Ո՞ր կուսակցությունները կմասնակցեն Երևանի ավագանու ընտրություններին. «Ելքի» շանսերը

Երեւանի ավագանու ընտրությունների առաջադրումներին ընդամենը երկու օր է մնացել՝ վերջնաժամկետը ապրիլի 9-ն է, բայց դեռ քաղաքական ուժերը չեն հստակեցրել իրենց մասնակցել-չմասնակցելու հարցը:

Առայժմ հայտնի է, որ Հանրապետական կուսակցությունը կմասնակցի, ու երեկ երեկոյան ՀՀԿ գործադիր մարմնի նիստից հետո կուսակցության խոսնակ Էդուարդ Շարմազանովը հայտարարեց, որ քաղաքապետի իրենց թեկնածուն կրկին Տարոն Մարգարյանն է լինելու: Կմասնակցի նաեւ «Ելքը», հատկապես որ այդ մասնակցության որոշումն ամրագրված էր դաշինքի կազմավորման վերաբերյալ դեկտեմբերի 12-ին արած հայտարարության մեջ: Բացի այդ, ապրիլի 2-ի խորհրդարանական ընտրություններում «Ելքը» 7,7 տոկոս ձայն ստացավ ու վեցերորդ գումարման Ազգային ժողովում դարձավ երրորդ ուժը: Իսկ մյուս ուժերը դեռ այդ մասին որոշում չեն կայացրել:

Խոսքը մասնավորապես «Ծառուկյան» դաշինքի եւ Դաշնակցություն կուսակցության մասին է: Եթե ապրիլի 2-ի ընտրություններում պարտված կուսակցությունների ու դաշինքների հապաղելու պատճառը հասկանալի է՝ նրանք այդ պարտությունից հետո դժվար թե ցանկանան այլ ընտրությունների մասնակցել ու նորից պարտվել, ապա տրամաբանական է, որ «Ծառուկյան» դաշինքն ու ՀՅԴ-ն մասնակցեն: Հատկապես «Ծառուկյան» դաշինքը, որի հիմնական ուժ հանդիսացող «Բարգավաճ Հայաստան» կուսակցությունը հիմա էլ Երեւանի ավագանու կազմում խմբակցություն ունի, որը ՀՀԿ-ից հետո նորից երկրորդն է: Բայց այս դեպքում էլ կարծես թե խնդիրներ կան: Թվում է, թե այդ ուժը առայժմ չի կողմնորոշվում քաղաքապետի իր թեկնածուի հարցում: Ճիշտ է, փետրվարի 16-ին, երբ դաշինքը ԿԸՀ էր ներկայացնում ԱԺ ընտրությունների նախընտրական ցուցակը, եւ այնտեղ չկար Արման Վարդանյանի անունը, պատգամավոր Նաիրա Զոհրաբյանը հայտարարեց, թե Երեւանի ավագանու ընտրություններում հենց նա է գլխավորելու իրենց համամասնական ցուցակը: Վարդանյանը «Միասնություն» շարժման ղեկավարն էր, որը մինչ այդ տարատեսակ ակցիաներով նախապատրաստում էր Գագիկ Ծառուկյանի վերադարձը: Երեկ մեզ հետ զրույցում Արման Վարդանյանը չցանկացավ անդրադառնալ այդ հարցին՝ ասելով, թե այդ հարցով դեռ քննարկումներ չեն եղել:

Մինչդեռ դաշինքով պատգամավոր ընտրված Վարդան Բոստանջյանը երեկ երեկոյան ասաց, թե իր տեղեկություններով գործընթացը սկսվել է: «Ես նոր իմացա, որ ավագանու ընտրությունների նախընտրական ցուցակում ընդգրկվող թեկնածուներն արդեն համապատասխան փաստաթղթերն են պատրաստում: Բայց ավելի տեղեկություն չունեմ, թե ովքեր են այդ թեկնածուները, կամ ով է գլխավորելու ցուցակը»,- ասաց նա:

Ավելի ուշ մամուլում տեղեկություն հրապարակվեց, որ «Ծառուկյան» դաշինքը չի մասնակցելու Երեւանի ավագանու ընտրություններին, քանի որ քաղաքապետի լուրջ թեկնածու չունի: Այդ հրապարակումից ժամեր անց էլ դաշինքը պաշտոնապես որեւէ հայտարարություն չարեց՝ ոչ հերքեց, ոչ էլ հաստատեց այդ լուրը:

Ինչ վերաբերում է «Դաշնակցությանը», ապա այդ կուսակցության Գերագույն մարմնի անդամ Հրաչ Թադեւոսյանն էլ փոխանցեց, որ Երեւանի ավագանու ընտրություններին մասնակցելու հարցը քննարկելու են այսօր:

Ամեն դեպքում, եթե «Ծառուկյան» դաշինքը որոշի մասնակցել ընտրություններին ու նրա ցուցակը Արման Վարդանյանը գլխավորի, դա կնշանակի, որ նրանք գնում են նորից երկրորդ տեղը զբաղեցնելու եւ ոչ թե հաղթելու ակնկալիքով: Վարդանյանն այն քաղաքական դեմքը չէ, որ Երեւանի ավագանու ընտրություններում Տարոն Մարգարյանի մրցակիցը լինի: Երեւանի ավագանու 2009 եւ 2013 թվականների ընտրություններին ԲՀԿ-ի թեկնածուներն էին Հարություն Քուշկյանն ու Վարդան Օսկանյանը: Եվ եթե նրանց պարագայում դա չստացվեց, այս անգամ իրավիճակը ավելի բարդ է: Ամեն դեպքում՝ Երեւանի ավագանու ընտրություններին մասնակցելու պարագայում այդ ուժը լավագույն դեպքում նորից երկրորդ տեղը կզբաղեցնի:

Ասում ենք՝ լավագույն դեպքում, քանի որ խորհրդարանական ընտրությունների արդյունքում հասկանալի դարձավ, որ այդ դաշինքի հնարավորությունները որոշակի առումով մեծ են մարզերում, նույն հնարավորությունները նա չունի Երեւանում: Խորհրդարանական ընտրություններում «Ծառուկյան» դաշինքը Երեւանում ստացել էր 104 հազար ձայն՝ երեք անգամ քիչ, քան մարզերում էր ստացել: Բացի այդ, խորհրդարանական ընտրություններին դաշինքը գլխավորում էր Գագիկ Ծառուկյանն ինքը, եւ հաջողության առյուծի բաժինը նրա անվանն է վերագրվում: Երեւանի ավագանու նախընտրական ցուցակը դժվար թե նա գլխավորի: Այդ դեպքում արդեն դաշինքի շանսերը լուրջ նվազում են:

Երեւանի ավագանու կազմում «Բարեւ Երեւան» խմբակցությունը ներկայացնող «Ժառանգություն» կուսակցությունը ՕՐՕ դաշինքի կազմում ապրիլի 2-ի ընտրություններին պարտություն կրեց: ՕՐՕ-ի շտաբի ղեկավար Արմեն Մարտիրոսյանը նախօրեին անդրադառնալով այդ հարցին՝ ասել էր, որ դեռ քննարկումներ են անցկացնում: Բայց նաեւ հավելել էր, թե իր կարծիքով ճիշտ չէ մասնակցելը: Իսկ ստեղծված իրավիճակում եւ գրանցած հաղթանակի արդյունքում մեծանում են «Ելք» դաշինքի հնարավորությունները: «Ելքն» առայժմ քաղաքական գործընթացներում վերելքի մեջ է:

Իհարկե, «Ելքի» դեպքում նույնպես կարեւոր է այն հանգամանքը, թե ով է լինելու քաղաքապետի նրանց թեկնածուն: Բնականաբար, ուժեղ թեկնածուի առկայությունը խիստ կարեւոր է լինելու եւ լրացուցիչ հաջողություններ է բերելու: «Ելքը» ՀՀԿ-ի տիրապետած վարչական ու ֆինանսական ռեսուրսների արդյունքում կարող է ընտրություններում երկրորդ տեղը գրավել: Առայժմ շրջանառվում է դաշինքի երեք առաջնորդներից Նիկոլ Փաշինյանի անունը, քանի որ երեքից հենց նա ունի Երեւանի գրանցում: Երեկ մինչեւ ուշ երեկո «Ելքը» նույնպես որեւէ մեկնաբանություն չտվեց: Բայց այդ դաշինքը հավանաբար քննարկում է ստեղծված իրավիճակը, գնահատում իր հնարավորություններն ու եթե ոչ այսօր, ապա վաղը կհայտարարի, թե Երեւանի ավագանու ընտրություններում ով է գլխավորելու իր նախընտրական ցուցակը:

Տպել
5522 դիտում

Նախագահը շնորհավորական ուղերձ է հղել Բահրեյնի Թագավոր Համադ Բին Իսա Ալ Խալիֆային

Մեկնարկել է «Ներուժ» ծրագիրը. նախարարի համար սա ուժեղ Հայաստան ու Սփյուռք ունենալու առաջին քայլն է

Ուկրաինաբնակ Արտյոմ Դալաքյանը պաշտպանել է աշխարհի չեմպիոնի տիտղոսը (տեսանյութ)

Այս Ամանորին ռուսաստանցի զբոսաշրջիկների համար առաջին տեղում Հայաստանն է. Ն. Փաշինյանի կարծիքով՝ տուրիստական բում կլինի

Երևանում՝ Արգիշտի փողոցում, բախվել են մեքենան ու թիվ 74 երթուղու «Գազելը». կա 7 վիրավոր

Վրաստանին ու նոր նախագահին առաջիկա տարիներին հաջողություններ եմ մաղթում. Արմեն Սարգսյան

Արթուր Բաղդասարյանը հեռանում է քաղաքականությունից, խոստանում է վերադառնալ՝ հենց ժողովուրդն ուզի

Գողություն Մակարավանքից. հափշտակել են արծաթե մոմակալներն ու հանգանակության գումարը

Վրաստանի առաջին կին նախագահը երդվեց՝ ի հեճուկս ընդդիմության բողոքի ակցիաների

Վաղը երեկոյան ժամերից սպասվում են տեղումներ, մառախուղ, ձյուն, ջերմաստիճանը կնվազի

Վրացական ընդդիմությունը բողոքի ցույցով հասել է Թելավի, ոստիկանությունը փակել է ճանապարհը (տեսանյութ)

Վրաստանում տեղի ունեցավ Սալոմե Զուրաբիշվիլիի երդմնակալության արարողությունը (տեսանյութ)

Գիշերը ժամը 03:00-ին մեքենա է ընկել Արփա գետը, 2 հոգի հիվանդանոցում են

«Իմ քայլը» կստանա 88 մանդատ, ԲՀԿ-ն՝ 26, «Լուսավոր Հայաստան»-ը՝ 18. ԿԸՀ-ն բաշխեց մանդատները

Խանջյան փողոցում մահվան ելքով վրաերթի մասնակից «Սպիտակցի Հայկոն» ստորագրությամբ բաց է թողնվել

Երևանում զենքի սպառնալիքով առևանգել են ոստիկանության Արմավիրի վարչության պետի եղբոր տղային

Արմեն Սարգսյանը շնորհավորական ուղերձ է հղել Ղազախստանի նախագահ Նուրսուլթան Նազարբաևին

Կաթողիկոսն ընդունել է «Լուսավոր Հայաստան» կուսակցության խորհրդարանական խմբակցությանը

«Իմ քայլը» ստացել է քվեների 70.42%-ը, ԲՀԿ-ն՝ 8.26%-ը, «Լուսավոր Հայաստանը»՝ 6.37%-ը. վերջնական

Վլադիմիր Պուտինն իրականացրել է 14-ամյա Արտյոմի երազանքը, տղան տպավորված է