Քոչարյանը պետք է անի այդ քայլը. հարցազրույց Րաֆֆի Հովհաննիսյանի հետ

20/04/2017 schedule17:14

Տպագրվել է «Հայկական Ժամանակ» օրաթերթի՝ 2004 թվականի ապրիլի 21-ի համարում

- Պարոն Հովհաննիսյան, 2003-ի ընդդիմության հանրահավաքային շարժմանն ակտիվ մասնակցելուց հետո դուք այսօր հրապարակային գործունեություն չեք ծավալում: Այդուհանդերձ, այսօր երկրում ստեղծված ներքաղաքական իրավիճակը պակաս պայթյունավտանգ չէ, որքան 2003-ի փետրվարին էր: Ուստի, կուզենայինք ճշտել նաեւ ձեր դիրքորոշումը՝ ստեղծված իրավիճակի վերաբերյալ:

- Իրապես պետք է արձանագրել, որ մեր պետությունն ապրում է իր հերթական փորձությունը, որն ուղղակի ածանցյալ է անցյալի դասերը չքաղելուն: Այն, ինչի ականատեսն ենք մենք այսօր, պատճառահետեւանքային անմիջական կապ ունի 2003-ի նախագահական ընտրությունների հետ, որոնք անցան համակարգային կոպիտ խախտումներով: Անկախ թվաբանական տարբեր վելուծություններից, այնքան համատարած եւ համակարգված էին այդ ընտրախախտումները, որ անհնար էր պարզապես խուսափել այսօրվա իրավիճակից:

Եւ եթե առկա խնդիրներն այսօր էլ իրենց լուծումը չգտնեն, կարող ենք միանշանակ վստահ լինել, որ առաջիկայում մեզ ներքաղաքական նոր եւ շատ ավելի լուրջ դիմակայություններ են սպասվում: Քաղաքական կայունությունը, երկրի անվտանգությունը, օրենքները՝ դրանք հասկացություններ են ողջ ժողովրդի, այլ ոչ թե մեկ մարդու իշխանության համար: Այսօր ստեղծված իրավիճակի արմատները տանում են դեպի անցյալ տարվա ընտրություններ, ուստի գործող նախագահը, որպես նաեւ 2003-ի  իրադարձությունների ակտիվ մասնակից, պետք է ինքը մտածի լուծումներ եւ ելքեր գտնելու մասին:

- Ապրիլի 13-ին Բաղրամյան պողոտայում տեղի ունեցած դեպքերը իշխանությունը գնահատեց որպես հասարակական կարգի պահպանում: Իսկ ընդդիմությունը դա համարեց հանցագործություն ողջ ժողովրդի դեմ: Ո՞րն է ձեր գնահատականը: 

- Ես ուղղակիորեն դատապարտում եմ այդ բռնարարքները, որոնք պաշտոնական բնույթ էին կրում եւ ուղղված էին մեր երկրի քաղաքացիների դեմ: Նման բռնարարքները ցույց են տալիս ոչ թե մեր իշխանության  շրջահայաց զորությունը, այլ՝ տրամագծորեն հակառակը: Այսօր գեղեցիկ քարոզներ են կարդացվում ազգային շահերի, երկխոսության անհրաժեշտության մասին, սակայն այդ խոսքերի ետեւում պակասում են քաղաքական կամքը եւ ողջախոհությունը: Ուստի, եթե մենք չուղղենք այն մեծ սխալը, որը տեղի ունեցավ 2003-ի նախագահական ընտրություններում, մեզ նորանոր փորձություններ են սպասվում ոչ միայն ներքին, այլ նաեւ արտաքին առումներով:

- Իշխանական  ճամբարից գնահատականներ են հնչում, որ ընդդիմության գործողությունները կառավարվում են դրսից: Դուք համամի՞տ եք:

-Նման պնդումներ կարող են կատարվել թե՛ իշխանության, թե՛  ընդդիմության հասցեին: Հայաստանն ապրում է այնպիսի տարածաշրջանում, ուր համաշխարհային եւ  ռեգիոնալ ազգեցությունները միշտ եղել են ու կլինեն: Սակայն, կարծում եմ, նման ամբաստանություններն անտեղի են ու եթե  կիրառում ունենան, ապա  կիրառվելու են ողջ քաղաքական դաշտի հանդեպ՝ թե՛ իշխանամետ, թե՛ ընդդիմադիր:

- Պարոն Հովհաննիսյան, մտավորականների նախաձեռնությամբ ձեր կենտրոնում նախաձեռնվում են կոալիցիա-ընդդիմություն երխոսության փորձեր: Չե՞ք կարծում, որ դատապարտված նախաձեռնություն է, քանզի կոալիցիան, ըստ ընդդիմության միանշանակ գնահատականի, ոչինչ որոշել չի կարող:

- Չեմ կարծում, որ ի սկզբանե դատապարտված նախաձեռնություն է. ավելին, կարծում եմ, որ անհրաժեշտ գործընթաց է: Իհարկե, կողմերի դիրքորոշումները կարծր են, որոնք իրապես դժվար է մեղմել, բայց երկխոսությունը երբեք ավելորդ լինել չի կարող: Բնականաբար, ես համաձայն եմ նաեւ այն գնահատականի հետ, որ ստեղծված իրավիճակը հանգուցալուծելու նախաձեռնությունը բոլորովին ուրիշ տեղից պետք է գա: Գործող նախագահը, առանց հապաղելու, հենց այս շաբաթվա մեջ պետք է անձնական նախաձեռնություն ցուցաբերի՝ ստեղծված իրավիճակը հանգուցալուծելու համար:

Միանշանակ է, որ նախաձեռնությունը պետք է լինի Բաղրամյան պողոտայից, բայց ոչ այն նախաձեռնությունը, ոչ այն կարճատեսությունը եւ ոչ այն ինքնագոհությունը, որը մայր պողոտայում դրսեւորվեց ապրիլի 13-ին: Ստի մեջ ապրել հնարավոր չէ. հենց այսօր պիտի կարողանանք մեր գործած սխալներն ու սուտն ընդունել որպես ժառանգություն եւ ուղղել դրանք: Եւ այդ ամենն ուղղելու առաջին պատասխանատուն գործող նախագահն է: Եթե նա այդ նախաձեռնությունը չկատարի եւ չկատարի անմիջապես, ոչ թե ինչ-որ մեկի խորհրդով, այլ ազգի, պետության շահերից ելնելով, մենք ուղղակի կարող ենք արձանագրել, որ ինքը երաշխավորն է ոչ թե երկրի կայունության ու անվտանգության, այլ երաշխավորն է դրանց  հակառակ արժեքների:

- Դուք ակնկալում եք, որ նախագահը պետք է հրաժարակա՞ն տա:

- Կրկնում եմ՝ ստեղծված իրավիճակի հանգուցալուծման նախաձեռնությունն այս շաբաթվա ընթացքում պետք է լսվի իր շուրթերից: Եթե ոչ՝ նոր փորձությունների առաջ ենք կանգնելու: Ուստի ես ակնկալում եմ, որ ինքը, խորապես հասկանալով պահի պատասխանատվությունը եւ լրջությունը,  նաեւ՝ պատմության առջեւ իր պարտականությունը՝ այդ քայլը կանի:

- Սակայն նախագահը մի քանի անգամ ասել է, որ հրաժարական տալու մտադրություն չունի: Այդ դեպքում ի՞նչ զարգացումներ եք հնարավոր համարում:  

- Ես ոչ միայն հնարավոր եմ համարում, որ կլինեն ավելի վատթար  գործողություններ, քան եղան ապրիլի 13-ին, այլեւ՝ արդեն իսկ տեսնում եմ դրանց նախանշանները: Իսկ որ նման պահվածքով մենք բախտորոշ բախումն ընդամենը  հետաձգում ենք՝ դա աներկբա է, եւ դա մեծագույն ողբերգություն է բերելու մեր ժողովրդին: Եւ կրկնում եմ՝ դրա  պատասխանատուն գործող նախագահն է լինելու, որի ուսերին դրված է մի շատ կարեւոր որոշման պատասխանատվություն:

Նաիրա Զոհրաբյան

Տպել
1003 դիտում

Իմ շնորհավորանքները հայ ժողովրդին, բրավո՛ Փաշինյան. Սահակաշվիլիի տեսաուղերձը՝ հայերին

Կարեն Կարապետյանն ու Դմիտրի Մեդվեդևը հեռախոսազրույց են ունեցել

Ես այս պայքարում եմ դրել հոգիս, ինձ եմ դրել, մենք հիմա ազատ ենք, քան երբեւէ. Ս. Միքայելյան

«Ես դավաճան կնոպկա չեմ սեղմի, թեկուզ՝ կյանքիս գնով». տոնին միացավ Վարդան Ղուկասյանը

Պուտինը օրենք է ստորագրել, մարդկանց իրավունքների եւ օրինական շահերի պաշտպանության համար

Տոնական, հաղթական Գյումրի

Հանրահավաքին վատացած սրտի արատով տղամարդու կյանքը փրկել չի հաջողվել,4 մարդ հիվանդանոցում է

Այսօր անհավանական օր է արդարությունը տոնելու համար. Սերժ Թանկյան

Արդեն ազատության մեջ է նաեւ Դավիթ Սանասարյանը

Սպիտակի երկրաշարժի դասերը ողջ աշխարհի համար. քննարկում ԱԻՆ-ում

Քիչ առաջ ազատ է արձակվել Արմեն Գրիգորյանը

Ոստիկանությունը խնդրում է դրսևորել փոխադարձ հարգանք և զսպվածություն. հայտարարություն

Աժ պատգամավոր, ԲՀԿ-ական Վարդան Ղուկասյանի անկեղծ հրճվանքը՝ Ս. Սարգսյանի հրաժարականից հետո

Նա տարված է մեր ժողովրդավարությանը միջամտելու գաղափարով. Մակրոնը Պուտինի մասին

Հուզմունքս մեծ է, հիացմունքս՝ անսահման, սերս՝ տիեզերական, դուք իմ ընտանիքն եք. Հայկո

Վանաձորի Հայքի հրապարակում նշում են վարչապետի հրաժարականը (լուսանկարներ, տեսանյութեր)

ԵԱՀԿ Մինսկի խումբը հանդես է եկել հայտարարությամբ տարածաշրջանում առկա իրավիճակի առնչությամբ

Էդվարդ Նալբանդյանը Յուհո Էէրոլայի հետ հանդիպմանը անդրադարձել է Բաքվի գործողություններին

Բակո Սահակյանը հանդիպել է Ռոբերտ Քոչարյանին

Լեւոն Բարսեղյանը չի ընդունում մեղադրանքը. նրան ազատ արձակելու որոշում դեռ չկա