Убийца Պերմյակովին տվեցին, իսկ Հրաչյան դժբախտ պատահարի զոհ է, ինչո՞ւ չեն տեղափոխում

Ռուսաստանի Դաշնության Տամբով քաղաքի քրեակատարողական հիմնարկում գտնվող ՀՀ քաղաքացի Հրաչյա Հարությունյանի` Հայաստան արտահանձնելու գործընթացը շարունակվում է: Հիմա էլ Հարությունյանի հարազատները ռուսական դատարանի որոշմանն են սպասում:

Հրաչյա Հարությունյանի աները՝ Վիկտոր Մարտիրոսյանը, երբ տեղեկացել է, որ Ավետիսյանների սպանության գործով ցմահ ազատազրկման դատապարտված Վալերի Պերմյակովը տեղափոխվել է Ռուսաստան, զանգահարել է ՀՀ արդարադատության նախարարություն եւ հետաքրքրվել Հրաչյայի ճակատագրի մասին: Վերջինս պատասխանել է մեր մի քանի հարցերին:

- Պարոն Մարտիրոսյան, երբ զանգահարեցիք ՀՀ արդարադատության նախարարություն, ի՞նչ պատասխանեցին:

- Ես հետաքրքրվեցի, թե այդ ինչպե՞ս է Վալերի Պերմյակովին դուք (նկատի ունի նախարարությունը,-հեղ.) տվեցիք, Հրաչյային չեք ուզում բերել Հայաստան: Նրանք ինձ պատասխանեցին, որ գործը գտնվում է ռուսական դատարանում, դատարանը պետք է որոշում կայացնի Հրաչյային տեղափոխելու վերաբերյալ: Ասացին, որ որեւէ խոչընդոտ չկա, պետք է ուղղակի դատարանը որոշում կայացնի:

- Հայտնի չէ՞ թե երբ կհրապարակվի դատարանի որոշումը:

- Ամեն օր սպասում ենք, ես հարցրի` ե՞րբ կլինի, ասեցին, որ չեն կարող ասել, երբ դատարանը որոշում կկայացնի այդ ժամանակ էլ կտեղափոխեն: Ասում եմ՝ էդ ո՞նց է մի քանի օրում Պերմյակովի հարցերը լուծվեց, բայց Հրաչյային արդեն 4 տարի է չեք կարողանում բերել:

- Տեղեկություններ կար, որ, ըստ էության, տեղի է ունենում Հրաչյա Հարությունյանի եւ Պերմյակովի փոխանակումը: Դուք նման տեղեկություններ ունե՞ք:

- Գտեք ինչ, երբ ես այդ հարցը տվեցի Արդարադատության նախարարությանը, իրենք ասացին, որ դա անհնարին բան է: Ասեցի՝ դուք Պերմյակովին տվեցիք որպես հանցագործ, որպես убийца, իսկ Հրաչյան դժբախտ պատահարի զոհ է, ինչո՞ւ տեղափոխման հարցը չեն արագացնում:

- Հրաչյա Հարությունյանի հետ խոսել ե՞ք, առողջական վիճակը ինչպե՞ս է:

-Նույնն է: Մտել են իր մոտ՝ բանտ, ցանկացել են տանել վիրահատելու, սակայն Հրաչյան չի համաձայնել, ասել է՝ ուզում եք ինձ սպանե՞լ: Հրաչյան ասել է՝ ես կգնամ Հայաստանում կվիրահատվեմ, չի վստահում իրենց, ասել է, որ մեռնելուց Հայաստանում կմեռնի:

Հրաչյա Հարությունյանը, որը ազատազրկման էր դատապարտվել 6 տարի 9 ամիս ժամկետով, 2013 թվականի հուլիսի 13-ին ՌԴ Պոդոլսկի շրջանի մերձակայքում «Կամազ» մակնիշի բեռնատար մեքենայով բախվել էր մարդատար ավտոբուսին, ինչի հետեւանքով զոհվել էր 18 մարդ:

Նրան Հայաստան փոխանցելու մասին հայտնի դարձավ սույն թվականի ապրիլի 25-ին: Հայաստանի Հանրապետությունը Ռուսաստանին փոխանցել է այն գումարը, որը վթարից տուժածները պահանջում էին. խոսքը 18 միլիոն ռուսական ռուբլու (ավելի քան 153 միլիոն դրամ) մասին է:

Տպել
10338 դիտում

Ադրբեջանի կենտրոնական փողոցում հայկական դրոշի տարբերանշանով մեքենան իրարանցում է առաջացրել

Լեւոն Հայրապետյանը դարձավ իշխանությունների անտարբերության զոհը. Եւրոպայի հայերի համագումար

Արցախի Հանրապետության ԱԳՆ ղեկավարը ելույթ է ունեցել Բրյուսելում

Վլադիմիր Գասպարյանն այցելել է ոստիկանության զորքեր. լուսանկարներ

Ավանում ինքնասպանության փորձ է կանխվել

Սոբչակը հայտնել է, որ քաղաքական ծրագիր չունի ու իրեն չի աջակցում ոչ մի քաղաքական ուժ

Ժնեւից հետո, երբ զոհ ունեցանք, այդքան խոսելու փոխարեն պետք էր հարվածել. փորձագետ

Արա Բաբլոյանը հանդիպել է Լեհաստանի Սեյմի մարշալեկ Մարեկ Կուհչինսկու հետ

Պաշտպանի ներկայացուցիչները կրկին այցելել են Ներսես Պողոսյանին

Քաբուլում հնչել է երկրորդ պայթյունը. Զոհերի թիվը հասավ 50-ի

Երիտասարդական հիմնադրամը կփոխհատուցի ապրիլյան քառօրյային մասնակցածների ուսման վճարը

Ռուսաստանն արգելել է 33 տոննա լոլիկի ներկրումը Ադրբեջանից

«Երկիր ծիրանի»-ի անդամը դատի է տվել քաղաքապետարանին իրեն աշխատանքից ազատելու համար

Քաբուլում ահաբեկչության հետեւանքով ավելի քան 30 մարդ է զոհվել

Հայ-բելառուսական տնտեսական օրակարգի շուրջ հանդիպումներ են կայացել Մինսկում

Նախագահն ընդունել է Լեհաստանի արտաքին գործերի նախարար Վիտոլդ Վաշչիկովսկուն

Երթ՝ ի հիշատակ մեծ բարերար Լեւոն Հայրապետյանի. ֆոտո

ՄԻՊ աշխատակազմի թունիսցի հյուրերը «Աբովյան» ՔԿՀ-ում ստուգել են խցերն ու պայմանները. ֆոտո

Ծեծ, գողություն եւ ինքնիրավչություն՝ Վանաձորում. գործին խառնվել է «Շայբա»-ն

Ուսանողները նախարարի հետ հանդիպում են պահանջում. #տարկետումլինելուԱ