ԱԺ-ն կունենա 9 մշտական հանձնաժողով. Էդմոն Մարուքյանը մի քանի անգամ խայթեց Արմեն Աշոտյանին

Ազգային ժողովի մշտական հանձնաժողովներ ձեւավորելու քննարկումներն ավարտվեցին: Ազգային ժողովը քվեարկության դրեց «ՀՀ Ազգային ժողովի վեցերորդ գումարման մշտական հանձնաժողովներ ստեղծելու մասին» ՀՀ ԱԺ որոշման նախագծի երկու` ՀՀԿ-ի եւ «Ելք» դաշինքի տարբերակները: ՀՀԿ-ի առաջարկով ԱԺ մշտական հանձնաժողովների քանակը կրճատվելու էին՝ նախկինում առկա 12-ի փոխարեն դառնալով 9 հանձնաժողով: «Ելք» դաշինքի առաջարկությամբ ԱԺ-ն պետք է ունենար 10 մշտական հանձնաժողով, և պահպաներ Մարդու իրավունքների հանձնաժողովը:

Առաջինը քվեարկության դրվեց ԱԺ մեծամասնության նախագիծը, որն ընդունվեց ձայների 64 կողմ, 9 դեմ, 4 ձեռնպահ համամասնությամբ: «Ելք» դաշինքի առաջարկին կողմ քվեարկեց 30 պատգամավոր, դեմ 0, ձեռնպահ 1:

Հարցի քննարկման ժամանակ «Ծառուկյան» խմբակցության պատգամավոր Նաիրա Զոհրաբյանը հայտարարեց, որ իրենց խմբակցությունը կողմ է քվեարկելու «Ելք» խմբակցության առաջարկին, որպեսզի ԱԺ մշտական հանձնաժողովների թիվը լինի 10-ը: Այնուամենայնիվ, դաշինքի ոչ բոլոր պատգամավորները մասնակցեցին քվեարկությանը:

Մինչ այդ, «Ելք» խմբակցության առաջարկը ներկայացրած Էդմոն Մարուքյանը եզրափակիչ ելույթ ունեցավ՝ անդրադառնալով «Հանրապետական» խմբակցության կողմից «Ելք»-ի առաջարկի վերաբերյալ արված քննադատություններին:

«Մենք քննարկում ենք մի նախագիծ, որը ներկայացվել է քաղաքական մեծամասնության կողմից, որի վերնագիրն է «ՀՀ 6-րդ գումարման ԱԺ-ում Մարդու իրավունքների եւ հանրային հարցերի հանձնաժողովը փակելու մասին», քվեարկությունն այսպիսին է լինելու, եւ երկրորդ` ալտերնատիվ նախագիծը մենք ենք ներկայացրել, որը կոչվում է «ՀՀ 6-րդ գումարման ԱԺ-ում Մարդու իրավունքների եւ հանրային հարցերի հանձնաժողովը չփակելու մասին»,- ասաց Էդմոն Մարուքյանը՝ նշելով, որ խոսակցություն չի գնում, թե ում որ դաշինքը կհասնի:

Մարուքյանի խոսքով՝ անկախ նրանից, թե իրենց ինչ հանձնաժողով կհասնի, իրենք կկարողանան կոմպետենտ թեկնածու առաջարկել այդ հանձնաժողովի նախագահի պաշտոնում: «Մեզ մոտ ձեր կուսակցության նման չի, բնավ, որ օրինակ՝ վերջերս կրթության եւ գիտության նախարար աշխատած մարդուն փորձ է արվում վստահել Արտաքին հարաբերությունների մշտական հանձնաժողովը»,- ասաց Էդմոն Մարուքյանը՝ նշելով, որ ինքը կարող է մի շարք հանձնաժողովներ ղեկավարել, բայց չի կարող օրինակ՝ Առողջապահության հանձնաժողովը ղեկավարել: «Այ, նման բաներ կան, իսկ դուք կարող եք, օրինակ, բայց ես ձեր անունն այդպես էլ չհնչեցրեցի»,- ձեռն ուղղելով ՀՀԿ-ական Արմեն Աշոտյանի կողմը՝ ասաց Էդմոն Մարուքյանը:

Վերջինիս խոսքով` ընթացող քննարկման ժամանակ «Ելք» դաշինքը պաշտպանում է 6-րդ գումարման Ազգային ժողովի շահը, որն է՝ ունենալ կարեւորագույն հանձնաժողովներ: «Մենք որեւէ մեկից որեւէ բան չենք խնդրում, մենք Դոնթի բանաձեւով մեզ հասանելիք բաներն ենք պահանջում, իսկ Դոնթի բանաձեւով, եթե 10 հանձնաժողով լինի, մի հանձնաժողովը հասնում է «Ելք» դաշինքին, եթե 9-ը, ապա չի հասնում»,- նկատեց Էդմոն Մարուքյանը:

