Եթե մենք լինենք իշխանություն՝ 6 ամսում ՀՀ-ն կդասվի աշխարհի առաջին տասնհինգի մեջ. Օսկանյան

«ՕՐՕ» դաշինքի առաջնորդներից Վարդան Օսկանյանն այսօր Ազատության հրապարակում հրավիրված հանրահավաքում իր ունեցած ելույթի սկզբում, դիմելով ապրիլի 2-ի ընտրություններին մասնակցող քաղաքացիներին, կոչ արեց քվեախցիկ մտնելուց առաջ հիշել, որ մեկ տարի առաջ պատերազմ է եղել, ուստի պետք է ընտրել՝ առաջիկա տարիներին Հայաստանը շարունակի մնալ ավտորիտար, ոստիկանական, անարդար պետությո՞ւն, թե՞ դրվի արդարության ճանապարհի վրա:

«Եթե մենք լինենք իշխանության՝ վստահեցնում եմ ձեզ. Հայաստանը ամենակարճ ժամանակում՝ 6 ամսվա ընթացքում կդասվի աշխարհի առաջին տասնհինգի մեջ որպես ժողովրդավարական պետություն: Մենք շատ արագ կհաստատենք արդարությունն ու իրավահավասարությունը Հայաստանում: Դրա համար մեծ ջանք չենք դնելու, դա անելու համար ռեսուրս պետք չի, փող պետք չի, դա կապ չունի շրջափակման հետ, Ղարաբաղի հարցի հետ, ընդամենը պետք է քաղաքական կամք, ընդամենը պետք է օրվա ղեկավարները կարողանան իրենց նեղ անձնական շահերը ստորադասել երկրի շահերին: Հավատացեք, այս հարթակում կանգնածները այդպիսին են»,- վստահեցրեց Օսկանյանը:

Անդրադառնալով արտաքին քաղաքականության ոլորտում իրենց պատկերացումներին՝ ՀՀ նախկին արտգործնախարարը խոստացավ, որ այդ ոլորտը իսկապես կծառայեցնեն երկրի խնդիրների լուծմանը՝ ի տարբերություն այսօրվա իշխանությունների: Նրա համոզմամբ արտաքին քաղաքականությունը այսօր դարձել է ոչ թե միջոց երկրի խնդիրները լուծելու համար, այլ նպատակ:

«Վերջիվերջո մեր սուվերենությունը այս տարիներին իսկական անկում է ապրել, աշխարհը մեզ լուրջ չի վերաբերվում, չեն համարում, որ արտաքին քաղաքականության որոշումները Երեւանում են կայացվում, նրանք մեզ հետ չեն խոսում, խոսում են այլ մայրաքաղաքների հետ, որովհետեւ մեր գործունեությամբ, մեր քաղաքականությամբ, ՄԱԿ-ում եւ այլուր մեր քվեարկություններով, մեր իշխանությունների ելույթներով այդ բոլորը բերել են միջազգային հանրության եզրակացության, որ Հայաստանը սուվերեն պետություն չի»,- ասաց Վարդան Օսկանյանը՝ հավելելով, որ իրենք արտաքին քաղաքականությունը կդարձնեն միջոց՝ երկրի խնդիրները լուծելու եւ տնտեսությունը զարգացնելու:

«ՕՐՕ» դաշինքի ներկայացուցիչը անդրադարձ կատարեց նաեւ Ղարաբաղի հարցին՝ ահազանգելով, որ այսօր Ղարաբաղն իրոք վտանգված է: Նկատի ունենալով իրենց, Սեյրան Օհանյանին եւ Րաֆֆի Հովհաննիսյանին՝ Օսկանյանը վստահեցրեց, որ եթե երեքով միավորեն իրենց ջանքերը՝ դիվանագիտական ոլորտում հաջողություններ կգրանցեն:

«Ես վստահեցնում եմ, որ ես ինքս կարողացել եմ անել, Լեռնային Ղարաբաղի ինքնորոշման իրավունքը, որի մասին 1998-ին միայն կարելի էր երազել, 2007 թվականին կարողացել ենք ամրագրել բանակցային փաստաթղթում: Ես այստեղ կանգնած նույն վստահությամբ, ձեր աչքերին նայելով վստահեցնում եմ. այո, հնարավոր է անել հաջորդ քայլը, հասնել Լեռնային Ղարաբաղի ժողովրդի արդեն 25 տարի ինքնորոշված լինելու փաստի ամրագրմանը, այսինքն՝ նրա անկախության ճանաչմանը կամ Հայաստանի հետ որպես մի պետության միջազգային ճանաչմանը»,- նշեց Օսկանյանը:

Իր ելույթը նախկին արտգործնախարարը եզրափակեց ԼՂ ՊԲ նախկին հրամանատար Սամվել Բաբայանի կալանավորման մասին խոսելով:

«Մի մարդ, որ ազգային հերոս, Ղարաբաղի ազատագրության ակունքներում է եղել, այսօր նա ճաղերի ետեւում է: Սա այն մարդն է, որ հիմնական պատնեշն է լինելու տարածքների վերադարձը ցանկացողների դեմ, եւ նրան հանել են հրապարակից, որովհետեւ նրանց համար բաց ճանապարհ է անհրաժեշտ, որ գնան իրենց դավադիր բանակցությունները շարունակեն ԼՂ հարցի շուրջ: Մենք ասում ենք՝ ոչ, մեր գլխավոր խնդիրն է հասնել ԼՂ ինքնորոշման իրավունքի փաստի ճանաչմանը»,- խոսքն ավարտեց Օսկանյանը:

Տպել
2316 դիտում

ԱԺ-ն պետք է արտահայտի այն տրամադրություններն ու ընտրությունը, որ կատարում են քաղաքացիները. վարչապետ

Որպես պետությանը պատճառված վնասի մասնակի փոխհատուցում վճարվել է շուրջ 55 մլն դրամ

Քրեական հեղինակություն Դոն Պիպոն այսօր գրավի դիմաց ազատ է արձակվել

ՀՀ ներքաղաքական կյանքը կրկին ալեկոծվում է, պետք է հարցերը լուծենք համաձայնությամբ. Բաբլոյան

Մի քանի օրից մենք մասնակից ենք լինելու ՀՀ պատմության ամենաարդար և ազնիվ ընտրություններին. Հայկ Մարության

Ըստ հայ ֆուտբոլիստների՝ Վանեցյանը դրական փոփոխություններ կանի հայկական ֆուտբոլում

ԱԱԾ տնօրեն Արթուր Վանեցյանը հարցաքննվել է հայտնի գաղտնալսման գործով

Փոփոխությունները չեն ազդի 700 աշխատատեղի և 25000 տոննա բանջարեղենի արտադրողականության վրա. «Սպայկա»

Ես շրջում եմ այնպես, ինչպես ուզում եմ. Միհրան Պողոսյանը՝ «ասֆալտին փռելու» օպերացիայի մասին

ՊՆ հոսպիտալից գողություն է կատարվել, գումար է կանխիկացվել քաղաքացու բանկային հաշվեհամարից

Տարոն Մարգարյանը հարցաքննվել է, նրանից առգրավվելու է 1 մլրդ 800 մլն դրամ. Վանեցյան

Չեմ փոշմանել, որ չեմ քվեարկել Նիկոլ Փաշինյանի օգտին. Աղվան Վարդանյան

Հայաստանի պատվիրակությունը մասնակցում է ՄԱԿ-ի Ատոմային էներգիայի ՄԳ գլխավոր կոնֆերանսին

Արմեն Սարգսյանի հրամանագրով վարչական դատարանի դատավորներ են նշանակվել

Արցախի զինկոմի որդին հոր հետ վիճելու համար, ընկերների հետ ծեծել է քաղաքացուն (տեսանյութ)

ՆԱՏՕ-ի փորձագետները վերապատրաստման դասընթացներ են անցկացնում ՌՈւՀ-երի ներկայացուցիչների համար

Ինչպե՞ս նորոգել ռազմական նշանակության օբյեկտներն ու ենթակառուցվածքները. քննարկում բելառուսական կողմի հետ

ԵԱՏՄ գազի ընդհանուր շուկայի պայմանագրի կկնքվի 2025 թ-ին. հանդիպում Մոսկվայում

Հայաստանի քաղաքացիներին՝ խաղաղություն ու բարօրություն. Պուտինը շնորհավորել է Արմեն Սարգսյանին ՀՀ Անկախության տոնի առթիվ

Երիտասարդ հունահռոմեականները ԱԱ-ից վերադարձել են 1 ոսկով, 2 արծաթով