Նորընտիր Ազգային ժողովի գլխավոր ինտրիգը. ովքե՞ր են լինելու ԱԺ նախագահն ու փոխնախագահները

Կոնգրես-ՀԺԿ դաշինքի կողմից Սահմանադրական դատարան ներկայացված բողոքի քննության արդյունքից կախված հավանաբար մայիս ամսվա ընթացքում կգումարվի 6-րդ գումարման Ազգային ժողովի առաջին նիստը: Դրա համար դեռ անհրաժեշտ է, որ ապրիլի 2-ին տեղի ունեցած ընտրություններում անհրաժեշտ թվով ձայներ հավաքած անձինք ստանան իրենց մանդատները:

Կենտրոնական ընտրական հանձնաժողովից տեղեկացանք, որ այս պահի դրությամբ դեռ չկա որեւէ պատգամավոր, որ հրաժարված լինի մանդատից: ԿԸՀ-ն իր հերթին սպասում է կուսակցությունների եւ դաշինքների կողմից ներկայացվելիք ցուցակներին՝ մանդատների բաշխումն իրականացնելու համար:

Ազգային ժողովի նստաշրջանի մեկնարկին զուգահեռ ամենաինտրիգային հարցերից մեկը ԱԺ նախագահի ու փոխնախագահի ընտրության հարցն է: Այս ընթացքում մամուլում ե՛ւ ԱԺ նախագահի, ե՛ւ փոխնախագահի թեկնածուների տարբեր անուններ են շրջանառվել, բայց որեւէ մեկի անունը դեռ չի հաստատվել:

«Ինձ մի տեսեք այդ պաշտոնում, ինձ տեսեք՝ որպես Գալուստ Սահակյան: Չեմ սիրում այդ մրցությունը, որ հայ ժողովրդի մեջ կա: Բոլորն ուզում են ամեն ինչ դառնալ: Ցանկացած հայի, որը երրորդ, չորրորդ, հինգերորդ կամ բարձր դասարան է գնացել, մի քիչ որ խորանաք, բոլորն ուզում են թագավոր դառնան եւ նախագահներ»,- անդրադառնալով ԱԺ նախագահի պաշտոնում իր մնալու հավանականությանը՝ լրագրողների հետ զրույցում վերջերս հայտարարել էր Գալուստ Սահակյանը: Նա ընդգծել էր, որ մանդատները ստանալուց հետո ՀՀԿ-ն կքննարկի ԱԺ նախագահի սեփական թեկնածուի հարցը:

Լրատվամիջոցների հրապարակումների համաձայն՝ Արդարադատության նախարար Արփինե Հովհաննիսյանն ու ՀՀԿ փոխնախագահ Արմեն Աշոտյանը ԱԺ նախագահի պաշտոնի հավանական թեկնածուների մեջ են։

ԱԺ նախագահի պաշտոնում այս ընթացքում լրատվամիջոցներում ամենաշատ քննարկված անունը, սակայն շարունակում է մնալ «Տաշիր» ընկերության ղեկավար Կարեն Կարապետյանը: Որոշ լրատվամիջոցներ շրջանառել են նաեւ ՀՀ նախագահի վերահսկողության վարչության պետ Ֆելիքս Ցոլակյանի անունը, սակայն միեւնույն ժամանակ բացառել դա՝ ընդգծելով, որ իրենց տեղեկություններով Սերժ Սարգսյանը որոշել է ԱԺ ղեկավար կազմն ամբողջությամբ երիտասարդացնել։ Այս համատեքստում ԱԺ նախագահի պաշտոնի հավակնորդ է համարվել նաեւ ԱԺ փոխխոսնակ, ՀՀԿ խոսնակ Էդուարդ Շարմազանովը:

Ինչ վերաբերում է ԱԺ փոխնախագահներին, այս հարցում եւս կուլիսային քննարկումները դեռ ընթացքի մեջ են: Պաշտոնապես այս հարցով եւս որեւէ արձագանք չկա: Նախորդ շաբաթվա վերջին, երբ լրագրողները ՀՀԿ մամուլի խոսնակ Էդուարդ Շարմազանովից այդ պաշտոնի համար շրջանառված անունների մասով մեկնաբանություն էին խնդրել՝ նա ասել էր, որ «Հայաստանի Հանրապետական կուսակցությունն Ազգային ժողովի նախագահի, փոխնախագահների եւ հանձնաժողովների նախագահների թեկնածուների հարցը չի քննարկել»:

Նոր Ընտրական օրենսգրքի համաձայն, ԱԺ երկու փոխնախագահներից մեկը պետք է լինի ԱԺ-ում ամենաշատ թվով ձայներ ստացած ընդդիմադիր կուսակցությունից։ Եվ եթե «Ծառուկյանը դաշինքը» պաշտոնապես հայտարարի, որ ընդդիմություն է՝ հենց նրան էլ բաժին կհասնի մեկ փոխնախագահի պաշտոնը:

Որպես այս դաշինքի կողմից առաջադրվող ԱԺ փոխնախագահի թեկնածու մինչեւ վերջերս քննարկվում էր Վերահսկիչ պալատի նախկին ղեկավար Իշխան Զաքարյանի անունը: Մամուլում նշվում է, սակայն, որ ԱԺ նախագահի պաշտոնում Շարմազանովի ընտրվելու պարագայում նա չի ցանկանա լինել Շարմազանովի տեղակալ:

Բացի այդ, մեկ այլ լրատվամիջոցի փոխանցմամբ՝ Գագիկ Ծառուկյանն ինքն է փոշմանել Իշխան Զաքարյանի հարցում՝ համարելով, որ նա ընտրություններին ու դրանից հետո չի արդարացրել իր տված խոստումները։ Խոսակցություններ կան, որ ԱԺ փոխնախագահի պաշտոնի համար պայքարում է նաեւ Նաիրա Զոհրաբյանը, որի նշանակման հարցում հատկապես շահագրգիռ է նախկին վարչապետ Հովիկ Աբրահամյանը։

Մամուլում հրապարակված տեղեկությունների համաձայն ԱԺ փոխնախագահի պաշտոնում Գագիկ Ծառուկյանը շրջանառել է Վարդան Բոստանջյանի անունը։

ԱԺ մյուս փոխնախագահը, համաձայն մամուլում տեղ գտած կանխատեսումների, ՀՀԿ-ն կզիջի ՀՅԴ-ին, եթե ՀՀԿ-ն եւ ՀՅԴ-ն կրկին կոալիցիա կազմեն: ՀՅԴ-ից ամենահավանական թեկնածուն համարվել է Աղվան Վարդանյանը: Սակայն, եթե հաշվի առնենք, որ ԱԺ փոխնախագահներից մեկը կին պետք է լինի՝ հարցը դժվարանում է: ՀՅԴ կին պատգամավոր Արմենուհի Կյուրեղյանը, ինչպես գրվել է, շատ անփորձ է այդ պաշտոնը զբաղեցնելու համար։

Տպել
6366 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին