«Ծառուկյան» դաշինքը եւս 1, ՀՀԿ-ն՝ 3 մանդատ կունենան ազգային փոքրամասնությունների հաշվին

ՀՀ-ում բնակվող ամենամեծ թվով ազգային փոքրամասնությունները 4 ներկայացուցիչ կունենան խորհրդարանում. եզդիները, քրդերը, ասորիները մեկական մանդատ կստանան ՀՀԿ-ից ցուցակով, ռուսները՝ «Ծառուկյան» դաշինքի:

Եզդի համայնքից խորհրդարան կանցնի Ռուստամ Մախմուդյանը, քրդական համայնքից՝ Կնյազ Հասանովը եւ ասորական համայնքից՝ Արսեն Միխայլովը: Ապրիլի 2-ի խորհրդարանական ընտրությունների արդյունքներով երկրորդ տեղը զբաղեցրած «Ծառուկյան» դաշինքի ցուցակով ԱԺ կանցնի ռուսական համայնքի ներկայացուցիչ Տատյանա  Միքայելյանը:

Մեր հարցերին պատասխանել է եզդի համայնքի ներկայացուցիչ, ԵՊՀ դոցենտ Ռուստամ Մախմուդյանը:

- Պարոն Մախմուդյան, եզդիական համայնքի ցուցակում առաջին տեղում եք: Վերցնելո՞ւ եք մանդատը:

- Էս պահին ենթադրելի է եւ տրամաբանական, որ մանդատն ինձ է հասնում: Մանդատն անպայման վերցնելու եմ: Ժողովուրդը եթե վստահել է՝ հուսախաբ չպիտի անենք:

- Ի՞նչ մտահոգություններ ունի համայնքը, որ Ազգային ժողովում հայտնվելով կուզենայիք բարձրաձայնել:

- Ի ուրախություն մեզ՝ բոլորիս, պիտի ասեմ, որ էս պահին մտահոգող առաջնային այդպիսի խնդիր չկա, որ անհամբեր գնանք խորհրդարան ու այդ հարցադրումը ներկայացնենք: Բայց դրա հետ մեկտեղ ես արձանագրել եմ մի շարք խնդիրներ. 1. սոցիալական խնդիրներ, որոնք համապետական նշանակություն ունեն, 2. եզդիների ցեղասպանության ՀՀ կողմից ճանաչելու հարցը: Այս երկրորդ հարցով փորձելու եմ մի փոքր ավելի ակտիվ լինել եւ նախաձեռնություն ցուցաբերել: Թե դա ինչպիսի հաջողություն կունենա՝ ես դեռ չգիտեմ, համենայնդեպս, ինձ համայնքը այդպիսի պահանջ ներկայացնում էր հանդիպումների ժամանակ:

- Դուք ՀՀԿ անդա՞մ եք:

- Ոչ, անկուսակցական եմ:

- Անդամագրվելո՞ւ եք ՀՀԿ-ին:

- Եթե ՀՀԿ-ն ունենար հանրապետականացման նպատակ՝ ինձ առաջադրելիս կասեր՝ եթե չես դառնում, չենք առաջադրում, որովհետեւ կուսակցության հայեցողական լիազորությունն է եղել ինձ առաջադրելը: Չնայած դրան՝ եթե որոշում ես համագործակցել մի ուժի հետ, ներկայացնել նրանց՝ նշանակում է որոշում ես քայլել նրանց հետ:

- Պարոն Մախմուդյան, Հայաստանում քանի՞ եզդի կա:

- Մոտ 40 հազար՝ ըստ մարդահամարի: Առհասարակ կարծեմ մինչեւ 50-60 հազար հասնում է, բայց հաշվի առնելով, որ արտագաղթը տարածվել ու վերաբերում է նաեւ եզդիական համայնքին՝ վերջին մարդահամարով 38-40 հազարի կարգի:

Հիշեցնենք, որ Սահմանադրության 89-րդ հոդվածի 2-րդ կետի եւ Ընտրական օրենգրքի համաձայն՝  կուսակցության, կուսակցությունների դաշինքի համապետական ընտրական ցուցակի 2-րդ մասում ընդգրկվում են ընտրությունների նախորդող վերջին մարդահամարի տվյալներով առավել մեծ թվով մշտական բնակչություն ունեցող առաջին չորս ազգային փոքրամասնության ներկայացուցիչները: Ցուցակի 2-րդ մասում պետք է ընդգրկված լինի ոչ պակաս, քան 2, եւ  ոչ ավելի, քան  4  ներկայացուցիչ: Իսկ 2011 թվականի մարդահամարի տվյալներով Հայաստանում ամենամեծ ազգային փոքրամասնությունը եզդիներն են՝ 35.308 հոգի, ռուսները շուրջ 12 000 են, ասորիների ու քրդերի թիվը գրեթե հավասար է՝ համապատասխանաբար 2.769 եւ 2.162։

Ընտրական օրենսգրքով խորհրդարանում կարող է լինել նվազագույնը 101 պատգամավոր, դրան գումարած 4 ազգային փոքրամասնության ներկայացուցիչ: ՀՀԿ-ն ստացել է 55+3 մանդատ, «Ծառուկյան» դաշինքը՝ 30+1 մանդատ, «ԵԼՔ»-ը՝ 9 մանդատ, ՀՅԴ-ն՝ 7 մանդատ:

Տպել
19532 դիտում

ՔԿ-ն ստեղծել է աշխատանքային խումբ՝ Երևանի ավագանու ընտրություններին խախտումների մասին ահազանգերի համար

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը