Եռատոնի օրերին բանակը բարձր պատրաստականության է բերվել՝ ցանկացած ագրեսիա կասեցնելու համար

Մայիսյան եռատոնին ընդառաջ հայ-ադրբեջանական եւ ղարաբաղա-ադրբեջանական սահմաններին կրկին լարվածության աճ է նկատվել: Արցախի նախագահի մամուլի խոսնակ Դավիթ Բաբայանը armtimes.com-ին հայտնեց, որ ծանոթ լինելով Ադրբեջանի մարտավարությանը (իր իսկ պարտության օրերին սրել իրավիճակը), Արցախի բանակը բերվել է մարտական բարձր պատրաստականության վիճակի.

- Պարոն Բաբայան, վերջին մի քանի օրերին կրկին տեղեկություններ են հաղորդվում, որ հայկական պետությունների սահմաններին իրավիճակը լարված է: Արցախի ղեկավարությունն ինչո՞վ է պայմանավորում սա:

- Հիմնական պատճառը Ադրբեջան պետության էությունն է, դրա կառավարման համակարգը: Մի պետություն, որն իր էությամբ ահաբեկչական է, տոնական օրերին այդ պետությունից սպասել քաղաքակիրթ մոտեցում՝ պարզապես ճիշտ չի: Հատկապես այն օրերին, երբ Ադրբեջանը պարտություններ է կրել՝ ավելի ընդգծված է խախտում զինադադարի ռեժիմը:

- Ի՞նչ են ուզում ցույց տալ պարտությունների օրերին լարում ստեղծելով:

- Մենք տեսանք շինծու լրտեսային սկանդալը Ադրբեջանում, իբր բացահայտվել են հայկական հետախուզության հետ համագործակցող խմբեր: Սա էլ է այս ամենի մեջ տեղավորվում: Մի շարք նպատակներ են ուզում իրականացնել: Նախ, փորձում են հասարակության վստահությունը սեփական ուժերի նկատմամբ բարձրացնել, չէ՞ որ այն ոտնահարված է եղել եւ ղարաբաղյան պատերազմից եւ քառօրյա պատերազմից հետո: Երկրորդ, քանի որ Ալիեւը Ադրբեջանը սեփականաշնորհել է, այս կապակցությամբ կա մեծ դժգոհություն Ադրբեջանում: Ի վերջո, նորմալ երեւույթ չէ, որ սեփական կնոջը նշանակում է երկրի առաջին փոխնախագահ: Նույնիսկ Ադրբեջանում մարդիկ կան, որոնց համար դա զզվելի է, այդ թվում՝ նաեւ պետական համակարգում, բանակում եւ ուժային կառույցներում:

Բայց ինչպե՞ս ցույց տա սեփական հասարակությանը, որ այս ձերբակալությունները, հետապնդումները ոչ թե իր շահերից են բխում, ոչ թե իշխանության կլանը պահելու համար են, այլ զուտ հայրենասիրություն: Այս դեպքում, անպայման պետք է շահարկել արտաքին թշնամու կերպարը, որպեսզի ցույց տան, որ ձերբակալվողները ոչ թե թշնամի են ադրբեջանական կլանին, ոչ թե Ադրբեջանի հայրենասերներ են, այլ պարզապես թշնամի են ադրբեջանական պետությանը, որովհետեւ համագործակցում են թշնամու հետ: Դա թույլ է տալիս նաեւ միջազգային հանրության աչքերը փակել, որ տեսեք՝ սա ոչ թե ներքին խնդիր է, ոչ թե խոսքի ազատության խնդիր է, այլ պատերազմի մեջ գտնվող երկրի շահերից բխող անհրաժեշտություն: Մի խոսքով, ալիեւյան կլանի իշխանությունը պահպանելու հրամայական կա. գերնպատակը դա է, ուրիշ խնդիր չկա:

- Եռատոնի օրերին Արցախի ղեկավարությունը լարվածության որեւէ լուրջ դրսեւորում սպասո՞ւմ է, թե՞ ոչ:

- Զարգացումները կախված են նրանից, թե ինչքանով ենք մենք պատրաստ դիմակայել ցանկացած արկածախնդրություն Ադրբեջանի կողմից: Դուք գիտեք, որ վերջին օրերին Ադրբեջանը Թուրքիայի հետ էր զորավարժություններ անցկացնում: Հատկապես եռատոնի օրերին բանակը բերվում է պատրաստականության ամենաբարձր աստիճանին, դա միշտ էլ եղել է: Այնպես որ, հիմա ընդգծված բարձր պատրաստականություն է ապահովվում եւ, կարծում եմ, պատրաստ ենք ցանկացած պրովոկացիա, ցանկացած ագրեսիա կասեցնելու: Եվ հենց սա է կայունության հիմքը: Ինչքան մենք կայուն լինենք, ինչքան հզոր լինենք, պատրաստ լինենք, այնքան կայուն կլինի իրավիճակը: Հենց որ թշնամին զգում է, որ մենք կարող ենք թուլանալ, անմիջապես փորձում է առիթից օգտվել: Ապրիլին նա սխալ հաշվարկ էր արել՝ պատկերացնելով, թե հայն այլեւս ի վիճակի չէ պաշտպանվելու, ներքին պառակտումներ, անջրպետներ, սոցիալական, տնտեսական խնդիրներ կան: Այդ հաշվարկները ցույց տվեցին իրենց, տակավին սխալ լինելը, բայց նրանք չեն դադարում այդ ուղղությամբ մտածել: Մի վայրկյան անգամ չեն դադարեցնելու հետեւել մեզ եւ փորձել օգտվել մեր թուլությունից: 

Տպել
13979 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին