեկնածու առաջադրել: Նա ասում է, թե մարդիկ ցատկոտում են տանիքներում: Մենք պատրաստ ենք մեր ժողովրդին այս հուսահատության փոսից ելք առաջարկելու համար բարձրանալ եւ նույնիսկ ցատկոտել տանիքներում, ոչ թե Սերժ Սարգսյանի, Գագիկ Ծառուկյանի դաշինքի, դաշնակցության, մյուսների նման ցատկոտել Սերժ Սարգսյանի ստեղծած հայրենիք կրկեսում: Բա ասում էիք մենք կրկեսի վերածելու հայրենիք չունենք: Էդ ի՞նչ եք առավոտից իրիկուն բլբուլ կտրած ցատկոտում կրկես սարքած Հայաստանի Հանրապետությունում»,- հայտարարել է Փաշինյանը՝ հավելելով.

«Հայաստանի Հանրապետությունը կրկես չէ, ՀՀ քաղաքացին կրկեսի հանդիսատես չէ, ՀՀ քաղաքացին իրավատեր է, ՀՀ քաղաքացին արժանապատիվ է, ՀՀ քաղաքացին հզոր է: Եվ մենք մարդկանց ասում ենք, սիրելի հայրենակիցներ, ՀՀ հպարտ քաղաքացիներ, ապրիլի 2-ին գնացեք ընտրական տեղամասեր եւ գլուխներդ բարձր, դուխներդ տեղը քվեարկեք «Ելք» դաշինքի օգտին, եւ չհուսահատվեք, որովհետեւ ելք կա»:

Հիշեցնենք, որ մարտի 25-ին աշխատանքային այցով Արցախ մեկնած Սերժ Սարգսյանը Պաշտպանության բանակի զորամասերից մեկում զինծառայողների եւ նրանց ընտանիքիների անդամների առջեւ իր ելույթում, մասնավորապես, ասել էր. «Իսկ այսօր ավելի կարեւոր հարց ունենք։ Մենք պիտի հասկանանք, որ ապրիլի 2-ը խաղ չէ, սուտ շուտասելուկների մրցույթ չէ, մենք պիտի հասկանանք, որ ապրիլի 2-ին մենք տանիքների վրա լավ ցատկողներ չենք ընտրում, մենք մեր ժողովրդի գոյության իրավունքը պաշտպանողներ ենք ընտրում, մենք համազարկի, հարձակման եւ հարկ եղած դեպքում հետ քաշվելու հրաման տվողներ ենք ընտրում, դա անելու համար բավարար ներքին ուժ ունեցողներ ենք ընտրում»։

Սարգսյանը այս ելույթում, ըստ էության, անդրադարձել էր նաեւ Փաշինյանի մարտի 8-ին Մոսկվա կինոթատրոնի մոտ հրավիրված հանրահավաքում ունեցած ելույթին: Այդ ելույթում Փաշինյանը նշել էր, որ Հայաստանի երրորդ հանրապետության պատմության ընթացքում Սերժ Սարգսյանը Հայաստանի Հանրապետության համար ամենամեծ անվտանգության սպառնալիքներ ստեղծած կամ թույլ տված գործիչն է:

Ի պատասխան Սարգսյանի արած այս հայտարարությունների՝ Փաշինյանը Վանաձորում հայտարարել է. «Իհարկե, բավական հետաքրքիր է Սերժ Սարգսյանին տեսնել արդարացողի դերում, բայց այդ արդարացումները, ինչպես ասում են, տվյալ դեպքում ծառայում են՝ ապացուցելու համար ակնհայտը. ակնհայտ է, որ Սերժ Սարգսյանը Երրորդ հանրապետության միակ ղեկավարն է, որի օրոք Հայաստանի Հանրապետությունը կորցրել է 800 հա տարածք: Եվ ինքը փորձել է ասել իր երեկվա ելույթում, որ կարող էր թույլ տալ եւս 100 մարդու գնով ետ վերցնել այդ տարածքները, բայց չի տվել, որ 100 մարդու կյանք չխլի: Դուք պատկերացնո՞ւմ եք նա ինչ է ասում. նա ասում է, որ ինքը գերագույն գլխավոր հրամանատար լինելով պատրաստ է 100 մարդու կյանքի գնով տարածք կորցնել, բայց պատրաստ չի 100 մարդու կյանքի գնով տարածքներ վերցնել կամ պաշտպանել այդ տարածքները: Ի՞նչ ուղերձ է նա հղում Ադրբեջանին եւ մեր հանրությանը: Նա ասում է, որ մենք զոհ տալու ենք, որ հայ ժողովուրդը զոհեր տալու է միայն տարածքներ զիջելու համար եւ չի պատրաստվում զոհեր տալ տարածքներ վերցնելու կամ պաշտպանելու համար: Սա է նրա ուղերձը»:

Շարունակելով իր ելույթը՝ Փաշինյանը ընդգծել է, որ Սերժ Սարգսյանը անվտանգության սպառնալիք է ստեղծել ոչ միայն արտաքին ոլորտում, այլեւ հոգեւոր ոլորտում: Ըստ նրա` դա է վկայում նախօրեին մոտ հարյուր տնօրենների շուրջ ստեղծված սկանդալը. խոսքը ձայնագրության մասին է, որում հարյուրավոր դպրոցների ու մանկապարտեզների տնօրեններ պատմում էին, որ ՀՀԿ-ի օգտին ձայներ են հավաքում: «Սերժ Սարգսյանի իշխանության տարիներին դպրոցի տնօրենները դարձել են ընտրական տասովշիկներ, ավելի ճիշտ՝ ՀՀԿ-ն եւ Սերժ Սարգսյանը ընտրական տասովշիկներին համատարած դարձրել են դպրոցի տնօրեններ, այդ գործընթացն այսօր էլ շարունակվում է»:

Տպել
10743 դիտում

Քվեարկած թերթիկը լուսանկարելն ու տարածելն արգելված է օրենքով. ՄԻՊ-ն իրազեկում է

Ժամը 11-ի դրությամբ ընտրությանը մասնակցել է մոտ 80 հազար քաղաքացի՝ նախորդ տարվա համեմատ 15 հազարով քիչ

Ալիևը քննադատել է Երեւանի ավագանու ընտրություններին դրական գնահատականը բուն ընտրություններից մեկ օր շուտ

«Վիվառո»-ի սահմանած հատուկ խաղադրույքները Երեւանի ավագանու ընտրություններին (լուսանկարներ)

Քարոզչության փորձ, դիտորդի աշխատանքի խոչընդոտում եւ սպառնալիք. խախտումերը 11:15-ի դրությամբ

Տեղամասում պարբերաբար կուտակումներ են ձեւավորվում խմբերով գալու արդյունքում

Կա մի քանի քրեական գործ ընտրակաշառքի մասով. Վալերի Օսիպյան

Նիկոլ Փաշինյանը կոչ արեց մասնակցել ավագանու ընտրություններին (տեսանյութ)

Զոհրաբ Մնացականյանը վարչապետ Նիկոլ Փաշինյանի գլխավորած պատվիրակության կազմում կայցելի Նյու Յորք

ԱԱԾ տնօրեն Արթուր Վանեցյանը եւս քվեարկեց Երեւանի ավագանու արտահերթ ընտրություններին

Չարաշահել է իր պաշտոնեական դիրքը. Բաքուն ջղաձիգ է արձագանքել Խաչատուրովի հայտարարությանը

Իոաննիսյանի դեմ վարչական վարույթ է նախապատրաստվում, կդիմենք դատարան. Նաիրա Զոհրաբյանը քվեարկեց ու պարզաբանեց

Ընտրողների ուղղորդում Շենգավիթում եւ Աջափնյակում. դիտորդների բացահայտած խախտումները

Պաշտպանի աշխատակազմը վաղ առավոտից իրականացնում է Երևանի ավագանու ընտրությունների անկախ դիտարկում

Օրվա կադրը. դժվարությամբ տեղաշարժվելով, դանդաղ քայլերով, բայց գալիս է ընտրության

Երևանի ավագանու ընտրություններում 9:30-ի դրությամբ գրանցվել է 97 խախտում, 3 միջադեպ

Ադրբեջանցիները մեծ քանակությամբ հայկական էլեկտրոնային փոստի հասցեներ են կոտրել. ցանկ

Վարչապետն ԱՄՆ-ում կհանդիպի տարբեր երկրների գործընկերների, ՄԱԿ-ի գլխավոր քարտուղարի, հայ համայնքի հետ

Թիվ 8/16 ընտրատեղամասում վարչապետը քվեարկել է ու մեկնում է Նյու-Յորք

ՔԿ-ն ստեղծել է աշխատանքային խումբ՝ Երևանի ավագանու ընտրություններին խախտումների մասին ահազանգերի համար