Սա սենսացիոն պարտություն է մեզ համար. Շիրակի պարտված թեկնածուները «դիլխոր են»

Շիրակի մարզից առաջադրված եւ չընտրված պատգամավորները մեղմ ասած խորը ընկճախտի մեջ են կամ ինչպես վարչապետ Կարապետյանը կասեր՝ «դիլխոր են»:

Վերջիններս անցել են ընդհատակ, նրանց հետ կապ հաստատելը գրեթե անհնար է: Պարտված պատգամավորները, եթե պատասխանում էլ են հեռախոսազանգերին, ապա շատ տխուր եւ ընկճված ձայնով նշում են, որ խոսելու ցանկություն չունեն:

Armtimes.com-ը փորձեց խորհրդարանական ընտրության արդյունքների թեմայի շուրջ զրուցել ՀՀԿ-ական, ՀՀԿ-ի թիվ 11 ընտրատարածքի ռեյտինգային թեկնածու Սուքիաս Ավետիսյանի հետ, սակայն վերջինս հրաժարվեց: «Ես ցանկություն չունեմ այդ թեմայով խոսելու»,- տխուր ձայնով ասաց Ավետիսյանն, ով ՀՀԿ-ի համար ձեռք էր բերել մոտ 1140 քվե:

Գյումրիում ակտիվ խոսվում է, որ Հանրապետականի վերնախավը նրանից նման արդյունք չէր սպասում: Ամենայն հավանականությամբ, Սուքիաս Ավետիսյանը առանց պաշտոն է մնալու:

«Ես զբաղված եմ»,- այսպիսի հակիրճ պատասխան տվեց, եւ միանգամից ընդհատեց հեռախոսազանգը ՀՅԴ-ական փոխմարզպետ, նախկին ՀՀԿ-ական Խաչատուր Վարագյանը, երբ առաջարկեցինք խոսել իր ձեռք բերած 800 քվեի մասին: Ի դեպ, նա ՀՅԴ-ի վերնախավին խոստացել էր 8 հազար ձայն:

Պարտվածներից բավականին ուրախ էր նախկին ԲՀԿ-ական, ՀՀԿ-ի վարկանիշային թեկնածու Մուշեղ Պետոյանը:

«Ես հիմա միջոցառման եմ, հետո զանգեք՝ ուշոտ»,- ասաց  Պետոյանը:

Պարտությունը սենսացիոն են համարում «Հայակական վերածնունդ» կուսակցության թեկնածուները: Արթիկի ոստիկանության նախկին պետի եղբայր Հունան Պետրոսյանն, ով ՀՎԿ-ից ամենաշատ քվեներն էր ստացել Շիրակում, ընտրության արդյունքները այսպես մեկնաբանեց. «Չէինք սպասում, որ խորհրդարան չէինք անցնելու: Սա սենսիացիոն պարտություն է մեզ համար, բայց մարզում լավ էր, ես շատ ձայներ եմ ստացել»,- ասաց Հունան Պետրոսյանը:

Armtimes.com-ը փորձեց թեմայի վերաբերյալ լսել նաեւ Մարտուն Գրիգորյանի եւ Հովհաննես Մարգարյանի կարծիքները, սակայն նրանք ընդհանրապես չպատասխանեցին մեր հեռախոսազանգերին:

Հանրապետական կուսակցության մեր աղբյուրները փոխանցում են, որ ՀՀԿ-ի էլիտան Շիրակում պարտված իր թեկնածուների, մասնավորապես, Մարտուն Գրիգորյանի, Մուշեղ Պետոյանի եւ Սուքիաս Ավետիսյանի հետագա գործունեության վերաբերյալ վերջնական որոշում չի կայացրել: Այն պարզ կդառնա առաջիկա շաբաթ օրը:

Նարեկ Կիրակոսյան

Տպել
31870 դիտում

Չենք խոսի խորհրդարանական ամբիոններից, հազար ու մի հարթակ կա. Գեղամ Մանուկյանը՝ ՀՅԴ-ի պարտության մասին

Հրապարակվել է «Իմ քայլը» դաշինքի ռեյտինգային թեկնածուների ստացած ձայները՝ ըստ նվազման

ԼՂՀ անկախության հանրաքվեի եւ Սահմանադրության օրն է այսօր. Բակո Սահակյանի շնորհավորական ուղերձը

Մեղրի-Ագարակ ավտոճանապարհին բեռնատար ավտոմեքենայում հրդեհ է բռնկվել

Արձանագրվել է ենթադրյալ ընտրական հանցագործության 252 դեպք. 108-ով նախապատրաստվում են նյութեր.

Ընտրություններին ՔԿՀ-ներում մասնակցել է 56 կալանավորված անձ և դատապարտյալ

Վարդենյաց լեռնանցքը փակ է բեռնատարների, դժվարանցանելի՝ թեթև մարդատարների համար

Ինչպես էին Աննա Հակոբյանն ու Նիկոլ Փաշինյանը հետեւում ընտրությունների արդյունքներին

Հզո՛ր, հզո՛ր, հզո՛ր ժողովուրդ. Նիկոլ Փաշինյանը՝ ԱԺ ընտրությունների քվեարկությանն ի պատասխան

Առերևույթ ընտրախախտումների վերաբերյալ ՀՀ քննչական կոմիտեն ստացել է 51 հաղորդում

«Իմ քայլ»-ը ստացել է 70.43 %, ՀՀԿ-ն չի անցել շեմը. ԿԸՀ-ն հաշվել է 2010 տեղամասերի տվյալները

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով