Հայաստանը 18 միլիոն ռուբլի է փոխանցել Ռուսաստանին. Հրաչյա Հարությունյանին կարտահանձնեն

Ռուսաստանում 18 մարդու կյանք խլած ողբերգական վթարից հետո 6 տարի 9 ամիս ազատազրկման դատապարտված եւ արդեն շուրջ 4 տարի ՌԴ Տամբով քաղաքի քրեակատարողական հիմնարկում պահվող հայ վարորդ Հրաչյա Հարությունյանը կփոխանցվի Հայաստան: Տեղեկությունը մեզ հետ զրույցում հաստատեց ՀՀ արդարադատության նախարարի տեղակալ Վիգեն Քոչարյանը:

«ՀՀ իշխանությունները, Արդարադատության նախարարությունը հետեւողական ջանքեր են գործադրել դատապարտյալի փոխանցման խնդրի լուծման ուղղությամբ եւ ներկայում Հրաչյա Հարությունյանի՝ Հայաստան փոխանցելու հարցում ֆինանսական պարտավորությունների առկայության խոչընդոտը վերացված է»,- փոխանցեց Վիգեն Քոչարյանը: 

Փոխնախարարը նաեւ ասաց, որ Հարությունյանի փոխանցման համար մինչ այժմ արգելք էին հանդիսանում տուժողների իրավահաջորդների կողմից ներկայացված ֆինանսական փոխհատուցման պահանջները: Թե երբ տեղի կունենա փոխանցումը, ըստ Քոչարյանի՝ դեռ դժվար է ասել:

Հրաչյա Հարությունյանի կնոջ հայրը՝ Վիկտոր Մարտիրոսյանը մեր զրույցում քիչ առաջ ասաց, որ այս պահին գնում է Արդարադատության նախարարություն:

«Ինձ կանչել են նախարարություն, հիմա ոչ մի բան չեմ կարող ասել՝ մինչեւ իրենց հետ չհանդիպեմ: Գիտեմ միայն, որ Հայաստանի Հանրապետությունը Ռուսաստանին փոխանցել է այն գումարը, որը տուժածները պահանջում էին. խոսքը 18 միլիոն ռուսական ռուբլու (ավելի քան 153 միլիոն դրամ-խմբ.) մասին է: Հիմա ինձ կանչել են, որ հարցեր տան, թե ինչ պետք է լինի: Երեւի մի գրություն կգրեմ, որ իրեն տեղափոխեն Հայաստան»,- ասաց Մարտիրոսյանը:

Հիշեցնենք, որ Հրաչյա Հարությունյանը 2013 թվականի հուլիսի 13‐ին իր «Կամազ» մակնիշի մեքենայով ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետեւանքով զոհվել էր 18 մարդ: Հրաչյա Հարությունյանի գործով դատական նիստերը մեծ աղմուկ բարձրացրին, երբ ռուս իրավապահները նրան դատարան տարան կանացի խալաթով: Այդ միջադեպը որոշ ժամանակ Հայաստանում նույնիսկ հակառուսական տրամադրությունների տեղիք տվեց: 2014 թվականի օգոստոսի 4-ին Մոսկվայի Տրոիցկի դատարանի վճռով Հարությունյանը դատապարտվել է 6 տարի 9 ամիս ազատազրկման: 

2015 թվականին, երբ «Հժ» թղթակիցն արդարադատության նախարար Արփինե Հովհաննիսյանից հետաքրքրվել Էր՝ 2016 թ. Հրաչյա Հարությունյանին Հայաստան տեղափոխելու հարցը կկարգավորվի՞, նախարարը պատասխանել էր. «Ես կարծում եմ հաջորդ տարի այս հարցով կունենանք հստակ առաջընթաց»։ 2016 թվականի դեկտեմբերի 24-ին, սակայն Արփինե Հովհաննիսյանը հայտարարեց, որ Հրաչյա Հարությունյանի արտահանձնման գործում խոչընդոտներ են ծագել։

Armtimes.com-ը գրել էր, որ Հրաչյա Հարությունյանի դեմ 18 քաղաքացիական հայց է ներկայացվել այն բանից հետո, երբ Գյումրիում սպանված Ավետիսյանների իրավահաջորդների ներկայացուցիչներն ընդդեմ Ռուսաստանի Դաշնության հայց են ներկայացրել դատարան։

Տպել
14214 դիտում

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին