«Նու Պոգոդիի ճեպազրույցը չենք մեկնաբանում». «Ելք»-ի պատասխանը Լեւոն Զուրաբյանին

Քանաքեռ-Զեյթուն վարչական շրջանում, որտեղ այսօր քարոզարշավ էր իրականացնում «Ելք» դաշինքը, բնակիչներից մեկը քաղաքապետի թեկնածու Նիկոլ Փաշինյանից հետաքրքրվեց. «Ճիշտը ո՞րն է, որ դուք քաղաքապե՞տ լինեք, թե՞ դեպուտատ»:

«Եթե առաջադրվել եմ քաղաքապետի թեկնածու, ուրեմն համարում եմ, որ ավելի ճիշտ է քաղաքապետ լինելը»,- պատասխանեց Փաշինյանը: Քաղաքացին հակադարձեց՝ պնդելով, որ որպես պատգամավոր Փաշինյանը լավ է «դրանց պորտը տեղը դնում»:

«Հիմա ժամանակն է, որ բացի իրենց պորտը տեղը դնելուց, էն թերությունները, որոնց մասին խոսում էինք, էդ թերություններն էլ տեղը դնենք, որովհետեւ մեր խնդիրն ի՞նչ է, որ անընդհատ ինչ-որ բան էն չլինի, մենք ասենք էս չարիք, էս չարիք, էս չարի՞ք, թե՞ ընդհակառակը՝ մեր ձեռով, իրար հետ էդ էլ անենք, էն էլ անենք: Կարծում եմ երկրորդն է ճիշտ»,- համոզեց Փաշինյանը:

Շարունակելով «Ելք կա» կարգախոսով երթը՝ դաշինքի ներկայացուցիչները հանդիպեցին մի տարեց տղամարդու, որը սկսեց բողոքել թոշակից, ավանդներից:

«Տվե՛ք փողերս, 150 000  փող ունեի բանկում, բայց ես էսօր սոված եմ. ո՞վ է մեղավոր՝ Քոչարյա՞նը, թե՞ Սերժ Սարգսյանը»,- հարցնում էր նա եւ դժգոհում:

Նիկոլ Փաշինյանն ասաց, որ ինքը չէ բողոքի հասցեատերը, հետեւաբար կոչ է անում մայիսի 14-ին կայանալիք ընտրություններին «Ելք» դաշինքին ձայն տալով՝ նրան դարձնել այդ եւ նման բողոքների հասցեատեր:

Քանաքեռ-Զեյթունում բակային երթի ընթացքում «Ելք» դաշինքի համակիրներից մեկը, որ անկողնային վիճակում էր, Նիկոլ Փաշինյանին իր տուն հրավիրեց: Քաղաքապետի թեկնածուն ընդունեց հրավերը եւ զրուցեց քաղաքացու հետ:

Դաշինքի անդամները քաղաքացիների հետ շփվում էին նաեւ բնակելի շենքերի պատուհաններից՝ նրանց հարցեր տալով եւ պատասխաններ լսելով:

«Ընտրողն է որոշելու, թե ինչ օր լինի մայիսի 14-ին, մենք կարող ենք իրեն առաջարկներ անել, ինքը պիտի որոշի՝ ուզո՞ւմ է ընդունել այդ առաջարկները, թե՞ ոչ»,- լրագրողների հետ զրույցում նշեց նա՝ հավելելով, որ հույս ունի ընտրողներից ստանալ 50 +1 տոկոս ձայն եւ ընտրվել Երեւանի քաղաքապետ:

Քարոզարշավային երթի ընթացքում լրագրողները «Ելք» դաշինքի ղեկավարներից մեկից՝ Էդմոն Մարուքյանից հետաքրքրվեցին, թե ինչպես է նա վերաբերում ՀԱԿ խմբակցության ղեկավար Լեւոն Զուրաբյանի հայտարարությանը: «Կարծես լինի Շրեկի, Չիպոլինոյի եւ Ձյունանուշիկի միջեւ մի հատ սենց պայքար, որում հաղթելու է գլխավոր մուլտիպլիկատորը»,- անդրադառնալով Երեւանի քաղաքապետի ընտրություններին՝ ասել էր Զուրաբյանը:

«Մենք Նու Պոգոդիի ճեպազրույցը չենք մեկնաբանում»,- ի պատասխան ասել է Մարուքյանը:

Նույն հարցին անդրադառնալով՝ Արամ Սարգսյանն էլ ասել է. «Որպեսզի գլխավոր մուլտիպլիկատորը չհաղթեր՝ թող իրենք իրենց թեկնածուին դնեին՝ ես էլ նրան տարբեր անուններ չէի կպցնի: Պիտի ասեմ, որ անտակտ հումոր է, եւ այն, ինչ ասել է Լեւոն Զուրաբյանը՝ անտակտություն է: Ես էլ կարող եմ իրեն բազմաթիվ հերոսների նմանեցնել, բայց չեմ իջնի իր մակարդակին»:

Տպել
5225 դիտում

Մահացել է Երեւանի քաղաքապետի թեկնածուի մայրը. Գասպարյանը քարոզարշավին չի մասնակցի

Կեղտոտ քարոզարշավ է, կեղտոտ եւ սեւ PR տեխնոլոգիաների կիրառմամբ. քաղաքագետն՝ ընտրությունների մասին

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին

Հեռախոսային խոսակցությունների գաղտնիությունը խախտելու փաստով ԱԺ-ում տեղի կունենա առաջին նիստը

Երեւանում վթարի է ենթարկվել նախկին պատգամավոր Գագիկ Մխեյանի որդին՝ էլցանցի գլխավոր տնօրենի խորհրդականը

Վարչապետի որոշմամբ՝ նշանակվել է անշարժ գույքի կադաստրի կոմիտեի ղեկավարի տեղակալ

Երեւան-Սեւան ճանապարհին կայանած մեքենային է բախվել մեկ այլ մեքենա. կա 3 վիրավոր, այդ թվում՝ 2 երեխա

Հայաստանում Կոնգոյի դեսպանը հավատարմագրերի պատճենն է հանձնել ՀՀ ԱԳ նախարարին

«Լրագրողներ առանց սահմանների» կազմակերպությունը դատապարտել է խուզարկությունները Yerevan.Today-ում

Պուտին-Էրդողան հանդիպման արդյունքները. Իդլիբի շուրջ զինված գործողություններ, հարձակում չի լինի

Այսօր ու վաղը Հայաստանի մեծ մասում սպասվում է անձրեւ, ամպրոպ, քամու ուժգնացում

3 տարբեր մեդալներ ու խրախուսումներ՝ ԱԻ նախարարության մի շարք աշխատակիցների

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)