Մարզպետը պաշտոնից ազատել է դպրոցի տնօրենին. աշակերտները պահանջել են չեղարկել հրամանը

Այսօր տեղեկություն տարածվեց, որ Արարատի մարզպետարանի մոտ բողոքի ցույց են անցկացնում Արտաշատի համար 5 դպրոցի մի քանի հարյուր աշակերտ` մարզպետից պահանջելով չեղարկել տնօրեն Ռուզաննա Հայրապետյանին պաշտոնից ազատելու հրամանը:

Արարատի մարզպետարանի կրթության, մշակույթի եւ սպորտի վարչության պետ Խաժակ Աղաբեկյանը մեր զրույցում ասաց, որ նշված դպրոցի տնօրենը մայիսի 16-ին մարզպետի անունով դիմում է ներկայացրել` խնդրելով իրեն ազատել աշխատանքից: Դիմումի մեջ պատճառաբանություն չի նշել: «Ըստ աշխատանքային օրենսգրքի` այսօր մենք նրան ազատել ենք աշխատանքից եւ պաշտոնակատար ենք նշանակել նույն դպրոցի մանկավարժներից մեկին, մինչեւ սահմանված կարգով թափուր պաշտոնի մրցույթ անցկացնելը»,- ասաց Արարատի մարզպետարանի պաշտոնյան: Նա պատասխանեց նաեւ մեր մի քանի հարցերին:

- Պարոն Աղաբեկյան, տեղեկություն կար, որ մոտավորապես 700 աշակերտ մարզպետարանի մոտ բողոքի ցույց է անում, պահանջում է աշխատանքից չազատել տնօրենին:

- Այդպիսի տեղեկությունները թյուրիմացություն են, մեզ մոտ եկել են ծնողներ, տնօրենի ազատման դիմումը մենք իրենց ներկայացրել ենք, մարդիկ համոզվել, գնացել են:

- Բողոքի ցույց չի՞ եղել:

- Դա կազմակերպված` նախկին տնօրենի կողմից, թե ինչ-ինչ, թե ով է կազմակերպել, աշակերտներ եկել են, անձամբ ես եւ փոխմարզպետը հանդիպել ենք 9-րդ դասարանի 10-15 աշակերտի հետ, բացատրել ենք, դիմումը ցույց ենք տվել, աշակերտներն ասել են ներողություն, գնացել են:

- Պարոն Աղաբեկյան, նշում եք, որ հնարավոր է տնօրենի կողմից էր կազմակերպված աշակերտների...

- Ես չեմ կարող ասել` ում կողմից էր կազմակերպված: Ես չեմ ասել` իր կողմից, ասել եմ` ես չգիտեմ, ում կողմից էր կազմակերպված: Եթե անգամ մանկավարժների կողմից կազմակերպված էր, դա մանկավարժին ոչ վայել արարք է:

Մեզ հայտնի դարձած տեղեկությունների համաձայն, այսօր Արարատի մարզպետարանում խորհրդակցություն է հրավիրվել, որին մասնակցել են նաեւ այլ դպրոցների տնօրեններ: Այդ մասին Խաժակ Աղաբեկյանն ասաց, որ հերթական խորհրդակցություն էր, վերոնշյալ միջադեպի հետ բացարձակ կապ չունեցող: «Հերթական խորհրդակցություն էր, որի ընթացքում քննարկել ենք մեր հետագա քննական աշխատանքների կազմակերպմանը, վերջին զանգին վերաբերող եւ այլ ընթացիկ հարցեր»,- նշեց նա:

Նաեւ պատասխանելով մեր հարցին` տեղեկացրեց, որ Արարատի մարզպետի պաշտոնում Արամայիս Գրիգորյանի նշանակվելուց հետո աշխատանքից ազատվել է դպրոցի երկու տնօրեն`Արտաշատի համար 5 եւ Մխչյանի դպրոցների տնօրենները: Երկուսն էլ սեփական դիմումի համաձայն:

Արամայիս Գրիգորյանն Արարատի մարզպետի պաշտոնը երկրորդ անգամ զբաղեցրել է 2016-ի սեպտեմբերից: 

Տպել
2680 դիտում

Արսեն Ջուլֆալակյանը կրկին պարտվեց Կարապետ Չալյանին. այս անգամ միջազգային ասպարեզում

Արթուր Ալեքսանյանը՝ Կիեւի մրցաշարի հաղթող

Լեպսի հիանալի համերգը Երեւանում

Ծառուկյան դաշինքը կողմ կքվեարկի ՀՀԿ-ի թեկնածու Արմեն Սարգսյանին.ԲՀԿ-ում այսօր ժողով է եղել

Տրանշ 4, 5-ն ավարտին հասցնելու համար սեփական միջոցները ներգրավվող ընկերություն է պետք. ՀՅԴ

ՀՀ ծանրամարտի առաջնությունում նախատեսված էր 94 ծանրորդ, մասնակցեց 160-ը. Փաշիկ Ալավերդյան

Օլիմպիական փոխչեմպիոն Գոռ Մինասյանը՝ ծանրամարտի ՀՀ չեմպիոն

Խոջալու. ինչպես է դա եղել. ադրբեջանցիները տղամարդավարի պարտվել չգիտեն

Կոալիցիայի ընթացքը. ամեն ինչ էլ հնարավոր է

Ասողին լսող չկա. գրում են ընթերցողները

ԵԼՔ-ն անցկացրեց պատմական լսումներ, որի մասին ԱԺ միջանցքներում միայն շշուկներով էին խոսում

«Գյումրի» բժշկական կենտրոնի բժիշկների ծեծկռտուքի գործով քրեական գործ է հարուցվել

Դանդաղ գործողության իշխանություն. Լիլիթ Ավագյանի հոդվածը

Երեւանը գրավելը զառանցանք չէր. քաղաքագետը՝ Սարգսյանի մյունխենյան բացթողումների մասին

Զինծառայող Ստեփան Ստեփանյանի մահվան նախնական պատճառը թունավորումն է

Սերժ Սարգսյանը չի կարող այս հարցին լուծում տալ․ Արագած Ախոյան

Կրթության տեսչության 12 աշխատակից ահազանգում է գործազուրկ դառնալու մասին

Ողբերգական դեպք Լոռիում. ձորն ընկած մեքենայի մոտ հայտնաբերվել է դի (լուսանկարներ)

Արտավազդ Փելեշյանը 80 տարեկան է. հոբելյանական երեկոյին ներկա է Ս. Սարգսյանը (լուսանկարներ)

«Աէրոֆլոտ օփեն»-ում Տիգրան Պետրոսյանը հարյուր տոկոսանոց արդյունք ունի