Աննան իրենց դպրոցի միակ շրջանավարտն է. ինչպիսի «Վերջին զանգ» է նա ունենալու

Հայաստանյան բազմաթիվ դպրոցներում այս տարի շրջանավարտ չի լինի կամ վերջին զանգը կհնչի մեկ-երկու աշակերտի համար:

Աննա Ներսիսյանը Շիրակի մարզի Գոգհովիտ համայնքի միջնակարգ դպրոցի միակ շրջանավարտն է: Նա, ընդունվածի պես, մեծ շուքով «Վերջին զանգ» միջոցառում չի ունենա մարդաշատ դահլիճում` բեմի վրա: Մայիսի 26-ին դասարանում ընդամենը վերջին դաս կկազմակերպվի:

Աննան սովորել է երկկոմպլեկտ դասարանում` 11-րդ դասարանցի երեք աշակերտների հետ, որոնք էլ վերջին դասի միջոցառման ժամանակ ընկերակցելու են նրան:   

«11-րդ դասարանցիների հետ պետք է վերջին դաս կազմակերպենք` կես ժամանոց միջոցառում: Ներառելու ենք երգեր, մի փոքրիկ հումորային բեմադրություն, ավարտական խոսքեր, շնորհակալական խոսքեր»,- մեր զրույցում պատմեց Գոգհովիտի ավարտական դասարանի աշակերտուհին: Չհերքեց, որ տխրում է շատ դասընկերներ չունենալու պատճառով. «Դե, իհարկե, միայնակ ամեն ինչն էլ դժվար է, տխուր է, բոլորով միասին ավելի լավ է»:

Անդրադառնալով երկկոպմլեկտ դասարանում սովորելուն` Աննա Ներսիսյանը նկատեց, որ դա ե´ւ առավելություններ ունի, ե´ւ թերություններ: «Դրականն այն է, որ ես մեկ տարով մեծ եմ իմ դասընկերներից, եւ հիմա, երբ քննության թեմաները կրկնում եմ ու իրենց դաս են բացատրում, լսում եմ, վերհիշում եմ: Բայց բացասակայն կողմ էլ կա. 45 րոպե դասաժամը կիսվում է, ամբողջը մեզ չի հատկացվում, մի կեսը մեզ հետ են պարապում, մյուս կեսն էլ մենք ինքներս ենք մեզ վրա աշխատում»,- ասաց դեռեւս աշակերտուհի Աննան:

Նա որոշել է անպայման շարունակել ուսումը, մտադիր է օտար լեզուներ ուսումնասիրել: 

Գոգհովիտ գյուղի միջնակարգ դպրոցի տնօրեն Նազան Գրիգորյանից տեղեկացանք, որ հաստատությունում սովորում է 41 աշակերտ: Դասարանների թիվը 6-ն է, որովհետեւ բոլորը երկկոմպլեկտ են: Տնօրենը չհերքեց, որ օրակարգում կա գյուղական դպրոցների միավորման հարց: Նա, սակայն, կարծիք հայտնեց, որ եթե անգամ որոշում ընդունվի մոտակա գյուղերում գործող հանրակրթական հաստատությունները միավորել, տեղափոխվողը Գոգհովիտի դպրոցը չի լինի, որովհետեւ այն հիմնավերանորոգված է:

Լոռու մարզի Ախթալա համայնքի համար 1 դպրոցը նույնպես այս տարի միայն մեկ շրջանավարտ ունի: Նրա հետ, սակայն, հնարավոր չեղավ զրուցել: «Կրթական ծրագրերի պահանջին համապատասխան՝ կլինի վերջին դաս, շրջանավարտին մենք կշնորհավորենք, հրաժեշտ կտանք` առանց որեւէ լուրջ տոնակատարության, առանց զուռնա- դհոլի եւ հայկական միջավայրում ընդունված ավելորդությունների»,- ասաց տնօրեն Լեռնիկ Ճիճիլյանը:

Ախթալայի համար 1 դպրոցում, ըստ նրա, սովորում է 136 աշակերտ: Առանձին դասարաններում սովորողների թիվը 9-17 է, բացի 12-րդ դասարանից:

Լեռնիկ Ճիճիլյանը նույնպես չբացառեց, որ կարող է դպրոցների միավորման հարց առաջ գալ: Քաղաքում գործում է երկու հանրակրթական հաստատություն: «Այսպիսի պաշտոնական ցուցակ չկա, հետեւաբար չեմ կարող հստակ ասել: Համենայնդեպս, մեր դպրոցը վերացման եզրին չէ, այսպես ասած: Եթե միանան, մեր դպրոցին կմիանան, որը նորմալ պայմաններ ունի` վերանորոգված է, սպորտդահլիճ կա, համակագչային սենյակներ եւ այլն: Ամեն ինչով ապահովված է»,- ասաց նա:

