Հայաստան կայցելի Եվրոպայի Խորհրդի բարձրաստիճան պատվիրակությունը

19/05/2017 schedule18:53

2017 թվականի մայիսի 22-ից 25-ը կկայանա Եվրոպական խորհրդարանի արտաքին հարաբերությունների հանձնաժողովի նախագահ Դեյվիդ Մքալիսթերի (ԵԺԿ, Գերմանիա) գլխավորած պատվիրակության այցը Ադրբեջան, Վրաստան եւ Հայաստան: Այցի ընթացքում պատվիրակները կհանդիպեն երկրների նախագահների, խորհրդարանի նախագահների, իշխող եւ ընդդիմադիր կուսակցությունների անդամների եւ քաղաքացիական հասարակության ներկայացուցիչների հետ, տեղեկացնում են ԵԽ մամլո ծառայությունից:

Եվրոպական խորհրդարանի 8 անդամը կամփոփի վերջերս ձեռք բերված նոր ԵՄ-Հայաստան համաձայնագրի ներկա փուլի արդյունքները, ԵՄ-Ադրբեջան նոր համաձայնագրի ուղղությամբ ձեռք բերված առաջընթացը եւ ԵՄ-Վրաստան հարաբերությունների սերտացմանն առնչվող հարցեր:

«Ես եւ իմ գործընկերները անհամբերությամբ ենք սպասում Ադրբեջան, Վրաստան եւ Հայաստան կայանալիք այցին, որը նախատեսվում է հաջորդ շաբաթ: Տարածաշրջանը Եվրոպական միության համար կարեւոր նշանակություն ունի, ինչպես նաեւ հանդիսանում է Արեւելյան գործընկերության քաղաքականության կարեւոր գործընկեր: Ունենք բազմաթիվ փոխադարձ հետաքրքրություններ` մասնավորապես տարածաշրջանի խաղաղության, անվտանգության, ինչպես նաեւ առեւտրի խթանման առումով: Միաժամանակ հետամուտ ենք գործընկերային հարաբերությունների էլ ավելի խորացմանը՝ բարձր պահելով մեր արժեքները ժողովրդավարությունը, օրենքի գերակայությունը, լավ կառավարումը, մարդու իրավունքներն ու հիմնարար ազատությունները»,- այցին ընդառաջ նշեց նախագահ Մքալիսթերը:

Դեյվիդ Մքալիսթերին պատվիրակության կազմում կուղեկցեն Եվրոպական խորհրդարանի հետեւյալ յոթ անդամները՝ Լազլո Թոքեշը (ԵԺԿ, Հունգարիա), Զելյանա Զովկոն (ԵԺԿ, Խորվաթիա), Անդրեյս Մամիկինսը (Սոցիալիստների եւ դեմոկրատների առաջադեմ ալյանս, Լատվիա), Անգել Դժանբազկին (Եվրոպական պահպանողականների եւ ռեֆորմիստների խումբ, Բուլղարիա), Իվո Վայգլը, (Եվրոպայի լիբերալների եւ դեմոկրատների միություն կուսակցություն, Սլովենիա) Հելմուտ Շոլցը (Միավորված եվրոպական ձախ ուժերի խումբ, Գերմանիա) եւ Հերդի Հաուտալան (Կանաչների կուսակցություն, Ֆինլանդիա):

ԵԽ պատվիրակության այցը տարածաշրջան կամփոփվի մայիսի 25-ին` Հայաստանում, որտեղ նրանք կհանդիպեն Սերժ Սարգսյանի, Ազգային ժողովի նախագահի հետ, ինչպես նաեւ կայցելեն ԵՄ ֆինանսավորմամբ իրականացվող ծրագրի տարածք:

Ներկայում Եվրոպական միությունը վերանայում է Հայաստանի եւ Ադրբեջանի հետ հարաբերությունների ձեւաչափը նոր համաձայնագրերի միջոցով, որոնց շուրջ Հայաստանի հետ բանակցությունները վերջերս ամփոփվել են, իսկ Ադրբեջանի հետ բոլորովին վերջերս՝ մեկնարկել: Պատգամավորների այցը կնպաստի նշյալ համաձայնագրերի վերաբերյալ Զեկույցի եւ Առաջարկությունների մշակմանը, որը կներկայացվի Եվրախորհրդարանի կողմից ավելի ուշ այս տարի:

Տպել
647 դիտում

Պետրոսյաններն ԱՄՆ-ում խավիարի ամենահայտնի մատակարարն են. Forbes

Թուրքիայում ձերբակալվել է համշենահայ գրողի կինը

Պաշտոնական այցով ՀՀ է ժամանելու Ռուսաստանի վարչապետ Դմիտրի Մեդվեդևը

Խշոր չափի վնաս պետությանը՝ «Դիլիջան ազգային պարկում». հարուցվել է քրգործ

Հայաստանի եւ Ռուսաստանի վարչապետները կհանդիպեն հոկտեմբերի 24-ին Երեւանում

Վեդի-Գինեվետ ճանապարհին մեքենան դուրս է եկել երթեւեկելի գոտուց ու շրջվել

ԱՄՆ Պետդեպարտամենտը հաստատել է. Ան-Նուսրա խմբավորումը Սիրիայում քիմիական զենք է կիրառում

Երևանում եւ 7 մարզերում մինչև 6-ժամյա հոսանքազրկումներ են սպասվում

Մալթացի լրագրողի մահը սպանություն է. Ռումբը տեղադրված է եղել հենց մեքենայի տակ

Սաուդյան Արաբիայում բացվել է առաջին ֆիթնես ակումբը կանանց համար

«Հրապարակ». Ջերմուկի քաղաքապետը վա՞յր կդնի մանդատը

«Հրապարակ».Սեյրան Սարոյանին Չինաստանից տեղափոխել են Մոսկվա, բայց կբուժեն կորեացի բժիշկները

Երեւանի Կենտրոնում ու Վայոց Ձորում 12 ժամ ջուր չի լինի

«Ժողովուրդ». Ֆինանսական չարաշահումներ ու կոռուպցիայի բարձր ցուցանիշ Սոցապում

Ռուբլու փախարժեքը նվազում է

Վթար Գյումրի քաղաքում. կա վիրավոր

Թրամփի խորհրդականը հայտնել է ԱՄՆ-ի ու Ռուսաստանի հնարավոր համագործակցության մասին

Այս շաբաթ հայտարարված է համաքաղաքային շաբաթօրյակ

Հայաստանում 1-ին անգամ հնչեց Սերժ Թանկյանի սիմֆոնիան

Պուտինը չի բացառել, որ հաջորդ նախագահը կարող է կին լինել