Ո՞ւմ պատվերն են գուժում սոցիոլոգները. ԱԺ ընտրությունների վերջին կանխատեսումները

Այսօր ապրիլի 2-ի խորհրդարանական ընտրությունների քարոզարշավի վերջին օրն է, եւ ընտրություններին մասնակցող ուժերն իրենց վերջին հանդիպումներն են անցկացնում ընտրողների հետ: Այսօր նաեւ սոցիոլոգներն են հրապարակելու իրենց վերջին կանխատեսումները, թե որ ուժերը ինչ հնարավորություն ունեն այդ ընտրություններում:

Նախընտրական քարոզարշավի մեկնարկի սկզբում Gallup-ի հայաստանյան ներկայացուցչության հարցման արդյունքում առաջատարը «Ծառուկյան» դաշինքն էր 26,4 տոկոս ձայներով, իշխող Հանրապետական կուսակցությունը նրան զիջում էր մոտ 4 տոկոսով՝ իր 22,8 տոկոս ձայներով: Հաջորդը «Ելք» դաշինքն էր, այնուհետեւ՝ ընդամենը 3 տոկոսի շեմը հաղթահարած «Դաշնակցություն» եւ «Ազատ դեմոկրատներ» կուսակցությունները: Բայց որոշ ժամանակ հետո Gallup-ը նոր սոցհարցումներ անցկացրեց ու առաջին երկուսի տեղերը փոխեց՝ ՀՀԿ-ին առաջ բերելով եւ 29,4 տոկոս տալով: ՀՀԿ-ի այս սրընթաց առաջանցումը պայմանավորում են Կարեն Կարապետյանի անձով, որը նույն սոցհարցումների համաձայն՝ 82 տոկոս վարկանիշ ունի: Իսկ թե ինչքանով են այս սոցհարցումներն ու թվերը ներկայացնում մեր հասարակության իրական պատկերը, դա անհայտ է: Հատկապես որ իշխող կարծիք կա, թե այդ սոցհարցումներն ու դրանց արդյունքները իշխանություններն են պատվիրում: Անգամ կարծիք կա, թե սոցիոլոգներն իրենք են զանգում քաղաքական ուժերին ու նրանց համար լավ վարկանիշ ցույց տալու համար գումար պահանջում: Ասում են անգամ, որ հավելյալ մեկ տոկոսը գնահատում են 2000 դոլար:

Ինչեւէ: Սոցիոլոգ Ահարոն Ադիբեկյանն այսօր է հրապարակելու իր սոցհարցումների վերջին արդյունքները, որտեղ նորից կրկնելու է, որ ՀՀԿ-ն առաջին տեղում է, «Ծառուկյան» դաշինքը՝ երկրորդ: Եվ նորից ասելու է, որ ՀՀԿ-ի այդ վերելքին նպաստել է Կարեն Կարապետյանն իր գեղեցիկ բարեմասնություններով՝ տեսքով, անկաշկանդ պահվածքով ու բառապաշարով եւ հզոր խոստումներով՝ յուրաքանչյուր մարզում մի քանի տասնյակ մլն դոլարի: Ակնհայտ է, որ նա իր վրա է գրավել կին ընտրողների ուշադրությունը, որոնք մեր ընտրական ռեգիստրում մեծամասնություն են կազմում: Եվ ՀՀԿ-ի ծրագրերն այդ առումով կարծես թե աշխատում են:

Ու քանի որ վաղը լռության օրն է, եւ ընտրությունների մասին հրապարակումներն ու հայտարարությունները չեն թույլատրվում, մենք փորձեցինք վերջին օրով մեզ հայտնի սոցիոլոգներից պարզել, թե ինչ կանխատեսումներ ունեն ապագա Ազգային ժողովի կազմի վերաբերյալ: Զրուցեցինք Ահարոն Ադիբեկյանի եւ Gallup-ի հայաստանյան ներկայացուցչության տնօրեն Արման Նավասարդյանի հետ: Իհարկե, երկուսի կարծիքով էլ առաջին երկու տեղերում ՀՀԿ-ն ու «Ծառուկյան» դաշինքն են: Նրանց հաջորդում է «Ելք» դաշինքը, որը սոցիոլոգների կարծիքով՝ խորհրդարան անցնելու խնդիր չունի: Ահարոն Ադիբեկյանը նաեւ տարանջատում է Երեւանի ու մարզերի ընտրազանգվածին, եւ եթե մայրաքաղաքում առաջատարը ՀՀԿ-ն է, ապա մարզերում՝ «Ծառուկյանը»: «Այստեղ խնդիրն այն է, թե համայնքային ձայներին ով է տիրություն անելու՝ ՀՀԿ-ի քաղաքապետե՞րը, թե Ծառուկյանի առաքյալները: Ինչ վերաբերում է մյուս ուժերին, ապա «Ելք»-ը, ՕՐՕ-ն, ՀՅԴ-ն ու «Հայկական վերածնունդը» կպայքարեն 3-րդ 4-րդ տեղերի համար: ՀՅԴ-ն ու ՀՎԿ-ն ունեն կառույցներ, սոցիալական բազա, նրանք մասնակցել են ՏԻՄ ընտրություններին, ավագանու անդամներ ունեն: Իսկ եթե այնպիսի իրավիճակ ստեղծվի, որ 5-րդ ուժն էլ մտնի ԱԺ, խաղի մեջ կմտնեն ՀԱԿ-ՀԺԿ դաշինքն ու «Ազատ դեմոկրատները»: Մյուսները շանսեր չունեն»,- ասում է Ահարոն Ադիբեկյանը:

Անդրադառնալով ԱԺ մտնելու հնարավորություն ունեցող ուժերին՝ Ադիբեկյանը տարբերակում է, որ երիտասարդների հիմնական մասը իր ձայնը տալու է ՀՀԿ-ին ու «Ծառուկյանին»: ՀՀԿ-ին կընտրեն այն երիտասարդները, որոնք ցանկանում են ուսխորհուրդներ մտնել, աշխատանքային կարիերա անել: Իսկ Գագիկ Ծառուկյանը ստանալու է նրանց ձայների մի մասը, քանի որ ուսանողներին ֆինանսավորելու, անվճար ավտոբուսներ տրամադրելու ծրագրեր է իրականացնում: Ընդ որում, ՀՀԿ-ին ընտրող երիտասարդների մեջ գերակշռում են բարձրագույն կրթություն ունեցողները, «Ծառուկյանին»՝ հակառակը: ՀՅԴ-ն ունի միջին՝ 39-59 տարիքի ընտրողներ, որոնց մեջ գերակշռում են տղամարդիկ եւ կրթական բարձր մակարդակ ունեցողները: «Ելքը», ըստ Ադիբեկյանի, մյուսների համեմատ նոր շունչ է բերում: «Մարդիկ արդեն հոգնել են ավանդական ուժերից, ընտրողը նման խնդիր էլ ունի, ինչը բարձրացնում է «Ելքի» հնարավորությունները: Նման խնդիրներ կան, որոնք ազդում են ընտրական տրամադրությունների եւ ընտրության արդյունքների վրա»,- ասում է նա:

Ադիբեկյանը նաեւ ընդգծում է ռեյտինգային թեկնածուների ինստիտուտը եւ հավելում, որ ընտրություններին մասնակցող ուժերի հաջողությունների մի զգալի մասը նրանք են ապահովում: «Ինչքան էլ Միհրան Պողոսյանին չսիրեն, Քանաքեռ-Զեյթունում նա որոշակի բարեգործական ծրագրեր է իրականացրել: Եվ այնտեղից նա ձայներ է տանելու, կապ չունի, թե որ կուսակցությանն է պատկանում»,- վստահ է սոցիոլոգը:

Ինչ վերաբերում է ՀԱԿ-ՀԺԿ դաշինքին ու նրա առաջնորդ Լեւոն Տեր-Պետրոսյանի առաջ քաշած խաղաղության կարգախոսին, ապա Ադիբեկյանի ներկայացմամբ՝ հարցվածների 83 տոկոսը ԼՂՀ հարցի լուծումը պատկերացնում է Արցախի անկախության ճանաչմամբ, 7 տոկոսը պատրաստ է փոխզիջումների: Եվ ՀԱԿ-ը հավակնում է ստանալ հենց այդ 7 տոկոսի ձայները:

Նշեցինք, որ ընտրությունների արդյունքների վերաբերյալ կանխատեսումների դեպքում կարծիք կա, որ դրանք հիմնականում իշխանություններն են պատվիրում: Ընդ որում, այնպիսի արդյունքներով են պատվիրում, որ դրանք համընկնեն իրենց պատկերացրած կամ ցանկացած արդյունքների հետ: Իսկ նախապես նման դասավորություն ներկայացնելով՝ մինչեւ ընտրությունների ավարտը հանրությանը սովորեցնում են այդ արդյունքներին: Արման Նավասարդյանը մեզ հետ զրույցում չցանկացավ ուղիղ պատասխանել այս դիտարկմանը: «Մենք, որպես անկախ սոցիոլոգիական կենտրոն, հարցումներ ենք անում, բայց եթե պատկերը դարձնում է այդպիսին, անկախ այն հանգամանքից, թե ինչ կարծիքներ կարող են լինել, մենք պարտավոր ենք դա հրապարակել: Կարող եք առաջնորդվել այլ հարցումներով՝ օրինակ, ՖԲ-ում: Յուրաքանչյուրը կարող է ընտրել այն աղբյուրը, որն արժանահավատ է համարում: Մենք հասկանում ենք, որ կա դժգոհություն իշխող կուսակցության նկատմամբ, բայց եթե չլիներ այդ դժգոհությունը, միգուցե ավելի բարձր՝ 80-90 տոկոս ստանար: Մենք 100 տոկոսանոց ճշմարտություն չենք ասում»,- ասաց Արման Նավասարդյանը:

Տպել
10340 դիտում

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից