Ի՞նչ թեստերով են անցկացվելու առաջիկա ավարտական քննությունները. ԳԹԿ տնօրենի պարզաբանումները

Առաջիկա օրերին անցկացվելիք ավարտական քննությունների ժամանակ արդյոք նոր թեստե՞ր են լինելու, թե՞ աշակերտներին առաջարկվելու են այն նույն թեստերը, որոնք արդեն իսկ կիրառվել են նախորդ կիսամյակի վերջում կազմակերպված քննությունների ժամանակ` դրանց բովանդակությունը հասանելի դարձնելով ավելի ուշ քննություն հանձնող շրջանավարտներին:  

Հիշեցնենք, որ եզրագծին մոտեցող ուսումնական տարում ավարտական քննությունները կազմակերպվեցին այլ սկզբունքով. 12-րդ դասարանցիներին իրավունք տրվեց ավարտական քննությունները, ցանկության դեպքում, հանձնել դեկտեմբերին` նախորդ կիսամյակի ավարտին, եթե սովորողը չէր ունենալու տվյալ առարկայից միասնական քննություն հանձնելու անհրաժեշտություն` բուհ ընդունվելու համար:

Գնահատման եւ թեստավորման կենտրոնի տնօրեն Արա Իսպիրյանը մեր հարցին պատասխանելով՝ ասաց, որ ավարտական քննությունների թեստերը կլինեն նոր եւ չեն կրկնի նախորդ կիսամյակում կիրառվածները:

«Նոր քննական շրջանում կլինեն նոր թեստեր: Բնականաբար, այդ թեստերը պատրաստված կլինեն ավարտական քննության համար` պահպանելով համարժեքության սկզբունքը: Այսինքն` կլինեն մոտավորապես նույն բարդության, նույն տեսակների, նույն, այսպես ասենք, խնդիրների մակարդակի, բայց դրանք կլինեն լրիվ տարբեր առաջադրանքներից եւ տարբեր թեստեր»,- նշեց Արա Իսպիրյանը:

Ինչ վերաբերում է ԳԹԿ կայքում նախորդ ավարտական քննությունների թեստերը չլինելուն, եւ միայն դրանց պատասխանները հրապարակվելուն, մեր զրուցակիցը պարզաբանեց, որ դա չի նշանակում, թե թեստերը կրկնվելու են ու այդ պատճառով չեն հրապարակվել:

«Ավարտական  քննությունների թեստերն ընդհանրապես կայքում չեն տեղադրվում: Տրամաբանությունը հետեւյալն է. քանի որ միասնական քննության թեստերը մնում են մեզ մոտ եւ քննության ավարտից հետո երեխաների, ուսուցիչների, ոչ մեկի մոտ չեն լինում, դրանք հրապարակում ենք կայքում, որպեսզի հանրությանը ծանոթ լինի, եթե ինչ-որ խնդիրներ ունեն` բողոքարկման եւ այլն, թեստերում կարողանան նայել: Բայց ավարտական քննական թեստերը մնում են դպրոցներում, դրա համար էլ դրանք կայքում տեղադրելու  իմաստը չկա: Այսինքն` այն թեստերը, որոնցով դեկտեմբերին իրականացվել են քննությունները, պահվել են դպրոցներում` որպես փաստաթուղթ: Իսկ նոր քննություններին մենք կուղարկենք նոր թեստեր, որոնք իրենք կստանան, նույն ձեւով կիրականացնեն քննությունը եւ նորից կպահեն որպես հիմք»,- մանրամասնեց ԳԹԿ տնօրենը:

Տպել
3043 դիտում

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Ադրբեջանի դիրքորոշումը չի նպաստում Լեռնային Ղարաբաղի շուրջ երկխոսությանը. Բեռլին

Գազի մատակարարման դադարեցումներ կլինեն Քանաքեռ -Զեյթունում եւ Ֆիոլետովո համայնքում

Ակտաուի կոնվենցիան՝ արտաքին քաղաքականության ցուցիչ

Պատրաստվել տեւական պայքարի. Իրանի նախագահը կոչ է անում դիմակայել ԱՄՆ-ին

Մեգանը ու Հարին կհետեւեն խիստ կանոնների, եթե որոշեն երեխա ունենալ

ՀՀ-ն ու ՌԴ-ն քննարկելու են ռազմական ոլորտում համագործակցության իրավական հարցերը

ԱՄՆ-ը, Իսրայելն ու ՌԴ-ն համամիտ են Սիրիայից ու Իրաքից Իրանի զորքերի դուրս բերման հարցում

Նռնակ են նետել Զովասարի մշակույթի տան տնօրենի տան ուղղությամբ. կասկածյալը ՊՆ աշխատակից է

Չենք խառնվում ՀՀ ներքաղաքական իրադարձություններին. Դավիթ Բաբայան