«Ելք» դաշինքը ԿԸՀ-ից եւ դատարանից կպահանջի ՀՀԿ-ի գրանցումն անվավեր ճանաչել. Նիկոլ Փաշինյան

Երեւանի քաղաքապետի թեկնածու Նիկոլ Փաշինյանն այսօր ՀՀ կենտրոնական ընտրական հանձնաժողովի դիմաց հրավիրած մամուլի ասուլիսի ժամանակ հայտարարեց, որ երեկ «Ելք» դաշինքին հաջողվել է փաստել ընտրակաշառքի ամենախոշոր դեպքը երրորդ Հանրապետության պատմության մեջ: Նիկոլ Փաշինյանը ներկայացրեց երեկ Մալաթիա Սեբաստիա վարչական շրջանում կատարված իրադարձությունները, թե ինչպես են Տարոն Մարգարյանի ցուցանակը հանել շտաբի վրայից, թե ինչպես է այնտեղ գտնվել 2012 թվականին ԱԺ պատգամավորի թեկնածու Վարդան Վարդանյանն ու հարվածել «Ելք» դաշինքի վստահված անձ Հայկ Սարգսյանին:

«Ոստիկանության Մալաթիա Սեբաստիայի բաժին որպես այդպիսին գոյություն չունի, գոյություն ունի Սամվել Ալեքսանյանի անձնական ոստիկանների խումբ, որոնք պետական բյուջեից ուղղակի սնվում են: Այդ ոստիկանության բաժինը պետք է ուղղակի ցրվի»,- հայտարարեց Նիկոլ Փաշինյանը՝ նշելով, որ ոստիկանության, դեպքի վայրում գտնվելուց հետո, առաջին խնդիրը եղել է այն, որ «Ելք» դաշինքի բոլոր ներկայացուցիչները տեղափոխվեն բաժին:

Երեւանի քաղաքապետի թեկնածուի կարծիքով՝ ոստիկաններն ամեն կերպ խուսափեցին Տարոն Մարգարյանի շտաբը զննելուց կամ խուզարկելուց, սակայն իրենք պահանջել են, որ զննություն իրականացվի: Ոստիկանները սկզբում ցանկացել են զննություն իրականացնել առանց «Ելք»-ի ներկայացուցիչների եւ լրագրողների մասնակցությամբ, սակայն երբ հասկացել են, որ առանց դաշինքի ներկայացուցիչների ներկայության չեն կարող զննություն իրականացնել՝ որոշել են, որ սեփականատիրոջ քունը տանում է եւ նա պետք է գնա քնելու:

«Մալաթիայի ոստիկանության բաժնի պետը, պետի տեղակալը, քրեական հետախուզության բաժնի պետը, դատախազը ներկա, էդ մարդն ասեց՝ գիտեք ինչ, ես գնում եմ քնելու, ես ունեմ քնելու իրավունք եւ առավոտյան գործի եմ, եւ թողեց, գնաց, ոստիկանությունը կնքեց տարածքը, մենք էլ իհարկե մեր կնիքը դրեցինք»,- մանրամասնեց Նիկոլ Փաշինյանը, ենթադրելով, որ շտաբում կարող են լինել իրեղեն ապացույցներ:

«Ելք» դաշինքի ավագանու ցուցակը գլխավորող Նիկոլ Փաշինյանն այս միջադեպով կարեւոր արձանագրում կատարեց՝ Տարոն Մարգարյանն ընտրակաշառքներ է բաժանել իր պաշտոնական շտաբից: Ստեղծված իրավիճակում «Ելք» դաշինքը պետք է դիմի ԿԸՀ եւ դատարան ՀՀԿ-ի գրանցումը չեղյալ համարելու պահանջով: Հաջորդ քայլն այն է, որ քվեարկությունից հետո բոլոր այն ծրարները, որոնց մեջ կլինի օտար որեւէ բան բացի քվեաթերթիկը պետք է անվավեր համարվի, իսկ գունավոր գրիչներով քվեարկված քվեաթերթիկները պետք է համարել ոչ սահմանված նմուշի: «Քանի որ մենք ունենք ահազանգ եւ վկայություն, որ դուրս են բերվել քվեաթերթիկներ, ուրեմն պետք է բոլոր քվեաթերթիկները մեր վստահված անձի մասնակցությամբ հանձնաժողովի անդամների կնիքները դրվեն եւ այլն: Դրոշմապիտակներից հետո կնիքները չեն դրվում, պետք է դրվեն եւ վավեր համարվեն այդ քվեաթերթիկները»,- հայտարարեց Նիկոլ Փաշինյանը:

Երեւանի ավագանու ընտրություններում «Ելք» դաշինքի նախընտրական շտաբի ղեկավար Էդմոն Մարուքյանը պարզաբանեց իրենց դիմումների բովանդակությունները:

«Երկու դիմում է ներկայացվում: Առաջին դիմումը ՀՀԿ-ի գրանցումն անվավեր ճանաչելու դիմումն է, երկրորդ դիմումն այն դիմումն է, որ եթե, ըստ էության, մերժվի առաջին դիմումը, երկրորդ դիմումով կանխել ստուգման մեխանիզմը»,- պարզաբանեց Էդմոն Մարուքյանը:

Տպել
2213 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին