Ես գնալու եմ Ազգային ժողով, չեմ հրաժարվում մանդատից. Ցոլակյանը՝ ԱԺ, Պետոյանը՝ նախագահակա՞ն

Այսօր տեղի է ունենալու ՀՀԿ-ի Գործադիր մարմնի նիստը, որի ժամանակ տրվելու են շատ հարցերի պատասխաններ: Մասնավորապես, հստակեցվելու է, թե ընտրված պատգամավորներից ովքեր են գնալու Ազգային ժողով եւ ովքեր են հրաժարվելու պատգամավորական մանդատներից՝ այլ պաշտոններ ստանալու նախապայմանով: Քննարկվելու է նաեւ թե ի՞նչ «խրախուսական մրցանակների» են արժանանալու այն թեկնածուները, ովքեր չեն հաղթահարել անցողիկ շեմը, բայց կուսակցության հաշվին բավականին ձայներ են ավելացրել:

Ապրիլի 2-ին կայացած խորհրդարանական ընտրության  նախնական արդյունքները պարզ լինելուց անմիջապես հետո քննարկվեց, որ թիվ 11 ընտրատարածքում ռեյտինգային ընտրակարգով ընտրված Ֆելիքս Ցոլակյանը հրաժարվելու է պատգամավորական մանդատից: Շրջանառվեցին տեղեկություններ, որ նրան գործադիրում նոր պաշտոն են առաջարկելու. հավանական տարբերակ էր համարվում որեւէ նախարարի պորտֆելը:

Մի կողմից թվում է, թե ՀՀԿ-ն իսկապես կգնա այս քայլին եւ Ֆելիքս Ցոլակյանին նոր պաշտոն կառաջարկի: Եթե Ցոլակյանը այլ բարձր պաշտոն զբաղեցնի, ապա պատգամավորական մեկ մանդատ թափուր կմնա, որը ՀՀԿ-ն կարող է «լավություն անել» այն թեկնածուներին, ովքեր բարձր թվեր են բերել, բայց դուրս են մնացել ԱԺ-ից:

Շիրակի մարզում այդ մանդատը կարող է բաժին հասնել Մարտուն Գրիգորյանին, քանի որ ռեյտինգային ցուցակով նա հաջորդն է, ով ունի առավել ձայներ՝ ԱԺ գնալու համար: Սակայն, ինչպես մեր աղբյուրներն, այնպես էլ Ֆելիքս Ցոլակյանը armtimes.com-ի հետ զրույցում նշեց, որ մտադրություն չունի իր մանդատից հրաժարվել:

«Ես գնալու եմ Ազգային ժողով, չեմ հրաժարվում իմ մանդատից: Ինձ որեւէ պաշտոն չի առաջարկվել»,- armtimes.com-ի հետ զրույցում նշեց Ցոլակյանը:

Եթե Ցոլակյանը չհրաժարվի իր մանդատից, ապա թափուր է մնում նախագահի վերահսկողական ծառայության ղեկավարի պաշտոնը: Սրա հետ կապված ՀՀԿ-ականների շրջանում պտտվում են լուրեր, որ պաշտոնը «լավ աշխատանքի» համար բաժին է հասնելու Մուշեղ Պետոյանին: Armtimes.com-ի աղբյուրների փոխանցմամբ՝ Սերժ Սարգսյանը Մուշեղ Պետոյանից շատ գոհ է: Հիշեցնենք, որ Պետոյանը հավաքել է 9 հազար եւ ավելի քվե:

Սրան զուգահեռ էլ դիտարկենք մի փաստ, որ նախագահի վերահսկողական ծառայության պաշտոնը 2016 թվականի ՏԻՄ ընտրությունների նախաշեմին Սերժ Սարգսյանը խոստացել էր Արթիկի նախկին քաղաքապետ Արսեն Աբրահամյանին: Այս պաշտոնի դիմաց Աբրահամյանը հրաժարվեց եւս մեկ անգամ առաջադրվել՝ քաղաքապետի պաշտոնը զբաղեցնելու համար: Քաղաքապետի պաշտոնին տեր դառնալու համար ՀՀԿ-ի էլիտայի կողմից Արթիկ էր գործուղվել հենց Մուշեղ Պետոյանը:

Այս թեմայի շուրջ փորձեցինք զրուցել նաեւ Մուշեղ Պետոյանի հետ: Սակայն նա համառորեն չպատասխանեց մեր հեռախոսազանգերին, իսկ հետո դարձավ անհասանելի:

Չի բացառվում, որ նախագահի վերահսկողության ծառայությունում Արսեն Աբրահամյանը եւ Մուշեղ Պետոյանը դառնան ծառայության ղեկավար եւ տեղակալ: Սակայն, 2018 թվականին, երբ կլրանա Սերժ Սարգսյանի պաշտոնավարման ժամանակը, այդ պաշտոնը նախագահի պորտֆելի նման չի ունենալու այն «դոզան», ինչ ունի ներկայում:

Նարեկ Կիրակոսյան

Տպել
25288 դիտում

Անհավանական պատմություն, հրաշալի մարդիկ. Դմիտրի Դիբրովի կինը կիսվել է դեպի ՀՀ ճամփորդության տպավորություններով

Քրեական հեղինակություն Արտյոմ Կանեւսկոյը 20 միլիոն դրամ գրավի դիմաց ազատ է արձակվել

Ղրիմի Կերչ քաղաքում պայթուցիկ սարք է գործի դրվել. զոհվել է 10, վիրավորվել՝ մոտ 50 մարդ (տեսանյութ, լուսանկարներ)

Ռաֆայել Ավետիսյանը նշանակվել է ՀՀ քաղաքաշինության կոմիտեի նախագահի տեղակալ

«Արեգակ»-ի ներկայացուցիչը 20-25 հոգու անունով վարկեր է վերցրել ու մեկնել Մոսկվա. քաղաքացիները՝ սեւ ցուցակում

Մենք դադարեցման որոշում չենք կայացրել, մենք հաշվարկել ենք բնության վնասները. Վ. Պեպանյան

Քաղաքացին դիմում է վարչապետին՝ իր խնդրի լուծման համար. շոշափվում է Սեյրան Օհանյանի անունը

Կոտայքի մարզի մի շարք գյուղերի բնակիչներ ճանապարհ էին փակել. մարզպետը լուծեց խնդիրը

ՀՖՖ-ն գիտակցում է կազմակերպչական թերությունները, պատրաստվում է ուղղել. Նիկողոսյան

Զինվորին ուղղված նամակները փակված են եղել արկղերի հետ, Մանվել Գրիգորյանը դրա հետ որեւէ կապ չունի. պաշտպան

«Սուրբ Գրիգոր Լուսավորիչ» ԲԿ-ում ստուգումների ծավալն ընդլայնվել է. այլ ԲԿ-ներում եւս ստուգում է

ԿԳ նախարարը եւ ԵՄ հանձնակատարը քննարկվել են ՀՀ գիտության կառավարման արդյունավետության հարցերը

Նորանշանակ դատավորները երդվել են Արմեն Սարգսյանի ու Գագիկ Հարությունյանի ներկայությամբ

Փաշինյանն Արմավիրում մասնակցելու է «Իմ քայլը» դաշինքի քաղաքապետի թեկնածուի նախընտրական հանրահավաքին

Այսբերգի երեւացող կողմն է․ Փաշինյանը ներկայացրել է սպորտի նախարարի պաշտոնակատար Գաբրիել Ղազարյանին

Բուռն քարոզարշավ Կապանի քաղաքապետի արտահերթ ընտրություններից առաջ. կրիմինալը՝ ընդդեմ ՔՊ-ական թեկնածուի՞

Մենք լավագույնն անում ենք սիրիահայերի ինտեգրման համար. Մխիթար Հայրապետյան

Սերժ Սարգսյանը շատ հարգանքով է ընդունել իմ որոշումը. Կոստանյանը Փաշինյանին գովելուց հետո հանդիպել է Սարգսյանին

Ազգային ժողովում Մարտի 1-ի զոհերի հարազատներին փոխհատուցելու օրենքի նախագիծը չքննարկվեց

Վրացական «Իբերիա» հեռուստաընկերությունը դադարեցրել է հեռարձակումը. մեղադրում են կառավարությանը