Քո ատամները ոսկուց են, ես ատամ չունեմ, քելե, հացի փող տուր, գնամ. ՀԿԿ-ն՝ Գյումրիում. վիդեո

Այսօր նախընտրական Գյումրիում էր Հայաստանի Կոմունիստական կուսակցությունը: Կոմկուսականները կուսակցության առաջին քարտուղար Տաճատ Սարգսյանի գլխավորությամբ քայլերթ իրականացրեցին Գյումրու Սայաթ-Նովա, Ռիժկովի անվան փողոցներում եւ Վարդանանց հրապարակում:

Կոմկուսականները խնդրելով գյումրեցիների քվեն, ասացին. «Եկել ենք ասելու, որ այն ամենը՝ ինչ ունեցել եք, նորից վերադարձնելու ենք: Մենք անելու ենք այն ամենը ինչ Խորհրդային Հայաստանը արել է: Մենք միակ կուսակցությունն ենք, որ պարզ ճակատով ենք հանդես գալիս»,-նշեցին  երթի մասնակիցները:

Հայաստանի կոմունիստական կուսակցության ղեկավարության եւ նրանց համակիրների հանդիպումը տեղի ունեցավ «Հոկտեմբեր» կինոթատրոնում: Armtimes.com-ի թղթակիցը նկատել է, թե ինչպես կուսակցականներից մեկը պարբերաբար զանգում եւ այլ մարդկանց հրավիրում էր իրենց նախընտրական քարոզարշավին: Նշենք, որ ներկաների թվում երիտասարդներ ընդհանրապես չկային:

Հայաստանի Կոմունիստական կուսակցության առաջին քարտուղար Տաճատ Սարգսյանը, ով ծնունդով Գյումրիից է, իր ելույթի ժամանակ հուզվեց, հետո պարզաբանեց, որ քաղաքի ներկայի վիճակն էր պատճառը: Այնուհետեւ, խոսելով երկրի սոցիալ-տնտեսական վատ վիճակից, գործազրկությունից եւ արտագաղթից, Տաճատ Սարգսյանն անդրադարձավ նաեւ գյումրեցի այն կանանց, ովքեր ճարահատյալ մարմնավաճառությամբ են զբաղվում արաբական երկրներում եւ Թուրքիայում:

«Ես ցավում եմ, որ մեր կանայք Թուրքիայում եւ մյուս երկրներում այդ գործն են անում՝ աշխատանք չլինելու պատճառով: Տղամարդիկ, փոխանակ պահակություն անեն, փողոց մաքրեն՝ իրենց հալալ քրտինքով հաց վաստակեն, գլուխները բարձր պահած ասում են՝ գիտես, իմ Եպոն արտասահմանում է, ամեն ամիս փող է ուղարկում, ես ու երեխաներս անհոգ ապրում ենք: Հայ ազգին, լեննականցուն չի սազում նման վարքագիծը: Եկեք ինչ-որ ձեւով յոլա գնանք, մինչեւ որ երկրում իշխանությունը կփոփոխվի»,- հորդորեց Տաճատ Սարգսյանը:

Նախընտրական քարոզարշավի ավարտին, երբ կոմկուսականները ցանկանում էին հեռանալ կինոթատրոնից, հենց դռան դիմաց նրանց ճանապարհը փակեցին Գյումրու Յոթ Վերք եկեղեցու բակում գումար հավաքող կանայք: Նրանցից մեկը, մոտենալով կուսակցության անդամին, դժգոհեց իր սոցիալական վիճակից եւ ցույց տալով, որ իր բերանում անատամ չկա, ասաց.

«Քո ատամները ոսկուց են, իսկ իմ բերանում ընդհանրապես ատամ չկա: Քելե, ինձ հացի փող տուր՝ գնամ»:

Կնոջ հարցադրմանն ի պատասխան՝ կոմկուսականը նշեց, որ իր ատամները ոսկուց չեն, այլ՝ «բուլատից»:

Մեկ այլ տարեց կին էլ, մոտենալով Տաճատ Սարգսյանին, նրանից հացի փող պահանջեց՝ նշելով, որ տանը վեց սոված երեխա ունի, որոնց չի կարողանում կերակրել: Կուսակցության անդամները փորձեցին գումար պահանջող կնոջը ուղղորդել Գյումրու քաղաքապետ Սամվել Բալասանյանի մոտ: Սակայն կինն այնքան հետապնդեց Տաճատ Սարգսյանին, որ վերջինս նրան գումար տվեց:

Նարեկ Կիրակոսյան

Տպել
9586 դիտում

«Քաղաքացու որոշում» կուսակցությունը մասնակցելու է արտահերթ խորհրդարանական ընտրություններին

Խոշոր չափի յուրացում «Նուբարաշեն» հոգեբուժարանում․ ՄԻՊ-ի արձագանքից հետո քրգործ է հարուցվել

Տնտեսագետ Բաբկեն Թունյանն «Իմ քայլը» դաշինքի ցուցակով մասնակցելու է ԱԺ ընտրություններին

Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան