Ամերիկյան վարչակազմը մարդու իրավունքները խախտող պաշտոնյաների մասին տվյալներ է հավաքում

21/04/2017 schedule15:00

ԱՄՆ-ի նախագահ Դոնալդ Թրամփն այսօր նամակ է հղել Կոնգրեսի հանձնաժողովների ղեկավարներին՝ վերջիններիս հայտնելով, որ իր վարչակազմը մտադիր է ամբողջապես իրագործել հայտնի «Մագնիտսկու գլոբալ օրենքը»: Թրամփը ընդգծել է, որ իր վարչակազմը վճռականորեն է տրամադրված այդ հարցում: «Ամերիկյան վարչակազմը ակտիվորեն ներգրավվել է անհատ անձանց ու կազմակերպությունների որոնման գործին, որոնց նկատմամբ կարող են կիրառվել նշված օրենքի դրույթները: Դրան զուգահեռ, հավաքվում են ապացույցներ, որոնք կցվելու են համապատասխան գործերին»,- գրել է ԱՄՆ-ի նախագահը:

2012 թվականին ընդունված «Մագնիտսկու օրենքը» ԱՄՆ-ի Սենատի որոշմամբ, ապա նախագահ Բարաք Օբամայի հրամանագրով 2016 թվականի դեկտեմբերի 26-ին տարածվել է ամբողջ աշխարհի վրա: Այդ օրենքն ԱՄՆ-ի արդարադատության համակարգին իրավունք է վերապահում հետապնդել եւ պատասխանատվության ենթարկել բոլոր երկրների այն պետական պաշտոնյաներին, ովքեր կասկածվում են մարդու իրավունքների ոտնահարման, կոռուպցիայի, պետական միջոցների յուրացման, իրավապաշտպանների ու լրագրողների հետապնդումների մեջ:

«Մագնիտսկու գլոբալ օրենք»-ի հիմքում 2012 թվականի դեկտեմբերին ԱՄՆ-ի Կոնգրեսի կողմից ընդունված «Մագնիտսկու օրենքն» է: Ըստ այդմ, անհատական պատժամիջոցներ են սահմանվում ռուսաստանցի այն պաշտոնյաների նկատմամբ, ովքեր մեղադրվում են Ռուսաստանում մարդու իրավունքների ոտնահարման եւ օրենքի գերակայության սկզբունքի խախտման մեջ: Նման անձանց մուտքը Միացյալ Նահանգների տարածք արգելվում է եւ սառեցվում են ամերիկյան բանկերում նրանց ունեցած հաշիվները: Օրենքն անվանակոչվել է ռուսաստանցի հայտնի փաստաբան Սերգեյ Մագնիտսկու անունով եւ ի սկզբանե տարածվում էր այն անձանց վրա, ովքեր կասկածվում էին նրա մահվանն առնչություն ունենալու մեջ: 

2007 թվականին Ռուսաստանի պետական բյուջեից 5.4 միլիարդ ռուբլի էր հափշտակվել, ինչն այդ երկրի պատմության մեջ պետական միջոցների միանգամյա յուրացման արձանագրված ամենախոշոր դեպքն է: Դա հայտնաբերել էին Hermitage Capital Management  ներդրումային հիմնադրամի շահերը ներկայացնող Firestone Duncan իրավաբանական ընկերության փաստաբանները, որոնց թվում էր նաեւ Սերգեյ Մագնիտսկին:

Նրանք հետաքննություն էին նախաձեռնել եւ ի հայտ բերել հանցագործության մասնակիցներին, որոնց թվում էին Ռուսաստանի գործադիր իշխանության մի քանի տասնյակ պաշտոնյաներ: Յուրացման փաստը հրապարակայնացնելուց հետո 2008 թվականի նոյեմբերին Մագնիտսկին ձերբակալվել է Hermitage Capital Management  հիմնադրամի նախագահ Ուիլյամ Բրաուդերին հարկերից խուսափելու գործում աջակցություն ցուցաբերելու մեղադրանքով: Նախնական կալանքի տակ 11 ամիս մնալուց հետո Սերգեյ Մագնիտսկին Մոսկվայի թիվ 1 քննչական մեկուսարանի հիվանդանոցում մահացել է: Որոշ տեղեկությունների համաձայն, նրա ձերբակալությունը պատվիրել էին պետական միջոցները յուրացրած բարձրաստիճան պաշտոնյաները:

