Ծառայում են իշխանությանը. չի գտնվում գեթ մի ոստիկան

18/05/2017 schedule15:55

Երեւանի ավագանու ընտրությունների ժամանակ թերեւս ամենամերկացած պետական մարմինը հայրենի ոստիկանությունն էր: Դա արտահայտվեց մի քանի էպիզոդներում, որոնք, սակայն, բավականին լավ ցույց տվեցին համակարգի էությունը:

Հերոսությունները

Քննարկենք, թե ինչպես էր ոստիկանությունը թե այս, եւ թե նախորդ ընտրություններում արձագանքում ընտրակաշառքի ահազանգերին: Անգամ այն դեպքերում, երբ լրագրողները կամ դիտորդները գտնում էին քաղաքացու, որը տեսախցիկի առջեւ պատմում էր, որ ընտրակաշառք է վերցրել (նշելով, թե ումից, որտեղ, երբ, ում հետ, ինչքան, ում համար), ոստիկանությունը ոչ միայն չէր բացահայտում հանցագործությունը, այլեւ, հակառակը, «սպանում էր» գործը... Ոստիկանություն այցելելուց հետո բոլոր այդ քաղաքացիներն ասում էին, որ թյուրիմացություն է եղել, եւ իրենք ընտրակաշառքի մասին ոչինչ չգիտեն: Եվ, մեղմ ասած, հազիվ թե ընտրակաշառքի այդ պատրաստի գործերը փակելը լիներ ստորին կամ միջին սպայակազմի որոշմամբ, քանի որ իրենք դրա մոտիվացիան չունեն: Դա, բնականաբար, եղել է վերեւից եկող հրամաններով:

Ոստիկանական ապօրինությունների մեկ այլ ապացույց էր «Ելքի» ակտիվիստների կողմից աղբամանում հայտնաբերված ոստիկանության ՊՊԾ գնդից Հանրապետական կուսակցության շտաբ ուղարկված ընտրողների ցանկով ֆաքսը: Այն ապացուցեց ոստիկանության վարչական ռեսուրսի՝ Հանրապետական կուսակցության համար չարաշահվելու փաստը: ... Եվ ձեր մեջ կարող է հանկարծ կասկած առաջանալ, թե միգուցե այդ էլեկտրոնային նամակը ինչ-որ մի վատ ծառայողի նախաձեռնությունն էր, որը միգուցե ՀՀԿ-ի գաղափարական աջակիցն է: Բայց այդ դեպքում այդ «վատ» ՀՀԿ-ական ոստիկանը որեւէ այլ ճանապարհով կուղարկեր  ընտրողների ցուցակը, եւ ոչ ՊՊԾ գնդի ֆաքսով:

Ոստիկանության լկտիությունը, սակայն, արտահայտվեց այն ժամանակ, երբ «օրենքի պաշտպանները» ջանք չէին խնայում Հանրապետական կուսակցության շտաբներում հնարավոր հանցագործությունների մասին վկայող փաստերը Ազգային ժողովի պատգամավորներից պաշտպանելիս: Նախ Նիկոլ Փաշինյանին փորձում էին չթողնել շտաբ, որտեղ նախորդ օրը ընտրակաշառք էր բաժանվում, իսկ հետո՝ քվեարկության օրը, Զարուհի Փոստանջյանին (դստեր հետ) բռնի ուժի կիրառմամբ դուրս հանեցին Տարոն Մարգարյանի շտաբից, ուր Փոստանջյանը փորձում էր ձեռք բերել հանցագործության մասին վկայող փաստեր: Ուշադրություն դարձրեք, որ ոստիկանները հանցագործությունների մասին ահազանգերը ստանալուց հետո ոչ այդքան դրանց բացահայտմամբ էին զբաղվում, որքան ահազանգողներին դիմադրելով ու խանգարելով: Ընդ որում, միջադեպերի ժամանակ ոստիկանները առաջնորդվում էին ոչ թե օրենքով, այլ այդ պահին իրենց տրվող հրահանգներով:

Օրենքի գոյությունը ձեւական է

Բոլոր այս դեպքերը ոչ թե օրենքի խախտում են, այլ դրա համակարգային ոտնահարում, բռնաբարում, եթե կուզեք: Բոլոր այս դեպքերը այնքան հեռու են օրինականությունից, որ դժվար կլինի թվարկել Սահմանադրության, միջազգային պայմանագրերի, օրենսգրքերի ու օրենքների խախտված դրույթների ամբողջական ցանկը:

Ապօրինությունների մասշտաբով կարող են համեմատվել միմիայն 2016 թ. հուլիսի 20-ին ու 29-ին Երեւանում խաղաղ ցուցարարների նկատմամբ հատուկ միջոցների կիրառման դեպքի եւ 2015 թ. հունիսի 23-ին Բաղրամյան պողոտայում խաղաղ ցուցարարներին ջրանետով ցրելու դեպքերի հետ: Այդ դեպքերի ժամանակ եւս խախտվեց օրենքների մի փունջ եւ չգտնվեց գոնե մի ոստիկան, որը կասեր «սա ապօրինի է, ես սա չեմ անելու»:

Դժվար է ասել, թե, ասենք, ՊՊԾ գնդում եղել է այնպիսի ոստիկան, որը ասել է՝ «պարոնայք, ես ՀՀԿ-ի համար ցուցակ չեմ տալու»: Բայց, վստահաբար չի եղել այնպիսի մեկը, որը կասի «այդ ցուցակ հավաքելը հակաօրինական է»: Չի եղել նաեւ մեկը, որը կասի «Ու՞ր եք Զարուհի Փոստանջյանին քաշքշում, ավելի լավ է տեսնենք, թե այդ ի՞նչ ցուցակներ են ՀՀԿ-ում թաքցնում»:

Այդպիսի ոստիկաններ չեն եղել, քանի որ ոստիկանությունում դրվածքը ենթադրում է ենթարկվել ոչ թե օրենքին, այլ հրահանգին՝ անկախ դրա օրինական կամ ապօրինի լինելուց... Եվ երբ Ազատության հրապարակում Լեւոն Երանոսյանը հրահանգում է կոտրել լրագրողի տեսախցիկը, չի գտնվում մի ոստիկան, որը կպաշտպանի այդ լրագրողին: Չի գտնվում գեթ մի իրական ոստիկան:

Դանիել Իոաննիսյան

Տպել
2219 դիտում

ՀՀԿ-ական պատգամավորները նախարարից ու 12 մլն. եվրոյից են բամբասում, քննադատում նախագիծը

ՍԱՊԾ-ը կասեցրել է հացի արտադրամասի գործունեությունը

ՀՀ արտգործնախարարը կայցելի Բրյուսել

Անդրիաս Ղուկասյանի գործով տեսանկարահանումը կարգելվի՞. միջնորդել է դատախազը

«911»-ը ուժգին քամու հետ կապված ահազանգեր է գրանցել Իջեւանից, Դիլիջանից, Ստեփանավանից

Եվրոպական կուսակցությունների խորհրդարանական ընտրությունների ընտրարշավը թեժ է լինելու

ԱԻ նախարարը մասնակցել է ՀԱՊԿ պետությունների արտակարգ իրավիճակները համակարգող խորհրդի նիստի

Ապրիլին ադրբեջանցիները գրավեցին հայկական դիրքերը, բայց չկարողացան մոտենալ դրանց. Իվանով

Մադրիդի ավիաբազայում ընկել է F-18 ավիակործանիչը, զոհվել է օդաչուն

Վարչապետ Կարապետյանն աշխատանքից ազատել է իր օգնական Նարեկ Ադոնցին. վերջինս նրա սանիկն է

Արցախի ճակատագիրը չի կարող որոշվել առանց նրա. Սահակյանը՝ Սարգսյան-Ալիեւ հանդիպման մասին

Ղազախստանի հետ կոնֆլիկտը շարունակվում է. ԵՏՀ-ից հետո Ղրղզստանը դիմել է ԱՀԿ

Չսահմանված վայրում աղբ թափելու դեպքում պատասխանատվության են ենթարկվելու. Տարոն Մարգարյան

Ադրբեջանում ավելի քան 160 քաղբանտարկյալ կա, այդ թվում՝ 20 լրագրող եւ բլոգեր

Այս տարի կշրջանառվի գրիպի AH1 ենթատեսակը կամ, որ նույնն է, «խոզագրիպը»

Եղանակը Հայաստանում. ջերմաստիճանը կնվազի, իսկ հետո աստիճանաբար կբարձրանա

Կառավարությունը «Ելք»-ի պատգամավորներին առաջարկում է խաղատների մասին օրենքը չփոխել

Սերժ Թանկյանը մասնակցեց իր սիմֆոնիայի փորձին

Կպարզվի, որ իմ պաշտպանյալը կաշառք չի վերցրել. «Վանաձոր» ՔԿՀ-ի պետը չի ընդունում մեղադրանքը

Շուրջ 50 ծրագիր. կառավարությունում քննարկվել են համայնքային զարգացմանն ուղղված քայլերը