Գազպրոմից մարզպետարան, բայց ոչ հետադարձ «երթուղիով». Շիրակի 3-րդ փոխմարզպետի նոր ինտրիգը

Շիրակի մարզի ՀՅԴ-ականները կրկին անհանգիստ են: Բանն այն է, որ ՀՅԴ-ական փոխմարզպետ Խաչատուր Վարագյանը ԱԺ ընտրություններից հետո չի ցանկանում շարունակել աշխատանքը Շիրակի մարզպետարանում: Այս մասին տեղեկացնում են ՀՅԴ-ին եւ Շիրակի մարզպետարանին մոտ կանգնած armtimes.com-ի աղբյուրները: Նույն աղբյուրների փոխանցմամբ՝ Խաչատուր Վարագյանը ցանկանում է կրկին վերադարձնել Գազպրոմի շահութաբեր իր նախկին պաշտոններից որեւէ մեկը:

Նշենք, որ Վարագյանը 2005-2008 թվականներին զբաղեցրել է «Գազպրոմ Արմենիա» ՓԲԸ-ի Շիրակի ԳԳՄ-ի տնօրենի պաշտոնը, իսկ 2013-2017 թվականներին եղել է Արթիկի գազի ՏՏ-ի պետը: 2017-ին Վարագյանը հրաժարվեց պաշտոնից, քանի որ ԱԺ պատգամավոր դառնալու ցանկություն ուներ: Վարագյանի ԱԺ-ում հայտնվելու ցանկությունն այնքան էր բորբոքվել, որ նա նույնիսկ ՀՀԿ-ից դուրս եկավ եւ դարձավ դաշնակցական: Շիրակի դաշնակցականներին հաջողվել էր Վարագյանին ՀՀԿ-ից հեռացնել, որպես խայծ նրան առաջարկելով Շիրակի մարզպետի 3-րդ տեղակալի պաշտոնը:

Ստացվում է, որ ոչ ՀՅԴ-ի եւ ոչ էլ, առավել եւս՝ Վարագյանի հույսերը չարդարացան: ՀՅԴ-ն հույս ուներ, որ Խաչատուր Վարագյանը կուսակցության համար պետք է միայնակ, իր ուժերով 10 հազարից ավելի քվե ձեռք բերեր, եւ որպես մրցանակ Վարագյանը շահելու էր ՀՅԴ-ի Շիրակի պատգամավորի մանդատի ԱԺ տանող ուղեգիրը: Վարագյանը Շիրակում՝ թիվ 11 ընտրատարածքում, ստացավ 1068 քվե:

Իրենց հաշվարկների մեջ սխալված ՀՅԴ-ականները այժմ չեն կողմնորոշվում՝ ինչպես վարվել: Վարագյանը, եթե գնար Ազգային ժողով, ապա նոր փոխմարզպետի թեկնածուի առաջադրումն այնքան էլ սկանդալային չէր լինի: Այժմ ինտրիգային է փոխմարզպետ փոխելը, քանի որ Վարագյանն ընդամենը երկու ամիս է, ինչ այս պաշտոնում է: Այս իրավիճակին զուգահեռ՝ բուռն քննարկվեց եւ քննադատվեց Շիրակում 3-րդ փոխմարզպետ ունենալը, քանի որ նրան աշխատավարձ վճարում են մարզպետարանի խնայողությունների հաշվին:

Թեմայի շուրջ armtimes.com-ը փորձեց զրուցել Շիրակի ՀՅԴ-ական փոխմարզպետ Խաչատուր Վարագյանի հետ: Մեր այն հարցին, թե պատրաստվու՞մ եք հրաժարական տալ մարզպետի տեղակալի պաշտոնից, Վարագյանը կտրուկ պատասխանեց. «Ոչ: Նման բան չկա»,- ասաց նա, որից անմիջապես հետո ընդհատեց հեռախոսազանգը եւ դարձավ անհասանելի:

Նշենք, որ Խաչատուր Վարագյանը ջերմ հարաբերությունների մեջ է վարչապետ Կարեն Կարապետյանի հետ: Նրանք մտերմացել են այն տարիներին, երբ Կարապետյանը զբաղեցնում էր «Հայռուսգազարդ» ՓԲԸ-ի ղեկավարի պաշտոնը: Վարչապետը հենց այս տարիներին ձեռք բերած մտերմությունն էր հաշվի առել, որ չնայած ՀՅԴ-ի հանդեպ ունեցած իր բացասական վերաբերմունքին, դեմ չէր եղել, որպեսզի հանրապետության ամենաաղքատ մարզը 3-րդ փոխմարզպետ ունենա: Սակայն, ինչպես մեր աղբյուրներն են տեղեկացնում, հիմա արդեն Կարապետյանի հետ ունեցած ջերմ հարաբերությունները Վարագյանին ոչ մի հարցում օգտակար լինել չեն կարող:

Նարեկ Կիրակոսյան, Գյումրի

Տպել
18450 դիտում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին

Առեւտրի կետից գողություն կատարելու հետքերով գնալիս, ոստիկանները հանցավոր խումբ են բերման ենթարկել

Հայաստանի Ազգային պատկերասրահից Արա Շիրազի աշխատանքները տեղափոխվել են Գյումրի

Հանրապետության, Շահումյան հրապարակներում, մի շարք փողոցներում վաղը երեկոյից մեքենաների կայանումը կարգելվի

Քոչարյանի գործն՝ ԱԺ Քննիչ հանձնաժողովում. Կոստանյանը հակասում է իրեն եւ Արփինե Հովհաննիսյանին

ԵԽ մարդու իրավունքների հանձնակատարն առաջին անգամ այցելել է Հայաստան, հյուրընկալվել ԱԺ-ում