Մագնիտսկու ցուցակը 4 անգամ ընդլայնվել է եւ ներկա պահին դրանում ընդգրկված է 39 ռուսաստանցի պաշտոնյայի անուն: Սակայն, ԱՄՆ-ի նախագահի կողմից օրենքի ստորագրումից հետո ցուցակը կարող է համալրվել ոչ միայն Ռուսաստանի, այլեւ այլ երկրների բարձրաստիճան պաշտոնյաներով:Օրինակ, ադրբեջանական իրավապաշտպան մի շարք կազմակերպություններ կոչ են արել «Մագնիտսկու գլոբալ օրենքը» տարածել նաեւ Ադրբեջանի նախագահի՝ Իլհամ Ալիեւի վրա՝ նրան մեղադրելով մարդու իրավունքների ու հիմնարար ազատությունների զանգվածային ոտնահարման մեջ:

Ընդհանրապես, վերը նշված օրենքն աշխարհում ոչ միանշանակ է ընդունվել:Ոմանք «Մագնիտսկու օրենքի» գլոբալացումը գնահատել են որպես պատմական իրադարձություն, որը թույլ կտա պատասխանատվության ենթարկել մարդու իրավունքներն ոտնահարող պաշտոնյաներին: Ոմանք էլ գտնում են, որ օրենքի ընդունմամբ ԱՄՆ-ն իրեն համաշխարհային դատավորի լիազորություններ է վերապահում եւ «Մագնիտսկու գլոբալ օրենք»-ը կիրառելիս ընտրովի մոտեցում է ցուցաբերելու՝ հետապնդումներ իրականացնելով միայն Վաշինգտոնին անցանկալի վարչակարգերի նկատմամբ՝ միաժամանակ աչք փակելով դաշնակից երկրներում կատարվող անօրինականությունների վրա:

Տպել
888 դիտում

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ

ՀՀ-ն, սփյուռքն ու Արցախը պետք է միասնական կարողանան կյանքի կոչել դարավոր իղձերը. պնախարար

Կոտայքի քոլեջի տնօրենը երկրից ու դասերից 3 տարի բացակայող ազգականին տրամադրել է դիպլոմ

25 տարվա ընթացքում առաջին անգամ Նիդերլանդների սենատի նախագահը Հայաստանում է

Լոնդոնը մեղադրել է Փարիզին եւ Բեռլինին Brexit-ի բանակցություններն արգելակելու մեջ

Դի-Կապրիոն,Թոմ Հենքսը, Քլոե Քարդաշյանը եւ այլք`«Հայաստանի մանուկներ»-ի այս տարվա աջակիցներ

Լավրովի այցից առաջ. ռուս փորձագետները խոսում են ԼՂ հակամարտության անլուծելի լինելու մասին

«Ժամանակ». 1000 դրամները չեն հասնում շահառուներին. հիմնադրամի շուրջ աղմուկ է հասունանում

«Ժողովուրդ». Տարոն Մարգարյանն իրեն ու իր տեղակալներին պարգեւատրել է

Մոսկվան հակամարտությունների միջոցով փորձում է վերահսկել հետխորհրդային երկրները. Ջեյմս Քոյլ

«Ժամանակ». Պարույր Հայրիկյանը մտադիր է երկուշաբթի օրը հացադուլ սկսել

Վաղվանից Հայաստանի ողջ տարածքում սպասվում են տեղումներ

Անգլիայի երկնքում բախվել են ուղղաթիռն ու ինքնաթիռը. կան զոհեր. տեսանյութ

ԵՄ-ՀՀ համաձայնագրին ընդառաջ` դիմում ՀՀ իշխանություններին` ազատել բոլոր քաղբանտարկյալներին

Կիսաֆաբրիկատների արտադրությամբ զբաղվողները չեն պահպանել հիգիենայի, տեխնոլոգիայի նորմերը

Անցած 1 օրում Հայաստանում գրանցվել է 7 ՃՏՊ, արդյունքում` 2 զոհ, 7 վիրավոր