ԿԸՀ-ն հետաձգեց «Երկիր ծիրանի»-ի դիմումի քննարկումը․ ԵԾ-ն կշարունակի պայքարը․ վիդեո

Այսօր  կենտրոնական ընտրական հանձնաժողովը՝ ամփոփվելով Երեւանի ավագանու ընտրությունների արդյունքները, պետք է քննարկվեր նաեւ ընտրություններին մասնակցած «Երկիր ծիրանի» կուսակցության պահանջը։

Հիշեցնենք, որ «Երկիր ծիրանի» կուսակցությունը մայիսի 16-ին բողոք էր ներկայացրել՝ պահանջելով մայիսի 14-ին անցկացված Երեւանի ավագանու ընտրությունների արդյունքներն անվավեր ճանաչել։

Նիստի մեկնարկին ԿԸՀ նախագահ Տիգրան Մուկուչյանը հայտարարեց, որ «Երկիր ծիրանի» կուսակցության դիմումը ներկայացվել է կուսակցության լիազոր ներկայացուցիչ Արմեն Գաբրիելյանի կողմից և նրա ներկայությունը պարտադիր է: Սակայն, կուսակցության առաջնորդ Զարուհի Փոստանջյանն ու նրա համախոհները հայտարարեցին, որ Գաբրիելյանը պատշաճ ծանուցված չի եղել այսօրվա նիստի վերաբերյալ, հետեւաբար նա չի կարողացել ներկայանալ նիստին:

Ըստ Մուկուչյանի՝ իրենք ապացույցներ ունեն, որ հեռախոսազանգով տեղեկացրել են նիստի օրվա եւ ժամի մասին: Ի վերջո՝ ԿԸՀ-ն որոշեց դիմումի քննարկումը հետաձգել մինչեւ այսօր ժամը 13:00-ն, որպեսզի լիազոր ներկայացուցիչ Արմեն Գաբրիելյանը հնարավորություն ունենա մասնակցելու նիստին:

Նիստի ավարտին «Երկիր ծիրանի» կուսակցության առաջնորդ Զարուհի Փոստանջյանը նշել է, որ կուսակցության ավագանու անդամներին թույլ չեն տվել մասնակցել բողոքի քննարկմանը, բացի այդ, նիստի մասին կուսակցությանը ծանուցել են բավական ուշ, ինչն ըստ Փոստանջյանի՝ նշանակում է չեն ցանկացել, որ կուսակցության անդամները ներկա լինեն նիստին։

Սակայն Փոստանջյանը նշել է, որ բողոքը շարունակելու են ներկայացնել այլ ատյաններում՝ այդ թվում նաեւ միջազգային։

«Ես՝ ունենալով բազմամյա փաստաբանական գործունեության փորձ, հասկանալով, թե ինչ է իրենից ներկայացնում ավտորիտար եւ դավաճան ռեժիմը, այնուամենայնիվ կարեւորում եմ ներպետական ազգային ընթացակարգերով բողոքները եւ պահանջները ներկայացնելը, որից հետո հնարավոր կլինի դիմել միջազգային ատյաններ»,-ասել է Փոստանջյանը՝ հավելելով, որ շարունակելու են պայքարը, որն իր մեջ ներառում է Սերժ Սարգսյանի եւ ՀՀԿ-ի տապալումը։

Ըստ Փոստանջյանի՝ 2017-ին անցկացված երկու ընտրական գործընթացներն ընդգծել են, որ այլեւս ողջ ընտրական գործընթացն իրականացվելու է ՀՀԿ-ի կողմից համակարգված կոռուպցիայի ներքո։

«Այսօր կոռուպցիայի հետեւանքով առաջացած խնդիրները եւ սպառնալիքները խարխլել են Հայաստանում դեռեւս չզարգացած ժողովրդավարական ինստիտուտները, բարոյական արժեքները։ Կոռուպցիայի ամենացինիզմ դրսեւորումը Սերժ Սարգսյանի կողմից արցախապատկան հողերի վաճառքն է»,-հայտարարել է Փոստանջյանը՝ նշելով, որ սկսում են ազգային դիմադրության շարժում, որը կտապալի գործող ռեժիմը։

 

Տպել
16900 դիտում

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն

ՃՈ-ն որոշ ցուցանակներ ձմռանը կփակի ծածկոցներով, կդադարեցվեն դրանց ազդեցությունը

Ադրբեջան գալու համար պետք է ճանաչեք մեր տարածքային ամբողջականությունը. Ալիևի դուստրը՝ ռուս կանանց

Երեւանում պատրաստված 368,6 կգ քաշով գաթան պաշտոնապես գրանցվել է Գինեսի գրքում

Հնարավոր է՝ առաջիկայում հայ բժիշկները վերապատրաստվեն Շվեյցարիայում. Աննա Հակոբյանը պայմանավորվածություն է ձեռք բերել

Հայաստանը Լիխտենշտեյն է ուղարկել առաջին դեսպանին

Կանադայի վարչապետ Ջասթին Թրյուդոն շնորհավորել է Նիկոլ Փաշինյանին

Թուրքիան կշարունակի աջակցել Ադրբեջանին. Ալիեւն ու Չավուշօղլուն քննարկել են արցախյան խնդիրը

Էդմոն Մարուքյանի կամանդի ոսկե հովանավորը. Ուրիխանյանը ուշագրավ մանրամասներ է հայտնելու