Տավուշի մարզում խիստ ցրտահարություն է գրանցվել. որոշ տեղերում այգիները 100%-ով տուժել են

Տավուշի մարզի 8 համայնքում նախօրեին գիշերը ցրտահարություն է գրանցվել. 8 համայնքը ներառող խոշորացված Այրումի ղեկավարը «խիստ» բառով բնորոշեց ցրտահարությունը: Հիշեցնենք, որ Այրում համայնքը ներառում է Այրում քաղաքը, Զորական, Հաղթանակ, Արճիս, Լճկաձոր, Պտղավան, Դեղձավան, Բագրատաշեն եւ Դեբեդավան գյուղերը:

Ներկայացնենք  մեր զրույցը Այրում համայնքի ղեկավար Արայիկ Պարանյանի հետ.

- Պարոն Պարանյան, ինչպե՞ս է արտահայտվել ցրտահարությունը. ծառե՞րն են տուժել, թե՞ բանջարաբոստանային կուլտուրաները:

- Խիստ ցրտահարություն է եղել, դեղձի այգիներն են լրիվ ցրտահարվել, արքայախնձորի, կեռասի, մի խոսքով` ցածր տեղերում ինչքան այգի կա՝ 90 տոկոսով, տեղեր կան 100 տոկոսով ցրտահարվել են: Դիմել ենք մարզպետարան, հանձնաժողով կստեղծվի, ասել են կգան, կնկարեն, վնասների չափը կհաշվարկվի, արձանագրություն կկազմվի: Շատ մեծ վնասներ են պատճառվել: Տուժել է նաեւ կարտոֆիլը, մյուս բույսերը:

- Ինչքա՞ն տարածքի մասին է խոսքը:

- Կոնկրետ չեմ կարող ասել, բայց քաղաքացի ունենք Հաղթանակ գյուղից, մոտ 5 հեկտար դեղձի այգի ունի, ամբողջովին ցրտահարվել է: Դեղձավանում էլ, Պտղավանում էլ, Արճիսում էլ վնասներ կան:

- Կարծում եք՝ կառավարությունը կփոխհատուցի՞:

- Դե պետք է արձանագրվի: Մարդիկ տուժել են: Դեղձը ցոգոլ էր տվել արդեն: Մարդ կա՝ 4 միլիոն վարկ է վերցրել, այգի դրել, հիմա նորից ծախս պետք է անի, այգի պահի: Այգին բերք չի տալու, բայց ինքը պետք է շարունակի ծախսերը, պետք է սրսկումներ անի:

- Ընդհանուր առմամբ որքա՞ն վնասի մասին է խոսքը:

- Դեռ չենք կարող գումար ասել: 2-3 օրից լրիվ կերեւա, երբ ցրտահարված պտուղները կթափվեն, ծաղիկները կչորանա:

- Այդ վնասները քանի՞ աստիճանի պայմաններում են գրանցվել:

- Մինչեւ -3-4 աստիճան իջել է նախորդ օրը գիշերը: Շատ լավ էր սկսվել տարին, լավ ծաղկել էին ծառերը, լավ փոշոտվել էր, պայմանները կային, անձրեւ չկար. անձրեւ լիներ՝ փոշոտումը չէր կատարվի: Լրիվ կազմավորված պտուղներն են ցրտահարվել: Ի՞նչ անենք՝ գյուղացու ճակատագիր է:

ՀՀ ԱԻՆ «Հիդրոմետ» ծառայության օդերեւութաբանության կենտրոնի պետ Գագիկ Սուրենյանն այսօր ֆեյսբուք սոցիալական ցանցի իր էջում գրել է, որ ցրտահարությունների վտանգը հանրապետության հովտային եւ նախալեռնային գոտիներում կարող ենք համարել ավարտված: «Արարատյան դաշտի տարբեր հատվածներից, հատկապես Վեդի, Ուրցաձոր, Դաշտաքար բնակավայրերից զանգեր եմ ստանում, որ այս գիշեր սպասվում է ցրտահարություն: Նման բան չկա, առաջիկա գիշերը Արարատյան դաշտում կանխատեսվում է +9...+11 աստիճան տաքություն: Ցրտահարությունների վտանգը հանրապետության հովտային եւ նախալեռնային գոտիներում կարող եք համարել ավարտված»,- գրել է Սուրենյանը:

Տպել
14700 դիտում

Արարատ Միրզոյանը ՄԱԿ-ի կենտրոնակայանում. Ադրբեջանի ներկայացուցիչը հարցեր է ուղղել

Մ. Արզումանյանն ազատվել է գլխավոր ռազմական տեսուչի տեղակալի պաշտոնից

Արմեն Գրիգորյանը պարզաբանում է ներկայացրել «Կոմերսանտ»-ում իր խոսքերի վերաբերյալ

Նարեկ Ղահրամանյանը նշանակվել է Կապանի համայնքի ղեկավարի պաշտոնակատար

Պետք է գիտությունը վերադարձնենք բուհեր. ԿԳ նախարարը բժշկական համալսարանում է

Այսօր ու վաղը կեսօրից հետո, գիշերը ՀՀ որոշ շրջաններում անձրեւ ու ամպրոպ է սպասվում

Հայաստան-ԵՄ, կրթական համագործակցության նոր հեռանկարներ. Սվիտալսկին ԿԳ նախարարությունում էր

Հայ դատի հանձնախումբը կոչ է արել ուսումնասիրել ԱՄՆ-ում և ՀՀ-ում եկամտահարկի համաձայնագիրը

Գեղարքունիքում մեքենան բախվել է ծառին. կա 1 զոհ, 18, 19, 20-ամյա տղաները հիվանդանոցում են

Թուրքիան և ԱՄՆ-ը բանակցում են «Pariot» ՀՕՊ զենիթահրթիռային համակարգերի շուրջ

Գորիս քաղաքում ամբողջությամբ այրվել, մոխրացել է բնակելի տուն

Աուտիզմով հիվանդ տղայի որոնումներն այսօր վերսկսել են Այնթափում, ավարտել անարդյունք

Եթե Արթուր Վանեցյանը առաջադրվի, ես չեմ առաջադրվի. ըստ Tert.am-ի ասել է Ռուբեն Հայրապետյանը

Նախագահ Արմեն Սարգսյանն ու մի խումբ երեխաներ նախագահականի մոտ ուսումնասիրել են աստղերը

Վրաստան գնալիս մեքենայի սեփականատիրոջ լիազորագրի պահանջը ժամանակավոր հետաձգվում է

Երեք գյուղերը սպասարկող տրանսպորտը չի աշխատում, բայց կաշխատի. պարզաբանում է փոխնախարարը

Բողոքների տեղատարափից հետո «Օդից փող» հաղորդաշարն այլեւս եթերում չի լինի

73-ամյա միայնակ թոշակառուի դեմ հայցը 6 տարի է՝ լուծում չի ստանում. բաց նամակ վարչապետին

Վարչապետի աշխատակազմի գործերի կառավարիչը պաշտոնից ազատման դիմում է գրել

Բազմաթիվ կոնֆլիկտներից հետո, վերջապես տեղի ունեցավ Արամ Մանուկյանի արձանի բացումը