««Դոլմաման» էլ, հարակից շենքերն էլ չեն քանդվելու. ժամանակները փոխվել են». սեփականատեր

Երեւանի ամենահին եւ էլիտար ռեստորաններից մեկը համարվող «Դոլմամա»-ն եւ հարակից շենքերը քանդելու իշխանությունների որոշումը դատական կարգով շարունակում է վիճարկվել: Չնայած սրան՝ «Դոլմամա»-ն շարունակում է աշխատել: Ավելին՝ ռեստորանի սեփականատեր Ժիրայր Ավանյանը վստահ է՝ ոչ ռեստորանը, ոչ էլ հարակից շենքերը չեն քանդվելու: Թե ինչով է պայմանավորված նրա վստահությունը՝ փորձեցինք պարզել մեր զրույցի ընթացքում:

- Պարոն Ավանյան, ռեստորանը շարունակո՞ւմ է աշխատել, դեռ քանդման որեւէ պրոցես չի՞ սկսվել:

- Իհարկե, իհարկե, եւ մենք աշխատում ենք այստեղ եւ մնալու ենք եւ բոլոր շենքերն էլ մնալու են: Ինչքան ես կարող եմ ինձ թույլ տալ ասել՝ ասում եմ:

- Ինչո՞վ եք վստահ: Դատական պրոցեսը հօգուտ ձե՞զ է ընթանում:

- Չէ, չէ, դատն այնպես դանդաղ է ընթանում, թվում է 10 տարի հետո է վերջանալու:

- Իսկ ինչո՞ւ եք վստահ:

- Դե եթե վստահ չլինեի՝ չէի ասի:

- Պայքարելո՞ւ եք այդ որոշման դեմ:

- Հա, ինքը նորմալ պայքար է:

- Մտավախություն չկա՞, որ մի օր կորոշեն ու կքանդեն:

- Դե որոշումը կա, եթե քանդեին, կքանդեին:

- Ինչ-որ պայմանավորվածությո՞ւն ունեք քաղաքապետարանի կամ իշխանությունների հետ:

- Դեռ չէ: Չէ, չէ, չէ: Ուղղակի կարծում եմ, որ ժամանակները փոխվել են:

- Իսկ իշխանությունները, որոնք նմանատիպ այլ շենքեր են քանդել, չեն փոխվել:

- Դե պարզվում է, որ այլեւս չի կարելի:

- Դո՞ւք եք դա ենթադրում:

- Այո:

Հիշեցնենք, որ դեռ 2013 թվականին Կառավարության որոշմամբ Աբովյան-Պուշկին-Սախարով հրապարակ եռանկյունի տարածքը ճանաչվել է բացառիկ գերակա հանրային  շահ: «Լոկալ Դեվելոփերս» ընկերության սեփականատեր Սամվել Մայրապետյանը շահել էր Կառավարության հայտարարած տենդերը եւ պատրաստվում էր շուրջ 100 տարվա պատմություն կրող շենքերի տեղում բազմաֆունկցիոնալ կառուցապատում իրականացնել: «Լոկալ Դեվելոփերս» ընկերությունը հայց էր ներկայացրել ընդդեմ «Դոլմամա» ռեստորանի հիմնադիր Ժիրայր Ավանյանի՝ պահանջելով հանձնել տարածքը եւ հեռանալ:

2016-ի վերջին տեղեկություններ էին տարածվել, որ կտրուկ վատացել է Սամվել Մայրապետյանի առողջական վիճակը: Նա «Հերացի» թիվ 1 համալսարանական հիվանդանոցում վիրահատության էր ենթարկվել, այնուհետեւ պետք է տեղափոխվեր Գերմանիա՝ բուժումը շարունակելու: Հավանաբար հենց սրանով էլ պայմանավորված է Երեւանի կենտրոնի կառուցապատման այս հերթական ծրագրի չեղարկումը:

Տպել
2559 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