Մեր զրուցակից տնօրենը ողջունում է կառավարության օպտիմալացման նախաձեռնությունը: «Ընդհանրապես, ես կողմ եմ փոքր դպրոցների միավորմանը: Մեզ նման պետությունը, որը շատ գումարներ չունի, անիմաստ է քաղաքի մեջ երկու, էլ չեմ ասում` հինգ-վեց դպրոց պահել,  երբ ծանրաբեռնվածությունը թույլ է տալիս երեք դպրոցով բավարարվել: Դպրոցը աշակերտի համար է եւ պետք է ստեղծել կենտրոնացված, լավ դպրոցներ, որպեսզի աշակերտը որակյալ կրթություն ստանա, ինչը մեր գլխավոր խնդիրն է: Դպրոցը աշխատատեղ ապահովելու համար չէ: Նման դեպքում կունենանք որակյալ մրցակցություն, որակյալ աշխատողներ, եւ, բնականաբար, որակյալ կրթություն մեր երեխաների համար»,- կարծիք հայտնեց Ախթալայի համար 1 դպրոցի տնօրենը:

Նա դեմ չի լինի, եթե նաեւ ոչ սահմանամերձ ու ոչ բարձր լեռնային դպրոցներն օպտիմալացվեն, որտեղ, ասենք, 12 աշակերտ է սովորում, իսկ պետությունից փոշիացվում 30 միլիոն դրամ: Դրա փոխարեն, ըստ նրա, կարելի է 3-5 միլիոն դրամ տրամադրելով կազմակերպել աշակերտների տեղափոխումը հարեւան գյուղի դպրոց:

Տպել
10432 դիտում

Ցուցարարներին ծեծած Մասիսի քաղաքապետի եղբորը չեն ներկայացրել նախաքննական մարմնին

Ջուլիետտա Ստեփանյանը եւ Ալինա Մարտիրոսյանն ամուսնու հետ այսօրվա հանրահավաքին (լուսանկար)

Նոր շոր ու կոշիկ առնեմ, էս շորերը հանեք, մեր կողքը կանգնեք. մոլի աշխատակիցը՝ ոստիկաններին

Հանրային ռադիոյում խիստ վերահսկողություն է. աշխատակիցներին ժամով են թողնում

Ցուցարարները արգելափակել են Վիգեն Սարգսյանի մեքենան եւ փորձել բացել դուռը

Թատերականի նախկին ուսանողը ամոթանք է տալիս ռեկտորին եւ դիմում փոխքաղաքապետին. տեսանյութ

Հասարակությունը փոխվել է, ոստիկանությունը՝ ոչ

Այստեղ աղբարկղ կդնենք, բերեք շպրտեք այդտեղ այդ աղբը՝ ձեր ՀՀԿ անդամատոմսերը. թարմացվող

ԱՄՆ-ում պատռել են Սերժ Սարգսյանի նկարը. դերասանուհի Անժելա Սարգսյանը մասնակցել է ցույցին

Արմեն Սարգսյանը հրաժեշտի հանդիպում է ունեցել Էրիկաս Պետրիկասի հետ

Ինչո՞ւ է Ռուսաստանը վախենում գունավոր հեղափոխություններից

Վանաձորում կրկին միացել են երեւանյան ցույցերին

Սերժ Սարգսյանը շնորհավորանքներ է ստանում Ղրղզստանից, Վիետնամից եւ Տիգրան Սարգսյանից

Հայկ Բարսեղյանն ազատ է արձակվել. ոստիկանները վնասել են նրա մեքենան (լուսանկար)

Ժամը 17:00-ի դրությամբ՝ ոստիկանություն է բերվել 217 քաղաքացի. ոստիկանություն

Ոստիկանության քրեական հետախուզության բաժնի աշխատակիցների նկատմամբ բռնություն է գործադրվել

Հայաստանի ոչ պոպուլյար նախագահն իրեն վարչապետ է կարգել. The Economist-ի անդրադարձը

Դերասան Արման Նշանյանը կոչ է անում միանալ #ԻմՔայլին (լուսանկար)

«Առաքելություն» կուսակցությունը համերաշխություն է հայտնում ցուցարարներին

Գյումրիում առաջին անգամ Նիկոլ Փաշինյանի Թավշյա հեղափոխությանը միանալու կոչ է հնչել