Գյումրու հանրակացարանում առնետները հարձակվում են երեխաների վրա. տեսանյութ, ֆոտո

Անձրեւային եղանակների մեկնարկին զուգահեռ Գյումրու Գործարանային 2-Ա հանրակացարանի շենքը հայտնվել է անձրեւանջրերի մեջ: Երրորդ վթարային աստիճան ունեցող չորս հարկանի կառույցը չունի տանիք: Անձրեւաջրերը չորրորդ հարկից հասնում են առաջին հարկ:

«Չորրորդ հարկում կաստուրկեք ու վեդրոներ ենք շարել, որ ջուրը չլցվի վրեքս: Երբ ամանները կլցվի, կգանք, կթափենք: Չգիտենք, թե ուր գնանք, տեղ չունենք գնալու»,-ասում է հանրակացարանի բնակիչ Վարդուհի Գալստյանը:

Այս հանրակացարանում բնակվում է 9 ընտանիք:  Հանրակացարանը զուրկ է կոմունալ բոլոր հարամարություններից: Շինությունը չունի ջրահեռացման համակարգ, իսկ խմելու ջուրը բնակիչները բերում են հարեւան առանձնատների բակերից:

Հանրակացարանում ապաստանած բնակիչներից ոմանք, ըստ իրենց ներկայացրածի, ունեն անօթեւանի կարգավիճակ: 88-ի երկրաշարժից հետո փոխատուցում պետությունից չեն ստացել: Նշում են, որ ֆինանասական խնդիրներով պայմանավորված չեն կարողանում նույնիսկ վարձակալական հիմունքներով ապրել:

«Շունը ըսկի ստեղ չի ապրի: Առաջին հարկ կապրիմ, բայց չորրորդ հարկից ջուրը կհասնի ստեղ, չորս կողմից կաթում է տունը: Ես երրորդ կագի հաշմանդամ եմ, բրոնխներով հիվանդ, ստանում եմ 16 հազար դրամ թոշակ, էդ փողով որտե՞ղ գնամ, տուն վաձեմ: Թոշակով վարձ տա՞մ, հաց առնի՞մ, կոմունալ մուծե՞մ, ի՞նչ էնեմ»,-ասում է հանրակացարանի բնակիչ Սիլվա Համբարձումյանը:

Բնակիչների խոսքով՝ հանրակացարանում առկա են նաեւ առնետներ, որոնք պարբերաբար վնասվածքներ են հասցնում անչափահաս երեխաներին:

«Կռիսները գիշերը էրեխի ականջը կռծել էին: Տունը լրիվ թակարդ է դրած: Ամեն գիշեր զարթուն կմնամ, կվախենամ քնիմ, որ հանկարծ կռիսները նորից էրեխեքի վրա չհելնին»,-ասում է Վարդուհի Գալստյանը:

Հանրակացարանի բնակիչներն ասում են, որ խնդրի մասին տեղեկացրել են Շիրակի մարզպետարանին եւ Գյումրու քաղաքապետարանին: Նշյալ կառույցներից բնակիչներին հուսադրող պատասխան չեն տվել:

«Դիմել ենք մարզպետարան, քաղաքապետարան, բայց ասել են, որ մեր բալանսի մեջ չէ: Էս շենքը պատկանում է Երեւանի ռադիոզավոդին, եղել է էդ գործարանի հանրակացարանը: Դրա համար էլ քաղաքապետարանից մեզ տեր չեն էղնի»,-ասում է Սիլվա Համբարձումյանը:

Գյումրու քաղաքապետարանի մամուլի խոսնակ Սոնա Առաքելյանը armtimes.com-ին  տեղեկացրեց, որ հանրակացարանի այս շենքը պատկանում է մասնավոր ընկերության: Քաղաքապետարանը փորձում է այն գնել եւ դարձնել համայնքի սեփականությունը՝ հետագա գործողությունները կատարելու համար:

Մանրամասները՝տեսանյութում:

 

Տպել
4628 դիտում

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը