15 հազար դրամներ տրամադրելու մեջ որեւէ անօրինական բան չկա. Նիկոլ Փաշինյան

Երեւանի քաղաքապետի թեկնածու Նիկոլ Փաշինյանն այսօր «Հոդված 3» մամուլի ակումբում հրավիրված մամուլի ասուլիսի ժամանակ անդրադարձավ «Ելք» դաշինքի կողմից առաջարկվող «15 հազար դրամների» սոցիալական աջակցության դրույթին, որը տրամադրելու են ընտրակաշառքից հրաժարված բոլոր այն քաղաքացիներին, որոնք քաղաքապետարանում համապատասխան դիմում կգրեն: Հարցմանը, թե արդյոք այդ առաջարկն անօրինական է, Նիկոլ Փաշինյանը կտրուկ բացասական պատասխան տվեց: «Արդյո՞ք իրավական առումով մենք որեւէ խնդիր ունենք այս առաջարկի հետ: Այսինքն՝ արդյոք այն հակաօրինական որեւէ տարր պարունակում է: Սրա պատասխանը միանշանակ բացասական է, այն 100 տոկոսով համապատասխանում է օրենսդրությանը»,- ասաց Նիկոլ Փաշինյանն ու անդրադարձավ այդ առաջարկի քաղաքական շեշտադրմանը:

Երեւանի քաղաքապետի թեկնածուն նկատում է, որ քաղաքական ուժը պետք է տիրապետի իր շուրջ ստեղծված իրավիճակին՝ նկատի ունենալով այն, որ քաղաքական ուժի գործունեության վայրում, այդ ուժը պետք է լուծումներ առաջարկի այն խնդիրների վերաբերյալ, որոնք որոշակի ճգնաժամային իրավիճակ են առաջացրել: Բանախոսը Հայաստանում ստեղծված ընտրակաշառքի ինստիտուտը համարում է քաղաքական ճգնաժամ, իսկ «Ելք» դաշինքի ներկայացուցիչներն իրենց պարտքն են համարում այդ ճգնաժամից լուծում առաջարկել՝ պատրաստ լինելով նաեւ այդ խնդրի հետ կապված այլ մեխանիզմներ քննարկելու:

«Որեւէ քաղաքական ուժի կամ քաղաքական գործչի համար բարոյական չի, երբ որ նա իր կեցվածքով եւ դիրքորոշմամբ որոշի, որ այն ընտրողները, որոնք քվեարկում են ընտրակաշառքով, ինքը հրաժարվում է այդ ընտրողների հետ աշխատել եւ նրանց փորձել բերել օրենքի, օրինականության, քաղաքական եւ քաղաքացիական գիտակցության դաշտ»,- ընդգծեց Նիկոլ Փաշինյանը:

Վերջինիս համոզմամբ՝ Երեւան քաղաքի բյուջեն «Ելք» դաշինքի հաղթանակից հետո 30-40 միլիարդ դրամով կավելանա, իսկ իրենց առաջարկած ուղերձն ընդունած քաղաքացիները Երեւան քաղաքում ձեւավորում են արդյունավետ եւ ժողովրդական իշխանություն՝ կոռումպացված եւ կլանային իշխանության փոխարեն՝ նպաստելով Երեւան քաղաքի բյուջեի ավելացմանը:

«Ընտրակաշառքով ընտրողների հնարավոր թիվը (եթե ընտրությանը մասնակցած բոլոր ընտրողները դիմում գրեն), եթե բազմապատկում ենք 15 հազար դրամով, ապա շուրջ 3 միլիարդ դրամ է կազմում, իսկ այդ 3 միլիարդ դրամը «Ելք»-ի խոստացած 30 միլիարդ լրացուցիչ մուտքերի ընդամենը 10 տոկոսն է»,- բացատրեց Ն. Փաշինյանը: Վերջինս կարծում է, որ այդ կերպ նաեւ քաղաքացիները կօգնեն, որ Երեւանի բյուջե էական մուտքեր արվեն:

«Մեր փորձագետների գնահատմամբ՝ Երեւան քաղաքում մոտավորապես 15 միլիարդ դրամի գույքահարկի թերագնահատում կա: Անշարժ գույքի գույքահարկը ձեւավորվում է շենք շինության կադաստրային արժեքով եւ այն դեպքերը…. եւ մամուլն այդ մասին գրել է, որ շենքերի կադաստրային արժեքները թերագնահատված են: Այսինքն՝ որեւէ մի սուբյեկտ, որը գույքահարկ պետք է վճարի, օրինակ 1 մլն դրամ, վճարում է 40 հազար դրամ: Այդ թերագնահատումները շատ արագ կվերացվեն»,- նշեց Նիկոլ Փաշինյանն, ու թվեց բյուջեի մուտքերն ավելացնելու «Ելք» դաշինքի առաջարկած տարբերակները: Դրանից մեկը ծառայությունների մատուցման պայմանագրերում ուռճացված գներն են: Օրինակ՝ Երեւանում տեղակայված նստարանները թանկ գնով են ձեռք բերվում եւ տեղեկություն չկա, թե որքան է ձեռք բերվել:

«Ելք» դաշինքի ավագանու թեկնածու Արայիկ Հարությունյանը նույնպես անդրադարձավ սոցիալական վճարների օրինականությանը: «Արդյո՞ք այդ դիմումը հաղորդում չի հանցագործության մասին: Դուք մի հատ պատկերացրեք, որ Երեւան քաղաքում տեղի է ունեցել իշխանափոխություն: Այսինքն՝ այդ դիմումները քաղաքացիները կարող են գրել այն ժամանակ, երբ «Ելք» դաշինքը եկել է իշխանության եւ մենք կարծում ենք, որ դա այնպիսի մթնոլորտ է փոխելու ՀՀ-ում, որ այդ դիմումների ոստիկանություն ներկայացնելու կարիքը չի լինելու, որովհետեւ ոստիկանությունն իր մեջ խնդիրներ է ունենալու սրանք չբացահայտելու առումով»,- նշեց Արայիկ Հարությունյանը:

Երեւանի ավագանու թեկնածու Դավիթ Խաժակյանն էլ անդրադարձավ մայրաքաղաքի մետրոպոլիտենի նոր կայարանի բացման խոստմանը, որը «Ելք» դաշինքն իրատեսական է համարում: Նա հիշեցրեց, որ 250 միլիոն եվրոն վերաբերվում է երկու նոր կայարանի կառուցմանը, որոնցից մեկը պետք է տեղակայվի Աջափնյակ վարչական շրջանի Ֆիզիկայի ինստիտուտի խաչմերուկի մոտ, իսկ մյուսը՝ Գեւորգ Չաուշի արձանին հարող տարածքում: «Երբ Ելք դաշինքն ասում է՝ պետք է կառուցենք, ընդ որում, ասում է, որ մինչեւ 2022 թվականը հնարավոր է ավարտել Աջափնյակի մետրոպոլիտենի կայարանը, խոսքը գնում է Հալաբյան փողոցի վրա տեղակայված այժմյան կայարանի մասին, որի շինարարությունը կանգնած է, եւ որի շարունակումը չի պահանջում այնքան գումար` նոր երկու կայարանների մասին»,- նշեց Դավիթ Խաժակյանը: Երեւանի ավագանու թեկնածուի խոսքով՝ Աջափնյակի կայարանի թունելը գրեթե պատրաստ է, մնացել են տեխնիկական հարցեր եւ հնարավոր է մինչեւ 2022 թվականը ունենալ նման կայարան, իսկ մետրոպոլիտենի արդյունավետության համար՝ Հալաբյան փողոցի երթուղային գծերի ուղեւորահոսքը պետք է ուղղեն դեպի մետրո:

Տպել
16118 դիտում

ԱՄՆ Կոնգրեսի միջանկյալ ընտրություններ․ սկսում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

Կալիֆորնիայի աղետալի հրդեհի զոհերի թիվը հասել է 80-ի, 1200 մարդ անհետ կորած է համարվում

Հայաստանում բոլոր ավտոճանապարհները բաց են, Լարսը դեռ փակ է 445 բեռնատարների համար

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում արջին թակարդը գցած անձին

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները