Ֆրանսիայի նախագահի առաջատար թեկնածուն Արցախը անվանել է Ադրբեջանին նվիրված հայկական տարածք

19/04/2017 schedule15:00

Ֆրանսիայի նախագահի առաջատար թեկնածու Ֆրանսուա Ֆիյոնը առաջին անգամ հրապարակավ իր տեսակետն է հայտնել Արցախի հիմնախնդրի վերաբերյալ: Nouvelles d’Arménie ամսագրին տված հարցազրույցում Արցախը անվանել է Ստալինի կողմից Հայաստանից պոկված եւ Ադրբեջանին նվիրված տարածք եւ Ադրբեջանին մեղադրել հայկական երկրորդ պետությունը զավթելու փորձի մեջ: Նա նշել է, որ ինչպես ֆրանսահայերը, այնպես էլ ինքը անհանգստացած են Արցախում տիրող իրավիճակով: «2016 թվականի ապրիլին Հարավային Կովկասում կրկին պայթյուն էր: Միջազգային հանրության անտարբերության պայմաններում Ադրբեջանը փորձեց ուժի միջոցով խլել Լեռնային Ղարաբաղը: Մահաբեր հարձակումն ավարտվեց անկայուն հրադադարի ռեժիմի հաստատմամբ»,- ասել է Ֆիյոնը, ապա շարունակել,- «Իրավիճակը պայթյունավտանգ է նաեւ այսօր: Լեռնային Ղարաբաղը վառոդով լի տակառ է տարածաշրջանում: Չպետք է մոռանալ, որ Լեռնային Ղարաբաղի հիմնահարցը ծագել է Ստալինի պատճառով, որը 1921 թվականին կամովին այն պոկել է Հայաստանից եւ նվիրել Ադրբեջանին: Հիմա այլ տարբերակ չկա, քան հիմնախնդիրը լուծել խաղաղ ճանապարհով»:

Ֆրանսուա Ֆիյոնը անդրադարձել է նաեւ Հայոց ցեղասպանության թեմային: «Չպետք է մոռանալ ցեղասպանության զոհերին: Ցեղասպանության հետեւանքով Փոքր Ասիայում հայերը անհետացել են: 1.5 միլիոն հայ է ոչնչացվել»,- նշել է նախագահի թեկնածուն՝ խոստանալով ընտրվելու դեպքում ամեն տարի ապրիլի 24-ին ֆրանսահայերի հետ միասին ոգեկոչել Հայոց ցեղասպանության զոհերի հիշատակը:

Այն, որ Ֆրանսիայի նախագահները կամ նախագահի թեկնածուները ընտրություններից առաջ հանդես են գալիս Հայոց ցեղասպանության ճանաչմանը նպաստելու, այն քրեականացնելու եւ այլ նման խոստումներով ու հավաստիացումներով, նորություն չէ: Սակայն սա առաջին դեպքն է, որ Ֆրանսիայի նախագահի թեկնածուն հանդես է գալիս արցախյան հիմնախնդրի վերաբերյալ արդարացի գնահատականներով եւ հայանպաստ դիրքերից:

Իհարկե, չպետք է հաշվի չառնել, որ Ֆրանսիայում ապրիլի 23-ին կայանալու են նախագահական ընտրություններ եւ Ֆիյոնի վերը նշված գնահատականների դրդապատճառը մոտ կես միլիոն ֆրանսահայերի համակրանքը շահելը կարող է լինել: Այնուամենայնիվ, անկախ նրանից, թե ինչ մղումներով է դա արվում, ինքնին կարեւոր է, որ Ֆրանսիայի նախագահի թեկնածուն եւ հնարավոր է՝ հաջորդ նախագահը արձանագրում է, որ Արցախը Հայաստանից պոկված եւ Ադրբեջանին նվիրված հայկական տարածք է, որը Ադրբեջանը փորձում է ուժով հետ վերցնել: Դա կարեւոր է, եթե նույնիսկ նկատի առնենք, որ նախագահ դառնալու դեպքում Ֆրանսուա Ֆիյոնը, ամենայն հավանականությամբ, կխուսափի նույն ձեւակերպումներից եւ ավելի չեզոք դիրքերից հանդես կգա:

Հարկ է նշել, որ Ֆրանսուա Ֆիյոնի հարցազրույցը բավական մեծ աղմուկ է հանել Ադրբեջանում: Ադրբեջանական լրատվամիջոցները իսկական թունոտ արշավ են ծավալել նախագահի թեկնածուի դեմ՝ միաժամանակ հույս հայտնելով, որ նա չի ընտրվի:

Տպել
23648 դիտում

ՀԱՅԲԻԶՆԵՍԲԱՆԿ-ն արժանացել է THOMSON REUTERS-Ի մրցանակին

Պաղեստինի նախագահը խզել է Իսրայելի հետ բոլոր կապերը

Ռուսաստանի ռազմական նավերը մտել են Ադրբեջանի տարածքային ջրերը

Ջուր չի լինի

Եվրամիությունը հորդորում է ԱՄՆ-ին համաձայնեցնել ՌԴ-ի և Իրանի դեմ նոր պատժամիջոցները

Կանխատեսվում է մինչեւ +38...+40 աստիճան տաքություն

Ողբերգական դեպք Տեխասում. բեռնատարի կցորդում հայտնաբերվել են ութ ներգաղթյալների դիեր

Դուման-Բարբյուս փողոցների խաչմերուկում այրվում է երկհարկանի տուն. ահազանգ

Պետք չէ մեղադրել ՌԴ-ին Քլինթոնի պարտության մեջ. ԱՄՆ սենատում դեմոկրատների առաջնորդ

Հայտնաբերվել է կրտսեր սերժանտի դին՝ կախված վիճակում. ՀՀ ՊՆ

Վթար՝ Գյումրի քաղաքում. կա տուժած

ՕՊԵԿ-ը հույս ունի, որ նավթի միջազգային գները կաբարձրանան

Թուրքական բանտից փախած հայ մտավորականը պատմել է բանտում անցկացրած օրերի մասին

Վարդավառի տոնին զվարճանքին մասնակցել են նաև մայրաքաղաքի հյուրերը (լուսանկարներ)

Էդվարդ Նալբանդյանը և Բակո Սահակյանը քննարկել են ԼՂ հակամարտության կարգավորման հարցը

Էրդողանը քննադատել է մուսուլմանական սրբավայրերի մուտքը սահմանափակելու Իսրայելի որոշումը

Սեւանից ջրառը գյուղացու հոգսը չի թեթևացնում, պետք է լուծել առկա խնդիրները. բնապահպան

Սանկտ Պետերբուրգում առատ կարկուտից հետո փողոցներում դժվարացել է տեղաշարժը (ՏԵՍԱՆՅՈՒԹ)

Երեւանում վերելակի ճոպանները պոկվել են. ներսում քաղաքացիներ են եղել

Վաղը Երեւանում եւ մարզերում լույս չի լինի