«Եկեք ապրիլի 2-ին կատարենք այդ հեղափոխությունը». ՀԱԿ-ի հանրահավաքն ու «խաղաղության երթը»

29/03/2017 schedule19:43

Ազատության հրապարակում այսօր տեղի ունեցավ «Կոնգրես-ՀԺԿ» դաշինքի նախընտրական ամփոփիչ հանրահավաքը: Հարթակում էին ՀԱԿ փոխնախագահներ Լեւոն Զուրաբյանը, Արամ Մանուկյանը, ՀԺԿ ղեկավար Ստեփան Դեմիրճյանը: ՀԱԿ առաջնորդ, ՀՀ առաջին նախագահ Լեւոն Տեր-Պետրոսյանը հանրահավաքին չէր մասնակցում:

Հանրահավաքը վարում  էր Արամ Մանուկյանը: Վերջինս բացելով հանրահավաքը՝ զգուշացրեց, որ շատ ասելիք չկա, քանի որ Լեւոն Տեր-Պետրոսյանի երեկվա «Կենտրոն» հեռուստաընկերությանը տված հարցազրույցից հետո ոչինչ ասել հնարավոր չէ: Նա նաեւ նշեց, որ չի պատրաստվում վատ բաներ ասել, շատ դրական է տրամադրված:

ՀԱԿ փոխնախագահ Լեւոն Զուրաբյանն իր խոսքում ընդգծեց, որ իրենք մեկ տարի առաջ անտեսանելի հեղափոխություն են արել, որը շուտով դառնալու է տեսանելի: Եվ ինչպես նրա ելույթի շարունակությունից պարզվեց՝ խոսքը 4+4+4 ձեւաչափով հանդիպումների արդյունքում Ընտրական օրենսգրքում ներմուծված մի շարք փոփոխությունների մասին էր: Մասնավորապես, ըստ Զուրաբյանի, ընտրությունների վրա հեղափոխական ազդեցություն են ունենալու ընտրողների ստորագրված ցուցակները հրապարակելու դրույթը, խոշոր տեղամասերում տեսախցիկների տեղադրումն ու ընտրողներին նույնականացնող էլեկտրոնային սարքավորումների առկայությունը:

«Շնորհիվ այդ միջոցառումների ընտրատեղամասերում ընտրակեղծարարություն ընդհանրապես հնարավոր չի լինի անել: Եվ այսօր այդ հեղափոխության շնորհիվ մեր երկրի ճակատագիրը գտնվելու է ձեր ձեռքերում...Եվ քանի որ քվեարկությունը գաղտնի է, ժողովուրդը կարող է իր քվեարկությամբ ապրիլի 2-ին հեղափոխություն կատարել մեր երկրում: Եվ ուրեմն, ես կոչ եմ անում մեր ժողովրդին. եկեք ապրիլի 2-ին կատարենք այդ հեղափոխությունը, եկեք քվեարկենք «Կոնգրես-ՀԺԿ» դաշինքի օգտին, որպեսզի մեր երկրում հաստատվի ժողովրդավարությունը, որ մեր շուրջը հաստատվի խաղաղություն: Ուրեմն մեկ տարի առաջ կատարված անտեսանելի հեղափոխությունը եկեք դարձնենք տեսանելի ամբողջ ժողովրդի համար»,- եզրափակեց Զուրաբյանը:

Կարճ ելույթով հանդես եկավ նաեւ ՀԺԿ ղեկավար Ստեփան Դեմիրճյանը. «Երկրի կայուն զարգացումն ապահովելու համար անհրաժեշտ է կարգավորել հակամարտությունները հարեւան երկրների հետ՝ իհարկե ոչ ի հաշիվ մեր ազգային արժանապատվության, եւ լուծել մեր ներքին խնդիրները, չեզոքացնել ներքին սպառնալիքները: Խաղաղության հաստատման հետ միասին պետք է իրականացվի երկրում արդարության հաստատման ծրագիր: Ապրիլի 2-ին մենք պետք է թույլ չտանք, որ պատահական մարդիկ կեղծիքով, կաշառքով հայտնվեն խորհրդարանում: Սա մեր երկրի ապագայի հարցն է, մեր երեխաների ապագայի հարցն է, ապրիլի 2-ին մենք հնարավորություն ունենք փոխելու իրավիճակը մեր երկրում եւ այդ հնարավորությունը մենք պետք է օգտագործենք»,- ասաց Դեմիրճյանը:

Այսքանով ելույթներն ավարտվեցին: Ազդարարելով «Խաղաղության երթ»-ի մեկնարկը՝ Արամ Մանուկյանը հավաքվածներին կոչ արեց դառնալ խաղաղության քարոզիչներ, եւ հիշել, որ իրենք ոչ միայն Հայաստանի Հանրապետության իշխանություններին են ստիպելու խաղաղություն, այլ նաեւ Ադրբեջանի իշխանություններին են ստիպելու խաղաղություն բերել տարածաշրջանին: «Հիշեք այս օրը եւ մոտ է լինելու խաղաղության հաստատումը տարածաշրջանում եւ մեր երկրում»,- հայտարարեց Մանուկյանը՝ կոչ անելով սկսել երթը:

Նշենք, որ երթն առաջնորդում էր բեռնատար մի մեքենա, որի վրա երաժշտական գործիքներով երիտասարդներն էին: Մեքենայի վրա ամրացված էին «Կոնգրես-ՀԺԿ» դաշինքի քարոզչական պաստառները:

Խաղաղության երթի անցկացումից հետո Կոնգրես-ՀԺԿ դաշինքն իր համախոհների հետ վերադարձավ Ազատության հրապարակ:

Ազատության հրապարակում ՀԱԿ պատգամավորի թեկնածու Լևոն Զուրաբյանը հայտարարեց, թե մի քանի արդյունք գրանցվեց: Դրանցից մեկը, ըստ նրա, այն էր, որ խաղաղության ծրագիրն աշխատում է:

«Խաղաղության ծրագիրն աշխատում է։ Հիշո՞ւմ եք, երբ սկսում էինք, մեր քաղաքական ընդդիմախոսներն ասում էին՝ այս մարդիկ գժվել են, գնում են քաղաքական ինքնասպանության, մենք շատ ավելի լավ կարծիքի էինք մեր ժողովրդի մասին և ճիշտ դուրս եկանք, որովհետև տրամաբանող մարդն այլ բան, քան մեր առաջարկած պլատֆորմը, չի կարող ընդունել»,- ասաց նա:

Լևոն Զուրաբյանը նշեց, թե հաջորդ արդյունքն է, որ ցույց տվեցին, որ իրենք ազատության հրապարակի ծնունդ են և միշտ էլ հավատարիմ են մնալու ազատության հրապարակին:

«Մենք միշտ ժողովրդի առաջ դրել ենք ամենակարևոր հարցերը»,-ասաց նա:

Հաջորդ արդյունքն, ըստ նրա, այն է, որ հրապարակի բազմահազարանոց մարդիկ ապացուցեցին, որ սոցիոլոգիական հարցումները դաշինքի վերաբերյալ սուտ են: Եվ, բացի դրանից, իր վերջին երկու հարցազրույցներով Լևոն Տեր-Պետրոսյանը կարողացավ քաղաքական իրավիճակը փոխել Հայաստանում:

Տպել
2594 դիտում

Նյու-Յորքում Նիկոլ Փաշինյանը հանդիպել է Ավստրիայի վարչապետ Սեբաստիան Կուրցի հետ

Երեւանի Արտաշիսյան եւ Հալաբյան փողոցների չկարգավորվող անցումներում վաղվանից լուսացույց կգործի

Հայտարարություն մրցույթի մասին

Կառավարության մոտ բողոքի ցույց անող վարորդների առաջարկը հանգեցնում է մրցութային պայմանների կոպիտ խախտման

Արա Բաբլոյանը Բեռնում հանդիպել է Շվեյցարիայի Ազգային խորհրդի նախագահի հետ

Քոչարյան ընտանիքը՝ ընդդեմ ՀՀ եւ չորրորդ իշխանության. հերքման եւ 2 միլիոն դրամի փոխհատուցման պահանջ

ՊԵԿ-ը թմրանյութի արտահանման խոշոր դեպք է բացահայտել. իրանցին փորձել է թմրամիջոցից պատրաստված քանդակներ առաքել Ավստրալիա

Նոր Հայաստանում ոստիկանական զորքերի թիվը շարունակում է գաղտնի պահվել

Բաղրամյան 26-ի դռների առջեւ ծառայություն է իրականցնում Պատվո պահակախումբը (տեսանյութ)

Մեսսին առաջին անգամ «լավագույն ֆուտբոլիստ» անվանակարգում քվեարկել է Ռոնալդուի օգտին

Հայաստանը ցանկանում է 2 լոգիստիկ կենտրոն ստեղծել Ռուսաստանում. դեսպան

Մխիթարյանը չի ապաքինվել. կարող է բաց թողնել «Արսենալի» խաղը

Արմեն Սարգսյանը հանդիպել է ՀՀ-ից հեռացած «Օրանժ» ընկերության գլխավոր տնօրենի հետ

Նոր ներկայացում Սունդուկյան թատրոնում, Խորեն Լեւոնյանը կմարմնավորի Սասունցի Դավթի կերպարը

Լոռու մարզում կտրուկ աճել է կոռուպցիայի գործով քրեական հետապնդումների ենթարկված անձանց թիվը. դատախազություն

Օսիպյանը սպայական կոչում է շնորհել ՊՊԾ գնդի իրադարձությունների ընթացքում զոհված ոստիկան Յուրի Տեփանոսյանի կնոջը

Պուտինն այցելում է Ադրբեջան. խորտակվող «Տիտանիկ»-ի մեծ մտրակն ու փոքր քաղցրաբլիթը

Արա Սաղաթելյանը մասնակցել է ԱԳ երկրների խորհրդարանների գլխավոր քարտուղարների աշխատանքային հանդիպմանը

Մենք պաշտպանել ու պահպանել ենք այն ամենը, ինչ մեզ բնորոշում է իբրեւ ազգ. Գարեգին Բ-ն՝ Նյու Յորքի «Մետրոպոլիտան»-ում

Մխիթարյանը քվեարկել էր Մոդրիչի, Վարդան Մինասյանը՝ Գրիզմանի օգտին