5 մլն դրամ՝ 3 տարի ծառայող զինվորին. նախարարը ներկայացրեց «Պատիվ ունեմ», «Ես եմ» ծրագրերը

Երեւանի Կարեն Դեմիրճյանի անվան մարզահամերգային համալիրում այսօր մեկնարկած «Ազգ-բանակ 2017» համաժողովի շրջանակներում ՀՀ պաշտպանության նախարար Վիգեն Սարգսյանը հանրային քննարկման ներկայացրեց երկու ծրագիր՝ «Պատիվ ունեմ» եւ «Ես եմ» անվանումներով:

Սկսելով «Պատիվ ունեմ» ծրագրից՝ նախարարն ասաց, որ դրա նպատակը բուհական տարկետումը ապագա սպայական ծառայության հետ շաղկապելն է:

«Բուհական տարկետում ստանալու հնարավորություն վերապահել այն երիտասարդներին, որոնք բակալավրատն ավարտելուց հետո որոշում են ոչ թե 2 տարի չվճարվող շարքային ժամկետային ծառայություն անցնել, այլ երեք տարվա վճարվող սպայական նշանակում ստանալ եւ իրենց գիտելիքները լիարժեք կարողանան կիրառել մեր հասարակության կարիքների համար:

Ինչպե՞ս եմ պատկերացնում դրա իրականացումը: 1-ին կուրս ընդունվելուց հետո արական սեռի ուսանողները հնարավորություն ունեն դիմելու եւ մի շարք պայմանների բավարարման դեպքում (առողջական վիճակ, ֆիզիկական պատրաստություն, հոգեբանական թեստավորման համապատասխան փուլ եւ գիտելիքների նվազագույն շեմ) յուրաքանչյուր շաբաթ օր 2-րդ կուրսից մինչեւ 4-րդ կուրսի առաջին կիսամյակ գնալ Վազգեն Սարգսյանի անվան ռազմական համալսարան, ստանալ այն բոլոր հմտությունները, որ անհրաժեշտ են դասակի հրամանատարի պարտականություններ կատարելու համար:

Բարեհաջող պետական քննություններ հանձնելուց, դիպլոմ ստանալուց հետո քննություններ հանձնելով նրանք ստանում են նաեւ լեյտենանտի սպայական կոչում եւ նշանակվում են ծառայության զորքերում ըստ մասնագիտությունների կամ մասնագիտություններով համապատասխանեցված զինվորական մասնագիտությունների: Նրանք ծառայում են 3 տարի, ստանում սպայի վարձատրություն, 3 տարի հետո նրանց պարտավորությունը դեպի զինված ուժեր ավարտված է եւ նրանք չեն դիտարկվում որպես անպայման ամբողջական կարիերա կառուցելու թեկնածուներ»,- մանրամասնեց նախարարը:

Նրա փոխանցմամբ, այս ամենը անցնելուց հետո նրանք դառնում են շարքային պահեստազոր, որը շատ կարեւոր խնդիր է:

«Որովհետեւ մենք ունենք շարքային կազմի մեծ պահեստազոր, եւ զորահավաքի դեպքում այդքան էլ պարզ չէ, թե ինչպես ենք համալրելու այդ զորքի հրամանատարական կազմը՝ դասակ-վաշտ օղակում: Տվյալ դեպքում մենք ստանալու ենք երիտասարդ, տասնյակ տարիների ծառայության հնարավորություն ունեցող մարդիկ, ովքեր պահեստազորում կարողանալու են այդ խնդիրը լուծել: Ավելին, նախատեսում ենք եւ ունենք հաշվարկներ, որ հնարավոր է առանց բյուջեում նոր ծախսեր ավելացնելու «Պատիվ ունեմ» ծրագրով սպայական ծառայություն անցած երիտասարդներին ուսման վարձի ամբողջական փոխհատուցում անել եւ անմիջապես ծառայությունից հետո մագիստրոսական ծրագիր ընդունվելու պարագայում տրամադրել նաեւ մագիստրոսական կրթության փոխհատուցման աջակցություն»:

Խոսելով «Ես եմ» ծրագրի մասին՝ նախարարը բացատրեց, որ ժամկետային ծառայության զորակոչվող նորակոչիկը կամավոր ընտրելով առաջին կարգի զորամասում ծառայությունը՝ կարող է ստանալ բացարձակ նոր կարգավիճակ, որը կարելի է անվանել ժամկետային պայմանագրային ծառայություն:

Ի՞նչ է սա նշանակում. «Երկու տարի ժամկետային ծառայության փոխարեն առաջարկվում է ստորագրել պայմանագիր, 3 տարի ժամկետով ծառայության անցնել առաջին կարգի զորամասում, բայց հետեւյալ պայմաններով. 5 ամիս ուսման ցիկլը ավարտելուց հետո նրանք անցնում են ծառայության 1+1+2 ձեւաչափով. 1 շաբաթ յուրաքանչյուր ամիս անց են կացնում տանը, 1 շաբաթ զորամասում՝ պատրաստվելով մարտական հերթապահության, եւ 2 շաբաթ առաջնագծում: Նրանք յուրաքանչյուր ամիս արձակուրդ գնալիս ստանում են արձակուրդային գումար իրենց ճանապարհածախսի, այդ մեկ շաբաթվա ծախսերը հոգալու համար, եւ միաժամանակ նրանց անհատական հաշվին կուտակվում է գումար եւ 3 տարի ծառայությունը ավարտելուց հետո (փաստացի ծառայությունը դառնում է 2 տարի 5 ամիս, որովհետեւ 7 ամիսը շաբաթական այդ արձակուրդների հանրագումարն է), նրանք իրենց հաշվին մոտավորապես ստանում են 5 միլիոն դրամ, որը կարողանում են ուղղորդել 3 նպատակային ծրագրի.

  1. մատչելի բնակարան, որը մենք կարողանում ենք կառուցել էժան եւ հիպոթեքային վարկերի ծրագրով. այսինքն կարողանում են առաջին վճարը կատարել եւ հետո տարիների ընթացքում մարել մնացածը,
  2. եթե գյուղական համայնքներից են, ապա կարողանում են ստեղծել փոքր ֆերմա կամ եթե կա գյուղտեխնիկա՝ լուծել այդ խնդիրը,
  3. ուսման վարձի փոխհատուցում, եթե կա ուսումը շարունակելու ցանկություն»:

Ավարտելով ծրագրի պարզաբանումը՝ Վիգեն Սարգսյանը ընդգծեց, որ ծրագիրը կամավոր է, սակայն հաշվի առնելով ծրագրի գրավչությունը՝ ակնկալում է, որ տարիների ընթացքում ի վիճակի կլինենք առաջնագիծն ամբողջությամբ անցկացնել ծառայության այս ձեւին, ինչը հնարավորություն կտա ունենալ շատ ավելի ամուր, այդ գործին նվիրված անձնակազմով առաջնագիծ:

Ելույթի ավարտին նախարարն անդրադարձավ առաջիկայում սպասվող մի քանի ծրագրերի մասին եւս: Խոսքը, մասնավորապես, դպրոցներում Նախնական զինվորական պատրաստություն առարկայի խորքային վերանայման եւ միջդպրոցական ռազմահայրենասիրական խաղեր անցկացնելու մասին է:

Տպել
10774 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