Երևան
14 °C
Տպագրվել է «Հայկական Ժամանակ» օրաթերթի՝ 2004 թվականի մայիսի 6-ի համարում
Այսօր Երեւանում կբացվի Համաշխարհային հայկական կոնգրեսի՝ Հայոց ցեղասպանության խնդիրներին նվիրված գիտագործնական կոնֆերանսը: Այս առթիվ երեկ «Երեւան» հյուրանոցում մամուլի ասուլիս էին հրավիրել կոնգրեսի նախագահ, ռուսաստանցի հայտնի գործարար Արա Աբրահամյանը, քաղաքագետ Անդրանիկ Միհրանյանը, պրոֆեսորներ Յուրի Բարսեղովը, Ռիչարդ Հովհաննիսյանը եւ այլք: Գիտաժողովի նպատակը, ինչպես բացատրեց Անդրանիկ Միհրանյանը, մի ռազմավարական ծրագիր մշակելն է, որով «քաղաքական հիմքեր կդրվեն այն հարցերի շուրջ, որոնք այսօր բաժանում են Հայաստանը եւ Թուրքիան»: Ըստ Միհրանյանի, այդ հարցերը վերաբերելու են հայ-թուրքական սահմանի բացմանը, տարածքային պահանջներին, փոխհատուցման խնդրին, ցեղասպանության ճանաչմանը եւ այլն:
Եւ այդպիսի ծրագիր մշակելուց հետո դա կարող է հիմք դառնալ հայկական բոլոր կազմակերպությունների եւ ՀՀ ԱԳՆ-ի գործունեության համար: Կարելի է ենթադրել, որ այս ծրագրի հիմքում կարող է դրվել Բարսեղովի՝ երեկ ներկայացրած նոր թեզը. «Հայաստանը որպես պետություն ժամանակին, երբ չկային ոչ մի Ադրբեջան եւ ոչ մի Թուրքիա, հանդես էր գալիս իբրեւ միջազգային իրավունքի ամենաառաջատար նորմերի ստեղծման նախաձեռնող: Երբ մենք կորցրինք պետականությունը, բնականաբար՝ մեր նախնիները փորձեցին միջազգային իրավունքի հիմքերով լուծել այդ հարցերը: Միջազգային իրավունքը մեր կողմն է՝ թույլերի կողմն է»,- մաքուր ռուսերենով ասաց նա՝ չմասնավորեցնելով, թե այդ ինչպես եղավ, որ ժամանակին աշխարհի մակարդակով նախաձեռնություններ անող երկիրը դարձավ այդքան թույլ:
Իսկ այս պրոցեսի էությունն այն է, որ չի կարելի սահմանափակվել նրանով, որ Ցեղասպանությունը իրականացվել է 1915թ., այլ դրանից հետո եւս, եւ գուցե շարունակվում է մինչ այսօր: Ի՞նչ է սա տալու մեզ՝ կպարզվի հետագայում, իսկ ասուլիսի ժամանակ լրագրողներին ավելի շատ հետաքրքրում էին այլ հարցեր: Հայկական մամուլում շրջանառվում էին լուրեր այն մասին, որ ընդդիմությանը ֆինանսավորում են ռուսաստանյան ուժերը եւ թափանցիկ ակնարկներ էին արվում, թե այդ ուժերից մեկն էլ Արա Աբրահամյանն է: «Ես կարող եմ ասել, որ ամեն մարդ ազատ է իր գործունեության մեջ: Եթե որեւէ մեկը համարում է, որ որեւէ մեկին պետք է ֆինանսավորի, կարող է ֆինանսավորել: Եթե պայմանագիր ունեն, որ չպետք է ֆինանսավորեն, ուրեմն՝ պետք է չֆինանսավորեն»,-հարցին ի պատասխան ավելի շատ հարցեր առաջացնող հայտարարություն արեց պրն Աբրահամյանը:
Ինչ վերաբերում է ՀՀ ներքաղաքական իրավիճակին, ապա Արա Աբրահամյանը կարծում է, որ սա շատ բարդ ճգնաժամ է: «Այն, ինչ կատարվում է, գալիս է իշխանության ոչ ճիշտ քաղաքականությունից: Այնպես չէ, որ միանգամից դուրս եկան փողոց եւ այդպիսի հայտարարություններ են անում»,- ընդդիմությանը պաշտպանող հայտարարություն արեց Աբրահամյանը: Սակայն անմիջապես էլ արեց իշխանությանը պաշտպանող հայտարարություն: «Ընդդիմությունն էլ պետք է իմանա, որ ամենակարեւոր հարցը պետականությունն է: Չի կարելի անել այնպիսի հայտարարութուններ, որոնք կարող են վտանգի տակ դնել պետականությունը»,-ասաց Աբրահամյանը: Իհարկե, վերջինս չմասնավորեցրեց, թե ընդդիմության կոնկրետ որ հայտարարությունն է վտանգում պետականությունը:
Քաղաքագետ Անդրանիկ Միհրանյանն էլ հարցի առնչությամբ բերեց Ռուսաստանի օրինակը, որտեղ նույնպես խորհրդարանը ընդունեց ցույցերին ու երթերին վերաբերող օրենք, բայց Պուտինն այն չստորագրեց ու ետ ուղարկեց: Պրն Միհրանյանը դրանով, թերեւս, ուզում էր լավատեսական տրամադրութուն ստեղծել, թե Հայաստանում էլ կարող է նույնը պատահել: Նա դեռ չգիտեր, որ Քոչարյանն արդեն ստորագրել է ցույցերին ու երթերին վերաբերող հայկական օրենքը: Ինչեւէ: Արա Աբրահամյանը դեռ անցած տարի Հայաստանում բազմամիլիոնանոց ներդրումներ անելու պատրաստակամություն էր հայտնել, նաեւ մեծ գումար էր խոստացել Գրողների միությանը, գյուղակադեմիային եւ այլոց: Ներդրումների մի մասն արդեն իրականացվել է: Իսկ մնացած ներդրումները հարցականի տակ են:
«Ներդրումների համար անհրաժեշտ է քաղաքական կայություն»,-այս մասին խոսելիս անսպասելիորեն ասաց Արա Աբրահամյանը: Ինչ վերաբերում է ԳՄ-ին եւ գյուղակադեմիային խոստացած գումարներին, ապա այդ կազմակերպությունները գումարը կստանան այն ժամկետներում, որոնք նախատեսված են եղել ի սկզբանե: Երեկ չէր կարող չշոշափվել նաեւ «Ազգ» օրաթերթի հարցը: ՀՌԱԿ ատենապետ Հարություն Առաքելյանը մեղադրանքներ էր ուղղել Արա Աբրահամյանին, թե վերջինս չի կատարում «Ազգ» թերթի նկատմամբ ստանձնած պարտավորությունները: «Ես, որպես Արա Աբրահամյան, «Ազգ» թերթը չեմ գնել: Պետք է ճշտել, թե ով է գնել»,-այդ մեղադրանքներին ի պատասխան ասաց Ա.Աբրահամյանը: Ճիշտ է, «Ազգը» գնել է նրա եղբայրը, ինչը վաղուց ճշտված է, բայց ընդհանրապես իրեն մեղադրանքներ ուղղողներին ռուսահայ գործարարը հակադարձեց: «Ինձ հարցեր տալու իրավունքը պետք է վաստակել»,-ասաց նա՝ հայտարարելով, որ Հարություն Առաքելյանին ընդհանրապես չի ճանաչում:
Հայկ Գեւորգյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