Անդրադառնալով «Հանրապետական» խմբակցության ղեկավար Վահրամ Բաղդասարյանի հայտարարությանը, թե ընդդիմությունը հանձնաժողովի նախագահի պաշտոն է ուզում, նաեւ ծառայողական ավտոմեքենա, Մարուքյանն ասաց. «Կարող ե՞ք այս ամբիոնից ասել, որ ում որ տալու եք, հրաժարվելու է իր ավտոմեքենայից, հա՞, հակադարձ հարցը ես եմ տալիս, կամ աշխատավարձը թող փոխանցի մանկատներին: Էդ գնացեք ձեր կառավարման օպտիմալացման ծրագրերով արեք: Այստեղ մենք պահպանում ենք ԱԺ «Կանոնակարգ օրենքը», Դոնթի բանաձեւը, ընդդիմության շահերը, ՀՀ քաղաքացիների շահերը»,- նշեց Մարուքյանն ու կրկին անդրադարձավ ՀՀԿ-ի բժիշկներին:

«Սիրելի բժիշկները, որ կրթության եւ գիտության նախարար են աշխատել, թող չմտահոգվեն: Երբեք ես ձեր անունը չեմ հնչեցնի»,- ասաց Մարուքյանը: Կրկին արձագանքելով Աշոտյանին, ով, ըստ ամենայնի, ցանկանում էր, որ իր անունը հնչի, որպեսզի արձագանքի իրավունք ստանա:

ԱԺ փոխխոսնակ Էդուարդ Շարմազանովն առանց խոսափողի ասաց. «Արխային հնչեցրա»: Մարուքյանը դրա անհրաժեշտությունը չտեսավ: «Պարոն Մարուքյան, եթե թույլ տաք ես ձեզ օգնության կարգով մի բան ասեմ՝ ես հիմա նայեցի Կանոնակարգ օրենքը, անուն տալուց հետո որեւիցե մեկն իրավունք չունի խոսք վերցնելու, պատասխանելու»,- միջամտեց ԱԺ նախագահ Արա Բաբլոյանը:

Էդմոն Մարուքյանի պատասխանը չուշացավ. «Ես չեմ ուզում իմ ելույթը համեմեմ ՀՀԿ-ի ներկայացուցիչների անուններով, կներեք, ես չեմ ուզում: Ամեն դեպքում, անցնեմ առաջ, շնորհակալ եմ պարոն ԱԺ նախագահ»:

Այսպիսով, 6-րդ գումարման Ազգային ժողովը կունենա 9 մշտական հանձնաժողով նախկին 12-ի փոխարեն:

Տպել
2891 դիտում

Իմ շնորհավորանքները հայ ժողովրդին, բրավո՛ Փաշինյան. Սահակաշվիլիի տեսաուղերձը՝ հայերին

Կարեն Կարապետյանն ու Դմիտրի Մեդվեդևը հեռախոսազրույց են ունեցել

Ես այս պայքարում եմ դրել հոգիս, ինձ եմ դրել, մենք հիմա ազատ ենք, քան երբեւէ. Ս. Միքայելյան

«Ես դավաճան կնոպկա չեմ սեղմի, թեկուզ՝ կյանքիս գնով». տոնին միացավ Վարդան Ղուկասյանը

Պուտինը օրենք է ստորագրել, մարդկանց իրավունքների եւ օրինական շահերի պաշտպանության համար

Տոնական, հաղթական Գյումրի

Հանրահավաքին վատացած սրտի արատով տղամարդու կյանքը փրկել չի հաջողվել,4 մարդ հիվանդանոցում է

Այսօր անհավանական օր է արդարությունը տոնելու համար. Սերժ Թանկյան

Արդեն ազատության մեջ է նաեւ Դավիթ Սանասարյանը

Սպիտակի երկրաշարժի դասերը ողջ աշխարհի համար. քննարկում ԱԻՆ-ում

Քիչ առաջ ազատ է արձակվել Արմեն Գրիգորյանը

Ոստիկանությունը խնդրում է դրսևորել փոխադարձ հարգանք և զսպվածություն. հայտարարություն

Աժ պատգամավոր, ԲՀԿ-ական Վարդան Ղուկասյանի անկեղծ հրճվանքը՝ Ս. Սարգսյանի հրաժարականից հետո

Նա տարված է մեր ժողովրդավարությանը միջամտելու գաղափարով. Մակրոնը Պուտինի մասին

Հուզմունքս մեծ է, հիացմունքս՝ անսահման, սերս՝ տիեզերական, դուք իմ ընտանիքն եք. Հայկո

Վանաձորի Հայքի հրապարակում նշում են վարչապետի հրաժարականը (լուսանկարներ, տեսանյութեր)

ԵԱՀԿ Մինսկի խումբը հանդես է եկել հայտարարությամբ տարածաշրջանում առկա իրավիճակի առնչությամբ

Էդվարդ Նալբանդյանը Յուհո Էէրոլայի հետ հանդիպմանը անդրադարձել է Բաքվի գործողություններին

Բակո Սահակյանը հանդիպել է Ռոբերտ Քոչարյանին

Լեւոն Բարսեղյանը չի ընդունում մեղադրանքը. նրան ազատ արձակելու որոշում դեռ չկա