Քաղաքական ուժերը հավաք-երթի են հրավիրում.ՕՐՕ-ն 3 օրով «բրոնյա» է արել Ազատության հրապարակը

Ապրիլի 2-ին կայանալիք խորհրդարանական ընտրությունների քարոզարշավը մոտենում է ավարտին: Ընտրություններին մասնակցող քաղաքական ուժերին ընդամենը 4 օր է մնացել (ապրիլի 1-ն, ինչպես հայտնի է՝ լռության օր է)՝ ամփոփելու եւ ավարտին հասցնելու իրենց ասելիքը:

Վաղվանից սկսած մինչեւ մարտի 31-ը քաղաքական ուժերը Երեւանի կենտրոնական հրապարակներում հանրահավաքներ են անցկացնելու, որոնց ընթացքում էլ, ըստ երեւույթին, կամփոփեն նախընտրական քարոզարշավը:

Վաղը՝ ժամը 18:00-ին, օրինակ, Ազատության հրապարակում նախատեսվում է «Օհանյան-Րաֆֆի-Օսկանյան» դաշինքի հանրահավաքը: «Հերիք է հանդուրժել անարդարությունը, հերիք է հանդուրժել թալանը, ազատություն Սամվել Բաբայանին եւ մյուս քաղբանտարկյալներին: Հայ ժողովուրդը ապրիլի 2-ին ունի բացառիկ հնարավորություն՝ իր քվեով խաղաղ ճանապարհով փոխելու իշխանությունը: Հայ ժողովուրդն ունի հնարավորություն՝ ձեւավորելու ազգային համաձայնության իշխանություն՝ երկիրը տանելու զարգացման ճանապարհով»,- մասնավորապես, նշվում է հանրահավաքի գովազդային հոլովակում, որ տեղադրված է ՕՐՕ-ի ֆեյսբուքյան էջում:

Ընդգծենք, որ Երեւանի քաղաքապետի լիազոր ներկայացուցիչը ի գիտություն է ընդունել «Օհանյան–Րաֆֆի–Օսկանյան» դաշինքի շտաբի պետ Արմեն Մարտիրոսյանի իրազեկումը՝ մարտի 28-ին՝ ժամը 11:00-23:00-ին, Ազատության հրապարակում հավաք եւ հավաքի ընթացքում՝ ժամը 19:00-20:30-ին, Ազատության հրապարակ-Սայաթ-Նովա պողոտա-Աբովյան փողոց-Հանրապետության հրապարակ-Ամիրյան փողոց-Մաշտոցի պողոտա-Ազատության հրապարակ երթուղով երթ անցկացնելու վերաբերյալ։ Քաղաքապետարանն ի գիտություն է ընդունել նաեւ Մարտիրոսյանի այլ դիմումները՝ մարտի 29-ին եւ 30-ին նույն ժամին հավաք եւ երթ անցկացնելու վերաբերյալ: «Օհանյան-Րաֆֆի-Օսկանյան» դաշինքը կանցկացնի՞ եռօրյա ցույցեր՝ ցույց կտա ժամանակը:

Տարօրինակն այն է, որ մարտի 29-ին Ազատության հրապարակում հավաք եւ երթ անցկացնելու «թույլտվություն» է ստացել նաեւ «Կոնգրես-ՀԺԿ» դաշինքը: Քաղաքապետարանի կայքից տեղեկանում ենք, որ ՀԱԿ ներկայացուցիչ Արեգ Գեւորգյանը քաղաքապետարան է դիմել մարտի 29-ին՝ ժամը 12:00-22:00-ին, Ազատության հրապարակում հավաք եւ հավաքի ընթացքում՝ ժամը 18:00-ին, Ազատության հրապարակ-Մաշտոցի պողոտա-Ամիրյան փողոց-Հանրապետության հրապարակ-Նալբանդյան փողոց-Թումանյան փողոց-Ազատության հրապարակ երթուղով երթ անցկացնելու վերաբերյալ: Քաղաքապետարանն ի գիտություն է ընդունել իրազեկումը: 

Մարտի 29-ին Երեւանում մեծ հանրահավաք է նախատեսում իրականացնել «Հայկական վերածնունդ» կուսակցությունը: Այս քաղաքական ուժի հավաքը, ըստ քաղաքապետարան ներկայացված իրազեկման, տեղի է ունենալու մարտի 29-ին՝ ժամը 17:00-21:00-ին, Մատենադարանին հարող տարածքում: Երեւանի քաղաքապետի լիազոր ներկայացուցչի որոշմամբ ի գիտություն է ընդունվել հավաքի վերաբերյալ իրազեկումը: 

Հաջորդ օրը՝ մարտի 30-ին հանրահավաքի է հրավիրելու «Ելք» դաշինքը: Քաղաքապետարանն ի գիտություն է ընդունել «Լուսավոր Հայաստան» կուսակցության խորհրդի անդամ Դավիթ Խաժակյանի կողմից մարտի 30-ին՝ ժամը 17:00-20:00-ին, Մատենադարանին հարող տարածքում հավաքի անցկացումը։

Մարտի 30-ին հանրահավաք անցկացնելու վերաբերյալ իրազեկմամբ Երեւանի քաղաքապետարան է դիմել նաեւ ՀՅԴ-ն: ՀՅԴ հանրահավաքը նախատեսվում է ժամը 19:00-22:00-ին, Ազատության հրապարակում:

Երեւանում հանրահավաքային քարոզարշավը եզրափակում է ՀՀԿ-ն՝ մարտի 31-ին՝ ժամը 15:00-22:00-ին, Հանրապետության հրապարակում նախատեսված հանրահավաքով: Քաղաքապետի լիազոր ներկայացուցիչն ի գիտություն է ընդունել Հայաստանի հանրապետական կուսակցության կազմակերպչական հանձնաժողովի նախագահ Ռուբեն Թադեւոսյանի իրազեկումը՝ հավաք անցկացնելու վերաբերյալ։

Տպել
7825 դիտում

Ընտրությունները չեն արգելում սնվել. «Իմ քայլ»-ի ներկայացուցիչը՝ տեղամասեր պիցցա տանելու մասին

Կյանքումս առաջին անգամ հաճույքով գնում եմ իմ ընտրությունը կատարելու. Ժաննա Բուտուլյան

Ալիևն ու Քոչարյանի կայքը հայտնում են խախտումների մասին, Սովպաձենիյե՞, նե դումայու. նախարար

Ընտրողներին օգնելու կարգի խախտում և վիճաբանություն «Իմ Քայլը» դաշինքի և ԲՀԿ-ի վստահված անձանց միջեւ

«Իմ քայլը» դաշինքի ներկայացուցիչները պիցցաներ են տանում ընտրատեղամասեր. ահազանգ

Սեպտեմբերի 23-ին, ժամը 11-ի դրությամբ, ոստիկանությունում ստացվել է 10 ահազանգ

Քվեարկած թերթիկը լուսանկարելն ու տարածելն արգելված է օրենքով. ՄԻՊ-ն իրազեկում է

Ժամը 11-ի դրությամբ ընտրությանը մասնակցել է մոտ 80 հազար քաղաքացի՝ նախորդ տարվա համեմատ 15 հազարով քիչ

Ալիևը քննադատել է Երեւանի ավագանու ընտրություններին դրական գնահատականը բուն ընտրություններից մեկ օր շուտ

«Վիվառո»-ի սահմանած հատուկ խաղադրույքները Երեւանի ավագանու ընտրություններին (լուսանկարներ)

Քարոզչության փորձ, դիտորդի աշխատանքի խոչընդոտում եւ սպառնալիք. խախտումերը 11:15-ի դրությամբ

Տեղամասում պարբերաբար կուտակումներ են ձեւավորվում խմբերով գալու արդյունքում

Կա մի քանի քրեական գործ ընտրակաշառքի մասով. Վալերի Օսիպյան

Նիկոլ Փաշինյանը կոչ արեց մասնակցել ավագանու ընտրություններին (տեսանյութ)

Զոհրաբ Մնացականյանը վարչապետ Նիկոլ Փաշինյանի գլխավորած պատվիրակության կազմում կայցելի Նյու Յորք

ԱԱԾ տնօրեն Արթուր Վանեցյանը եւս քվեարկեց Երեւանի ավագանու արտահերթ ընտրություններին

Չարաշահել է իր պաշտոնեական դիրքը. Բաքուն ջղաձիգ է արձագանքել Խաչատուրովի հայտարարությանը

Իոաննիսյանի դեմ վարչական վարույթ է նախապատրաստվում, կդիմենք դատարան. Նաիրա Զոհրաբյանը քվեարկեց ու պարզաբանեց

Ընտրողների ուղղորդում Շենգավիթում եւ Աջափնյակում. դիտորդների բացահայտած խախտումները

Պաշտպանի աշխատակազմը վաղ առավոտից իրականացնում է Երևանի ավագանու ընտրությունների անկախ դիտարկում