Երեւանը պետք է պարփակվի քաղաքային անտառով, հիմնվեն հանրային լողավազաններ. Փաշինյան (վիդեո)

Երեւանի քաղաքապետի թեկնածու Նիկոլ Փաշինյանն այսօր ֆեյսբուքյան ուղիղ միացմամբ անդրադարձել է Երեւանում չլուծված ստրատեգիական խնդիրներից մեկին՝ կանաչ տարածքներին:

Փաշինյանը հայտարարել է, որ այսօր Երեւանում մեկ շնչին ընկնող 7.7 քմ կանաչ տարածք կա, մինչդեռ դա միջազգային ընդունված նվազագույն չափանիշներին զիջում է կրկնակի անգամ:

«Նվազագույն ընդունված չափանիշը քաղաքային կանաչ գոտիների համար 16 քմ-ն է մեկ շնչի հաշվով, բայց Երեւանում, ինչպես տեսնում եք, վիճակը մոտ է աղետայինին: Մենք ի՞նչ լուծում ենք առաջարկում. կարծում ենք, որ Երեւան քաղաքում պետք է շատ մեծ տեմպերով ավելանան կանաչ տարածքները: Այս է պատճառը, որ մեր նախընտրական ծրագրում նշել ենք, որ Երեւանում առաջիկա 5 տարվա ընթացքում պետք է առնվազն 500 հազար ծառ տնկվի, եւ մենք շատ կարեւորում ենք քաղաքային անտառի գաղափարը: Կարծում ենք, որ Երեւան քաղաքը պետք է պարփակվի կանաչ գոտիով եւ քաղաքային անտառով»,- հայտարարել է Փաշինյանը:

Ըստ նրա՝ այս խնդրի լուծումը առավել հրատապ է դառնում, երբ արձանագրում ենք, որ Երեւանի օդը փոշու պարունակության առումով թույլատրելի նորմը գերազանցում է 1.3-1.6 անգամ:

«Ահա այս փաստերի համադրումը երեւանցիներին ավելի հասկանալի կդարձնի, թե ինչու տարեց տարի ավելի անտանելի է դառնում երեւանյան տապը: Սրան գումարվում է մեքենաների թվի ավելացնումը եւ այսպես շարունակ: Այնպես որ Երեւանում էկոլոգիական շատ լուրջ խնդիրներ կան լուծելու: Մենք պլանավորում ենք հատուկ ուշադրություն դարձնել Հրազդանի կիրճի եւ Գետառի մաքրությանը, մենք պլանավորում ենք Երեւան քաղաքում առաջիկա 5 տարվա ընթացքում առնվազն 5  լողավազան-լճակներ հիմնադրել, որտեղ երեխաներին եւ ընդհանրապես քաղաքացիներին կթույլատրվի լողալ: Դուք գիտեք, որ հանրային լողավազաններ, որ մատչելի կլինեն, այսինքն՝ քաղաքային իշխանության մատուցած ծառայություն կլինեն, գոյություն չունեն, եւ դա լրջագույն խնդիր է: Ընդ որում, մենք պլանավորում ենք, որ այդ լողավազաններից քաղաքացիները կօգտվեն միանգամայն անվճար, իսկ այդ լողավազանների կարիքները քաղաքային իշխանությունը կհոգա մասնավորի հետ համագործակցության միջոցով»,- իր խոսքում նշել է «Ելք» դաշինքի համամասնական ցուցակը գլխավորող թեկնածուն:

Ֆեյսբուքյան իր էջում այնուհետեւ բացատրելով, թե ինչ նկատի ունի մասնավորի հետ համագործակցություն ասելով՝ Փաշինյանը գրել է, որ լողավազանների մոտակայքում գործելու համար մրցույթով կտրվեն սրճարանների թույլտվություններ՝ պայմանով, որ այդ ընկերությունները կապահովեն ջրի եւ շրջակա միջավայրի կատարյալ մաքրությունը:

Տպել
15249 դիտում

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին

Արմեն Գեւորգյանը Ռոբերտ Քոչարյանի հետ շփում չի ունեցել. նա ցուցմունք է տվել. պաշտպան

Թեժ բանավեճ՝ կառավարությունում. Նիկոլ Փաշինյանը գործ չանողներին հատուկ զգուշացում տվեց

Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Սպանություն՝ Գյումրիում. «Սասնա ծռերը» հորդորում են գործադրին վերանայել ՌԴ-ի ռազմական ներկայության պայմանները

Ոսկեպարում երեք ամսական երեխային մայրը կալիումի պերմանգանատ է տվել. փոքրիկը երեկ մահացել է

Հունվարին բացառվում է գազի սակագնի բարձրացում. նախարարի պաշտոնակատար

Ջավախքում գնացքի վագոններ են շուռ եկել. Վահագն Չախալյան (տեսանյութ)

Սերգեյ Լավրովը մեկնում է Բաքու

Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու դատարանի որոշումը վերացվել է